افضل مكان لصيانة هوندا في جدة

**التركي** · 20-09-2008, 04:15 PM

يا شباب جدة كل واحد يعرف مكان متخصص بصيانة هوندا يكتبه هنا نبغى همتكم

**mo8ager** · 20-09-2008, 10:30 PM

و انامعاك يالتركي

**شايف وساكت** · 21-09-2008, 02:36 AM

مرحبا شباب والله أنا جربت فرع طريق الميناء صراحة ترتاح نفسيا حتى لو ما سويت الشغلة اللي جاي لها يعني مقابلتهم جيدة مع أن المباني لك عليها

وفي فرع طريق المدينة والله ما رحت لهم

وهذا اللي عندي والله يوفق

**أبو جوري** · 21-09-2008, 03:07 PM

المشاركة الأصلية كتبت بواسطة شايف وساكت

مرحبا شباب والله أنا جربت فرع طريق الميناء صراحة ترتاح نفسيا حتى لو ما سويت الشغلة اللي جاي لها يعني مقابلتهم جيدة مع أن المباني لك عليها

وفي فرع طريق المدينة والله ما رحت لهم

وهذا اللي عندي والله يوفق

أنت قصدك على الوكالة

والرجال اظن قصده غير كذا

وإذا فعلا القصد زي ما قلت شوف شارع الاسكان

**شخص عادي** · 22-09-2008, 04:18 AM

اذا تقصد ورشة متخصصه لهوندا في عندك ورشة الجنوب في صناعية جدة انا ماجربت اروح عندهم لكن اسمع الشباب يتكلموا عنها

نشوف رأي باقي الشباب

**DrXX** · 22-09-2008, 06:23 AM

في الصناعيه الشماليه والا الجنوبيه

وكيف توصيفها بالضبط

**ACCORD 764** · 22-09-2008, 04:25 PM

في ورشتين من أفضل الورش بجدة ...

1- ورشة الجزيرة بشارع البلدية بجدة .
الوصف :
تكون ماشي بشارع الستين الموازي لشارع المكرونة , إلين توصل الإشارة إللي بيسوون عندها ذا النفق الجديد و تكون المحكمة الكبرى على يدك اليسار .
تاخذ من الإشارة يمين حيكون على يمينك سوق غراب ( حق النجف و الكهرباء ) تمشي شوي في الشارع إلين تجيك محطة فيها صارف حق البنك الأهلي .
داخل هذي المحطة في محل إسمه ورشة الجزيرة و هي ورشة متخصصة في الهوندا و راح تلاقي كل السيارات إللي عندهم هوندا .
المشرف عليهم إسمو شكيل و كان يشتغل في هوندا سابقا .

الورشة جيدة و أسعارهم حلو .

2- ورشة الجنوب بالصناعية الشمالية .
الوصف :
إذا كنت جاي من طريق المدينة تنزل على الصناعية إلين توصل إشارة الصناعية و تاخذ منها يمين تمشي إلين الإشارة إللي بعدها و تاخذ كمان يمين , ثم تدخل أوةل لفة يمين .
تمشي شوي إلين يجيك تقاطع و خذ منه يسار , حيصير المسلخ على يمينك . أمشي شوي وخذ يوتيرن حتلاقي وشة الجنوب على يمينك .

أنا ما جربتهم لكن أسمع الناس تمدحهم و برضو متخصصين هوندا و كل السيارات إللي عندهم هوندا .