الموضوع: هل أكورد 2008 فعلاً للدلع والفخامه .. ؟!

ياخي أنت ملك
والله نفس الموضوع هذا عندي

وبصراحة صرت أتضايق منها

بالنسبه اخوي للاكورد 2008 هي طبيعي قومتها وتسارعها نوعا ما ضعيف لان السياره وزنها ثقيل اثقل من القديمه وبكذا نقدر نقول سياره حقت دلع وفخامه وسمعت اخر مره الشباب جالسين يتكلمو عن وزن السياره طلع وزنها تقريبا طن و500 كيلو ويعتبر الوزن ذا ثقيل على الاكورد فلا تستغرب منها من ناحيه التسارع وخفتها وانا افضل انك تغير الزيت حق السياره من كاسترول لزيت هوندا لانو لزوجه الزيت تلعب دور واحب اقول شي لا تكره السياره ولا تضايق منها الاكورد ال 2008 حلوه وفخمه وماعليها اي خلاف مشالله تبارك الله والله يعطيك خيرها ويكفيك شرها وانشالله اكون افدتك

حاول انك تغير الزيت من كاسترول الى زيت هوندا

والبنزين من 91 الى 95

تراه افضل من ناحية العزم .

انا اشووف

تغير البنزين ل 95

وراح تشوف الفرررق

شووف يا حلووو اهم شي لازم تغير البنزين الى 95

وغير كذا ممكن الزيت له دخل في العزم <<< وعلى فكره انا كنت اقوول كذا قبلك بس غيرت البنزين وطلعت انشط بواجد

وغير كذا لا افراط ولا تفريط يعني خل ممشاك عادي تماما مو تتبردق<<< وتمشي صفر ولا تغير النمره طبيعي لانها على حساس القير

ولا تسرع <<< لين المكينه ما تعرف تغير براحتها

الممشى الحلوو حلوو لو الي جنبك قاعد يقشم حب <<< ما لها دخل خخخخخ
:d

مشكورين يا اخوان على الردود ..

بالنسبه للأخ الشمالي ..
بصراحة جربت زيت هوندا لكن أحسه خفيف مره ولو بستخدمه يمكن لازم أغيره كل ألف لأني راعي مشاوير وخطوط .. وعشان كذا صرت أستخدم ماجناتيك من كاسترول حتى أوفر حماية ولزوجه أفضل للمكينه .. علماً ان المشكل كانت عندي حتى قبل لما كنت أستخدم زيت هوندا الأصلي .. وللمعلوميه الوكاله نفسهم ما يستخدمون زيت هوندا .. ولو سألت المهندسين بيقولون لك احنا نستخدم زيوت مطابقه للمواصفات والمقاييس بدون ما يذكرون لك نوع الزيت ..

أما الإخوان اللي نصحوا باستخدام بنزين 95 .. أقول لهم ما يمنع اني أجرب مره مو خسران شي ، لكن على أي اساس قلتوا انه العزم فرق شاسع .. وليه ما حطوا بالكتلوج ان الأفضل هو 95 مش 91؟! وحد علمي ان نوع البنزين المحدد من قبل الشركة المصنعة هو اللي يحقق أفضل أداء .. ولا شرايكم؟!

عندي ملاحظة ودي أضيفها ، دوم ألاحظ ان فلتر الهواء حق المكينه دسم يعني كأنه مرشوش بزيت ، طبعاً مهما نفخته بالهوا عند البنشري ما يطلع شي ، لكن لما أضربه بالأرض بقوه تطلع قطع غبار كثيفه وأول ما أركبه أحس عزم السياره يتحسن شوي ، وغيرت الفلتر مره عند الـ 12 ألف والعزم صار أوكي فتره بسيطه ، لكن بسرعه تراجع ، ولما فتحت الفلتر شفته نفس السابق دسم وما يننفخ بالهواء؟! أنا قلت في نفسي يمكن لأني كنت أستخدم زيت هوندا وهو خفيف أصلاً واحتمال انه يبخر كثير فيوصل إلى فلتر الهواء ويسبب هالحاله ، ولكذا قررت أحول إلى زيت من الزيوت من الدرجة الأولى مثل الماجناتيك ، وناوي أغير الفلتر هاليومين الجايات وأشوف إذا الوضع بيتحسن ولا بيخرب الفلتر بسرعه زي ما صار لي أول مره .. يا ليت تشيكوا على فلتر الهواء في سياراتكم وتشاركوناً وصفه حتى نقارن..

