لمن يريد مقياس درجة الحرارة الخارجية

**accord 06** · 19-02-2007, 01:09 AM

سؤال بسيط وغريب : ليش يشتغل المؤشر في حالة تركيب الاكسسوار وبدون برمجة ؟؟

يمكن الطبلون يكون مبرمج انه يستقبل المعلومه من الـ control unit حقت الاكسسوار
و يعرضها مباشره .. و ما تعرض الـ outside الا اذا كانت المعلومه واصله

**wald 3rb** · 20-02-2007, 02:40 PM

طيب خيووو M.A.M انا سألت كهربائي شاطر قالي الطبلون نفسه

لكن يمكن وجود الحساس للحراره الخارجيه باV6 و مش موجود بالV4 :( انا بسأل قطع الغيار عنه وبشوووف

لي رجعه طبعا انا اتكلم عن2006 و2007

**تركي التركي** · 20-02-2007, 03:26 PM

wald 3rb

اخوي يبدو انك ماقريت الموضوع كامل وانت تعيد السالفة !!!

الحساس موجود بالفل 4 ومش موجود بالسياحي أ.هــ

صارت بيني وبين اخوي M.A.M مكالمة هاتفية وان شاء الله ان الدعوى تتيسر بالطرق

الرسمية لأن الواضح ان الدعوى كلها برمجة لاأكثر !!

التفاصيل عند اخوي M.A.M ونحن في انتظار ماسيفعله وعساه على القوة

تحياتي لكم

**922** · 26-02-2007, 12:09 PM

السلام عليكم

اطلعت مؤخراً على كتب صيانة لسيارات تويوتا

واكتشفت انهم يستخدمون اجهزة كثيرة وكلها من صنع تويوتا ومخصصة لسيارات تويوتا

على سبيل المثال جهاز يعدل حساسية Abs و يعدل الخيارات والخصائص لانظمة الثبات

الشاهد من هالكلام

ان جميع وكلاء السيارات تتوفر لديهم اجهزة متخصصة لسيارات التى يوردونها وتكون حصرية

للوكلاء فالامر الاكيد ان وكيلنا الموقر يملك الاجهزة المطلوبة ويحتكرها واتوقع ان الورش

ماتدري عن وجودها اصلاً

ان شاء الله مع رد M.a.m القادم تتوضح الامور مثل ماقال تركي

تحياتي للجميع
محمد

**The Godfather** · 27-02-2007, 06:11 PM

السلام عليكم
عندي لكم اضافه يمكن تكون الحل للمشكله برمتها
دخلت موقع مختص ب الاكسسوارات تبع الهوندا
لقيت انهم حاطين مقياس درجة الحراره و كاتبين انه يكون مكان التريب a و التريب b و الحراره بعدهم
بس كاتبين انه ما يصلح للنوع الهجين و لا للي مركبين كشافات الضباب
و حاطين رابط حق طريقة التركيب بملف pdf
كاتبين اختار موديل السياره انا حطيت 2006 و تقدر تدخل الموقع و تغير الموديل و تشوف الطريقه
http://www.handa-accessories.com/acc...utsidetemp.pdf

**هوندا اكورد 2020** · 28-02-2007, 01:55 PM

اكيد بضيفول ميزة درجة الحراره على موديل 2002 بس على فكره هل درجة الحراره موجوده في باقي انواع الهوندا مثل الاوديسي او سيارات الدفع الرباعي

**M.A.M** · 28-02-2007, 09:16 PM

السلام عليكم
ياشباب انا كلمت مدير صيانة هوندا (خريص) قبل ثلاثة ايام وقال لي انا في جدة ابرجع بعد يومين ودقيت عليه اليوم وخذت موعد معه .. بس للاسف اني ضيعت متى الموعد وكل اللي اعرفه انه الساعة 2 الظهر لكن مااعرف اي يوم :( وان شاء الله ادق عليه ثانية واتأكد موعدي متى بالضبط .. النسيان مشكلة والله

على العموم الاخ الكريم تركي التركي كلمني واقترح اقتراح حلو وهو : ان واحد من الشباب يروح لمدير الصيانة ويعطيه خطاب رسمي عن طريق منتديات هوندا والاخ تركي ماقصر كتب الخطاب وصاغه صياغة جميلة وارسله على ايميلي وانا ان شاء الله راح اطبع الخطاب واسلمه يداً بيد لمدير صيانة هوندا(خريص) والله يكتب اللي فيه الخير .. واعذروني على التأخر في كتابة رد من فترة ولكن صراحة مااحب اكتب رد وهو مافيه شي جديد
واوجه شكري للاخ تركي التركي على اهتمامه بالموضوع وعلى صيغة الخطاب الجميلة واعذرني اخوي تركي انا حطيت الخطاب باسمي علشان اذا سأل شي اجاوبه بصفتي كاتب الخطاب .. وحقوق الطبع محفوظة لك اخوي تركي

