تكفون ياشباب افضل ورشة للبوية

**اكورد الرياض** · 30-09-2008, 09:53 AM

صباح الخير ياشباب وكل عام وانتم بخير وصحة وعافية والله يتقبل منا ومنكم صيام رمضان وقيامة وصالح الاعمال
ياشباب الله لايهينكم ابغى منكم خدمة تكفون تدلوني على ورشة متخصصة في البوية في الرياض وخاصة للصدامات الامامي والخلفي لان فيهم بعض المخوش اللي مخربه منظر السيارة علشان كذا حبيت اصبغهم مع العلم ان سيارتي لونها لؤلؤي مو حيله ورشة تضبط اللون والوكالة طلبت في الصدام الواحد 600 يعني 1200 اثنين فتكفون ياشباب وخاصة شباب الرياض لاينسونا من توصياتهم
ولكم مني ارق التحية والتقدير وكل عام وانتم بخير

**سبيشل** · 30-09-2008, 04:38 PM

أنا رشيت رفرف لؤلؤي .. ماشاء الله نفس الوكاله بالضبط

الورشه بالصناعيه القديمه .. ما أعرف أسم المحل بالضبط لكن عندي رقمه 0556130821

أسمه ( يلمز ) أو ( يرمز ) وحده من الثنتين :d

أنصحك فيه بقوة .. بس يمكن يصير غالي شوي .. لكن شغله يستااااااااااااااااهل ..

**اكورد الرياض** · 01-10-2008, 07:53 AM

الله يعطيك العافية اخوي سبشل على الرد وممكن الشباب الباقين يعطوني اختيار ثاني تكفون ياشباب لاتخلوني

**محمد بن عبد العزيز** · 01-10-2008, 08:45 AM

اخوي في ورشه بجنوب الرياض بالشفا تحديدا اسمها ورشة الجرفين ..

ممتازم وانا جربت الرش وماشاء الله تمام التمام..

قلي من وين بتجي للشفا علشان اوصف لكـ وقبل كذا اسعارهم مش بطاله .. وتبي تعرف الورشه وش هي من لحية شوف المواتر الي عندها واماكن الصدمات .. وكيف يطابقون البويه ..

حياك اخوي

**اكورد الرياض** · 01-10-2008, 01:29 PM

الله يعطيك العافية اخوي محمد بس ماتعرف ورشة في شرق الرياض لاني انا من سكان الخليج ومثل ماانت عارف الشفا مشوار علي
بيض الله وجهك اخوي محمد على ردك وماقصرت وتكفون ياشباب لاتخلوني لاني تبون الصراحة طفشت من شكل السيارة والسبة الصدامات الممخشة

**wahd** · 01-10-2008, 04:38 PM

المشاركة الأصلية كتبت بواسطة محمد بن عبد العزيز

اخوي في ورشه بجنوب الرياض بالشفا تحديدا اسمها ورشة الجرفين ..

ممتازم وانا جربت الرش وماشاء الله تمام التمام..

قلي من وين بتجي للشفا علشان اوصف لكـ وقبل كذا اسعارهم مش بطاله .. وتبي تعرف الورشه وش هي من لحية شوف المواتر الي عندها واماكن الصدمات .. وكيف يطابقون البويه ..

حياك اخوي

أنا أشهد رشهم أوكي جامد أنصحك رحلها

وفيه كم ورشه راح تضبطلك اللون دامها صدامات واجد يضبطونه

البلا في البدي من يضبطه غير ورش قليله ومنها الجرفين هذي