أعطر تحية لكل من شارك في الموضوع أو حتى كلف نفسه عناء قراءته ..

السلااام عليكم

للمعلوووميه ان وزن السياااره 2طن وشووي حسب مااهووو مكتوووب بالاستمااااره ....

عشااان كذا تحس ان السيااارة ضعيف عزمها بعض الشي..

انا غيرت البنزين من 91 إلى 95 وماحسيت بفرق في الدعسة اللهم انه ما يستهلك البنزين بسرعة

الشيء الثاني اللي قاهرني


السيارة لما يكون شغال المكيف وطايح في زحمة اقعد شوي ادعس وشوي افرمل احس أنها تقعد ساعة حتى يغير

بعدين انا احس بحركة تبديل القير مو زي السيارات الثانية يبدل القير بدون ما تحس
تحس انك قاعد في الجيربوكس

ما ادري الأكورد كذا وإلا مشاكل ؟؟


واحد يطمننا يا أصحاب أكورد 2008

نفس الملاحظات عزيزي فؤاد وأنا أتوقع ان هذا عيب شرعي في تصنيع السيارة والسبب الرئيسي فيه اقحام الكمبيوتر بشكل كبير في آلية عمل السيارة من ناحية المحركات أو انه مثل ما تفضل بعض الإخوة قد يكون المحرك ذو أربع اسطوانات غير مناسب لهذه السيارة بتاتاً.

عموماً .. نحن بانتظار ردود الخبراء في الموضوع ونرجو أن نصل إلى نتيجة غير أننا نصبر على السيارة كما هي إلى أن يحين أجل تبديلها أو قرار بيعها.


مع أطيب تحية ..

والله ياشباب أنا اكورد عندي عزمها ضعيف للاسف لكن مافيه سياره كامله لازم كل سياره يجي فيها عيب:(

أخي الكريم أبودريس

يمكن أن نقبل مثل هذا العيب الشرعي في سيارة أخرى رخيصة ، أما في سيارة بقيمة 92 ألف ريال فأعتقد أنه لا مجال للتنازل ..

ههههههههههه

غلط يا شباب لاتتفلسفون على الرجال بالزيت ماراح يفرق..<<بيتصفق بقوة

شوف انا زيك الى 30 وبعد ما سويت هالحركة فرقت معي ثانية ونصف يعني عمود.._^^ ولا بحياتي تقاومت مع اكورد الا وعطيتها عمود اوعمودين..

شوف..

اصول التمرين..

اذا انت من الرياض... استمع لما يلي<متعوب عليها خخخخخخخخخخخخخخخخخخ

امش 120 كم في الساعة 10 دقايق ونفس الشي 140 و160 و180 و200 ربع ساعة

انا مجرب بدون 200 لربع ساعة والله فرق الموتر على كيف كيفك..

ومن قوتة طرحت لومينا نصف عمود 2004 ال اس وكامري ثير عادي 2007 وانت ماشي....

وكل مرة بالشهر امش 200 5 او 10دقايق
اهم شي الدعسة ثااااااااااااااااابتة


وربي مرة مشيت 170 1400 كم والله رجعت الدمااااااام الموتر من قوتة تلف الطاره يمين ويسار من الفحطة حتى الهلى اللى كانت تعذبني الحين اقول لها باي باي..

^_^


امسك خط القصيم



معليش على الأطالة <<بقوة قلق

المشاركة الأصلية كتبت بواسطة fouade

انا غيرت البنزين من 91 إلى 95 وماحسيت بفرق في الدعسة اللهم انه ما يستهلك البنزين بسرعة

الشيء الثاني اللي قاهرني


السيارة لما يكون شغال المكيف وطايح في زحمة اقعد شوي ادعس وشوي افرمل احس أنها تقعد ساعة حتى يغير

بعدين انا احس بحركة تبديل القير مو زي السيارات الثانية يبدل القير بدون ما تحس
تحس انك قاعد في الجيربوكس

ما ادري الأكورد كذا وإلا مشاكل ؟؟


واحد يطمننا يا أصحاب أكورد 2008

شوف اذاانت بالزحمة وماتقدر تعدي 40 ممشى

حطة على الدي 2 لانه لما تحطة على الدي 2 السيارة ماتعشق الا بس 2 من 0 الى 120

انا استخدمه الحركة بس بالرياض وخصوصا الدائري..^_^


وبالنسبة للتعشيقة يوم تحي ان السيارة ترج لما تبدل من اول الى ثاني

شي طبيعي 4 سلندروقير اوتو

بس خذ لومينا ولا اكورد 6 وسلملي عليها..