اخوي 922 فعلاً اغلب الشركات عندها اجهزة خاصة فيها ولاتوجد الا عند الوكيل وياخوفي ايضاَ ماتكون عند الوكيل

بس مشكلتنا كيف نعرف وش عند الوكيل وهم غطوا على ايران في التكتم على اسرارها النووية .. لازم احد من داخل الوكالة يصير خوينا

همسة في اذن بعض الشباب : حاولوا قراءة الموضوع كاملاً

تحياتي وتقديري للجميع

**922** · 01-03-2007, 05:48 AM

ماقصرت M A M وتركي التركي

على الجهود ونحن بنتظاركم

**الاخطبوط** · 01-03-2007, 06:10 PM

ماشاء الله عليكم

يعني بيصير الموضوع بطريقة رسمية

بس وشهو محتوى الخطاب؟؟

**accord 06** · 01-03-2007, 11:54 PM

ما قصرتوا و الله

بانتظارك اخوي M.a.m

**ن ك د السـعــــوديه 3 5 7** · 02-03-2007, 02:51 AM

ما قصرتوا و الله

بانتظارك اخوي M.a.m

**beckhaam** · 02-03-2007, 04:26 PM

ما قصرتوا و الله

بانتظارك اخوي M.a.m

**أبان الطباع** · 02-03-2007, 06:09 PM

ما قصرتوا و الله

بانتظارك اخوي M.a.m
أعتذر جداً جداً لعدم إيصالي الخطاب الذي كتبته أنت!!
بعد قليل لي لقاء مع مدير الصيانة الذي حدثتكم عنه وسأعطيه ماكتبته بمشاركتك السابقة.

**أبان الطباع** · 02-03-2007, 11:06 PM

تم عرض الرد الذي كتبته سابقاً مع هذا الرد على صديقي مدير الصيانة، فكانت النتيجة كما توقعنا:
الوكالة لن تتعاون معنا بشأن تغيير البرمجة للأكورد ولو ركبت عداد الستة سلندر وطلبت تغيير برمجته، بأحسن الإحتمالات يغيرونه بعداد الأربعة سلندر ويعود الأمر كما كان.
اقترح أن تضعوا عداد درجة الحرارة الخارجية كإكسسوار منفصل وسلامتكم

**ن ك د السـعــــوديه 3 5 7** · 03-03-2007, 12:22 AM

معليش يا Honda :(

بس انا واحد مسكت معاي غلط إلا وأشغله عناد للوكاله

وإلا وش رايكم ياشباب ؟؟؟؟

ياشباب:

يد بيد تكون كالسد <<< معليش يا accord 2002 على الزرفه بس هذا وقتها :d

**الاخطبوط** · 03-03-2007, 02:51 PM

يد بيد نكون كالسد >>> السد العالي

وريال على ريال تجيب ام العيال >>> حكمة قعيطي

المهم

يعني فشلت سالفة الخطاب ولا خطاب Honda غير خطاب MAM يعني ننتظر ولا نركب الاكسسوار ونريح روسنا

**أبان الطباع** · 03-03-2007, 03:09 PM

لا أنا نسخت خطابه وعرضته على من اعرف، يعني هو سيعرضه على غيره لكن النتيجة غالياً ماتكون نفسها، لأن هذا الشخص بالحقيقة يقرب لي وهو إداري في قسم الصيانة، يعني لو في أمل ماكان قصر.

**M.A.M** · 03-03-2007, 06:13 PM

السلام عليكم
اخوي الكريم Honda مشكور وماقصرت والله يعطيك العافية
الاداري اللي تعرفه في فرع خريص ؟؟ لان الخطاب اللي انا راح اوديه راح اسلمه يداً بيد لمدير الصيانة في فرع خريص .. لذلك اتمنى ترد لي خبر علشان اذا كان في خريص مااتعب نفسي وافشل عمري .. وبالنسبة للاكسسوار فاغلب الاعضاء ماعندهم مانع يركبونه لو يتأكدون انه يشتغل لانه مافيه احد جرب والوكالة حتى الاكسسوار ماوفروه .. يعني محرومين محرومين لو جيناهم بالطرق الرسمية .. الظاهر يبي لها طبلون كندي مافيها كلام ولا يبرمجونه ابد خل نخلي الضمان يبدأ من اول وجديد ;) وش نسوي طفشنا منهم :(
اخوي ابغى اعرف الرد حقي اللي وصلته للاداري في صيانة هوندا .. اي رد او الرد رقم كم ؟
ايضاً ابغى اعرف ليه يرفضون التجاوب معنا ؟؟

وبالنسبة للخطاب فهو من صياغة الاخ تركي التركي كما اخبرتكم من قبل ولكن انا من سيقوم بايصاله لمدير الصيانة في خريص .. مشكور اخوي تركي التركي وماقصرت والله

حبيبي ن ك د وانا ماسكة معي بعد وان شاء الله راح نقهرهم بتركيبه ونروح للوكالة ونستعرض قدامهم فيه

الله يعطيكم العافية ياشباب
تحياتي وتقديري للجميع

**أبان الطباع** · 03-03-2007, 07:22 PM

بجدة لكنه مدير منقطة على ما أعتقد..

**هوندا كونكورد** · 04-03-2007, 01:12 PM

آخ يا الهوندا اتخلين المازدا اتحط مقياس درجة حرارة و انتي اتأجلين الموضوع لبعدين ... ليش كذا يا هوندا مش من عوايدك يا الغالية:(

شكرا على جهودكم

ياريت لو اتكملون و توصلون لنتيجه

**ابوسعد** · 07-03-2007, 08:59 PM

المشاركة الأصلية كتبت بواسطة هوندا اكورد 2020

اكيد بضيفول ميزة درجة الحراره على موديل 2002 بس على فكره هل درجة الحراره موجوده في باقي انواع الهوندا مثل الاوديسي او سيارات الدفع الرباعي

السلام عليكم
انا معي سي ار في 2006 موجود فيه درجه الحرارة بالمئويه

**waleed10** · 11-03-2007, 04:21 AM

يا اصحاب الهنادي والله انكم ناس ذويقه وجنتل اتا معي هوندا v6ضاع الرموت كنتروال . رحت للوكاله وسئلت كم تكلفت الرموت طلع الناتج 1900 ريال وسئلت مشرف الصيانه / طبعا سعودي قال لي اطلب المفتاح بالرموت ورح تحت الكبري وقص المفتاح وارجع للوكاله يبرمجونه لك............... السؤال ............. ياشباب هل تعرفون محل مختص في البرمجه . وهل معقول كلام المشرف . على فكره رحت للتشليح اسئل عن مفتاح مستعمل مالقيت ليش لانه مومعقول اشتري من الوكاله 1900ريال وهو ماله فايده مثلا ليس فيه انذار للسياره<<<<سيكرتي>>>> طولت عليكم

**الاخطبوط** · 11-03-2007, 10:25 AM

اخوي وليد

لو طالعت شوي فوق في المواضيع المثبته فيه موضوع اسمه المواضيع المميزه بقسم الانظمة الكهربائية والصوتيه

http://www.hondaarabia.com/club/showthread.php?t=1909

شوف الموضوع رقم 7 للكاتب accord 06

بتلقى ان شاء الله كل اللي تبيه وخصوصا طريقة البرمجه

**accord 06** · 13-03-2007, 09:38 AM

لقيت طريقة نسخ العداد

1- Before replacing the gauge control module, connecte the HDS to the data link connector.

2- Select GAUGES from the BODY ELECTRICAL SYSTEM SELECT menu display.

3- Select "GAUGE CONTROL MODULE REPLACEMENT (ODO rewrite)" from the ADJUSTMENT MENU, and follow the instructions on the display to retrieve the ODO value.

4-Replace the gauge control module.

5- Follow the instructions on the diaply to write the new ODO value to the new gauge control module.

**M.A.M** · 13-03-2007, 07:40 PM

اخوي ابو سعد حياك الله معنا في الموضوع
لو تقدر تحط لنا صورة طبلونك وفيه درجة الحرارة الخارجية تصير كذا

الله يعطيك العافية يا accord 06
هذي الطريقة شايفها من فترة وسبق وقلت ان نسخ بيانات الطبلون يتم عن طريق ال HDS لكن المشكلة وين نجيب ال HDS مالك الا الوكالة وهذا اذا لقيته عندهم .. والسؤال هل من ضمن البيانات درجة الحرارة الخارجية ؟؟ الله اعلم
ماقصرت اخوي accord 06 على اهتمامك وحرصك في الموضوع والله يعطيك الف عافية اخوي ومشكور وماقصرت

على فكرة ياشباب انا راسلت موقع قطع غيار كندي لكنه للاسف ماعنده طبلون :(
وبالنسبة للموضوع مافيه جديد ياشباب للاسف وانا صار لي احباط بعد ماقال لي مشرفنا العزيز انه تم رفض الطلب من قبل مدير صيانة او مدير منطقة في جدة فصراحة احبطت واعذروني ياشباب مارحت بالخطاب لاني اتوقع انه راح يتم الرفض خصوصاً ان الاخ Honda كلم احد مديري الصيانة وايضاً تربطه معه صلة قرابة ومع ذلك تم رفض الطلب فما بالكم ياشباب لو رحت انا فاتوقع راح يكون الرفض لذلك ماكلفت نفسي العناء واعذروني ياشباب واحتمال اذا قدرت وشفت نفسي مروق كلمت مدير صيانة هوندا (خريص) وحددت موعد معه من جديد علشان اسلمه الخطاب .. اتمنى ماتزعلون مني ياشباب على هذا التخاذل والاحباط

تحياتي وتقديري للجميع