الأخ سواد أكورد .. بالنسبه لتنشيط المكينه ما أعتقد عندي مشكله .. لأني بشكل شبه اسبوعي أوصلها 180 وعلى قولتك بشكل مستمر ..

أما سالفة 4 سلندر وأوتو .. طبيعي ترج .. صراحة أخالفك الراي .. مو مدحاً في التيوتا أو النيسان لكن صراحة ما شفت مثل نعومة تبديل قير الألتيما وبالدرجة الثانية الكامري ، حتى من ناحية صوت المكينه أنعم بكثير من الأكورد.

وإذا ثبت فعلاً ان المكينه والقير ما يتحملون ثقل السيارة عالأكورد 2008 ، فأنا أتوقع أن أكثر من 70% من الأكوردات الجديدة بتطيح قيورها في مدة زمنية قصيرة نسبياً أو راح يعانون من مشاكل بالقير ..

هذي أول تجربه لي مع هوندا .. بس يبدو ان الإختيار كان غير موفق .. وراحت فلوسك يا صابر ..


تحياتي ..

السبب الرئيسي في بطئ الاكورد 2008 هو وزنها الرهيب .... بعض الاخوان يقول انه 2 طن طبقا للاستمارة ...لا لا غلطانين لأن اللي يكتب الاستمارة عادة يكون ما يعرف حتى وزنه الشخصي (اعتقد فاهمنين قصدي) ... راجعوا كتلوج السيارة وبتشوفوا ان وزن السيارة هو اكثر من 1500 كيلوجرام بشوي ... اللي هو اكثر من وزن الاكورد 2003-2007 بفوق الـ100 كيلو ....... بعضكم راح يقول لكن 2008 حظيت بزيادة ممتازة في عدد الاحصنة (تتفوق على2003-2005 بـ18 حصان ... وعلى 2006-2007 بـ12 حصان) وهذا الكلام صحيح 100% ... لكن وين الغلط ...أنكم تنتظروا في عدد الاحصنة وما تنظروا في العزم (التورك) ... باختصار لما يزيد وزن السيارة خاصة اذا كانت 4 سلندر تحتاج الى عزم زيادة علشان يشيل وزن السيارة ويدفعها زين حتى بعد القومة وهذا الشي ما تحقق في مكينة الاكورد 2008 .... زادت في عدد الاحصنة صحيح لكن العزم والسعة ما تغيروا ... مما اعطى فرق الوزن ليكون السبب الرئيسي في بطئ تسارع الاكورد 2008...

سبب ثاني بعد ... كلنا درسنا في الصف الثاني ثانوي ان العزم يتأثر بطول القطر للمركز ... القطر اللي نتكلم عنه هنا هو قطر اطارات الاكورد 2008 ... لما زاد هالقطر بمسافة معينة ...كان يحتاج زيادة في العزم علشان يعطي نفس التسارع لعدد الدورات للأكورد القديمة ...لكن زي ما قلنا سابقا ان العزم ما زاد فأثر هالشي على التسارع
(باختصار : في الاكوردات القديمة :
دفرنش الاكورد الامامي يعطي عزم دوراني بمقدار معين للاطارات الامامية اللي هي بمسافة قطر معينة ...
في موديل ال2008 :
دفرنش الاكورد الامامي يعطي عزم دوراني بمقدار معين للاطارات الامامية اللي هي بمسافة قطر معينة أكبر من القديمة )

ارجوا اني وضحت كلامي زين ....... طبعا هالكلام اللي فوق كله اجتهاد شخصي و من بحثي اللي سويته بعد ما انصدمت من قوة ال2008 لأن كلنا كنا متوقعين انه ما راح يصير في مقارنة بين الاكورد القديم والجديد لكن تفاجأنا بأن الاكورد القديمة تطلع على الجديد وبالراحة في القومات وهالكلام مجرب بأكوردات واجد مو وحدة ولا ثنتين ....... ارجوا اني ما غلطت في كلامي وفي النهاية انا انسان يعني كلامي يحتمل الخطأ كما الصواب ........ سلااااااام

كلامك فيه نسبه كبيره من الصحة عزيزي محجوب .. ولكذا أنا أقول ان هوندا غلطانه نزلت 4 سلندر من الأكورد .. المفروض أقل شي 6 سلندر ، مع العلم ان خاصية عدد السلندرات المتغير في السته يخلي الأربعه في بداية القومه أفضل لأن السته يبدأ بثلاث سلندرات في البدايه ويشتغلوا الباقي مع الوقت .. (هوندا بغت ترقعها عمتها) ..

لالالالالالا ... وش تقول انت لا احد يسمعك ..... مشكلة كبييييييير لو قومة الاربعة اقوى من السته .... عزيزي احنا مجربين عزم الثنتين وفي واحد من الشباب اعرفه عنده 6 سلندر2008 وعزمها ما شاء الله رهيب وفزتها جبارة جدا ..... شوف هالاقتباس من موقع هوندا الرسمي من كلامهم عن نظام الـvcm

When Maximum Torque Is Required, All Six Cylinders Are Firing

الترجمة : لما يكون العزم الأقصى مطلوب, تعمل كل السلندرات السته .... وترا هذا كمبيوتر يعني ما تلحق تحط رجلك على الدعسة الا وبرمج حاله وعرف كم سلندر تحتاج السيارة وهالكلام في أجزاء من الثانية مو زي ما تقول (مع الوقت يشتغلوا الباقي) ..... شيل فكرة ان قومة ال4 اقوى من ال6 هالكلام خطأ X خطأ

المشاركة الأصلية كتبت بواسطة سواد اكورد

ههههههههههه

غلط يا شباب لاتتفلسفون على الرجال بالزيت ماراح يفرق..<<بيتصفق بقوة

شوف انا زيك الى 30 وبعد ما سويت هالحركة فرقت معي ثانية ونصف يعني عمود.._^^ ولا بحياتي تقاومت مع اكورد الا وعطيتها عمود اوعمودين..

شوف..

اصول التمرين..

اذا انت من الرياض... استمع لما يلي<متعوب عليها خخخخخخخخخخخخخخخخخخ

امش 120 كم في الساعة 10 دقايق ونفس الشي 140 و160 و180 و200 ربع ساعة

انا مجرب بدون 200 لربع ساعة والله فرق الموتر على كيف كيفك..

ومن قوتة طرحت لومينا نصف عمود 2004 ال اس وكامري ثير عادي 2007 وانت ماشي....

وكل مرة بالشهر امش 200 5 او 10دقايق
اهم شي الدعسة ثااااااااااااااااابتة

وربي مرة مشيت 170 1400 كم والله رجعت الدمااااااام الموتر من قوتة تلف الطاره يمين ويسار من الفحطة حتى الهلى اللى كانت تعذبني الحين اقول لها باي باي..

^_^

امسك خط القصيم

معليش على الأطالة <<بقوة قلق

ههههههههههههههههه
ههههه
هه
ه


ناوي توديها له التشلييييييييييييح

وه

اماتشليح..:o

لالا اجل لاتزعلون على العزم اللى مش مرغوب

والله انه يحزنني ان اكورد الجديد كذا بس الله يهنيكم في مواتركم ويكفيكم شرها يازين 2007 زيناه

2007 يا شباب مو زي ما تتخيلون..

العزم مومرة فرق..

بس على لأقل السعر معقول

85 و82 بالتخفيض اما الجديدة 97

اللى يبي عزم ياخذ قير عادي على مسوليتي

ما أدري لو فكرت اني أبدل المكينه بسته سلندر كم راح تكلف برايكم؟

^^^^^^^^
فكرة جبارة ... وتعرف حاجة ؟ ... اتوقع ان الظفير حق ال6 تركب على ال4 ببساطة لأن نفس المسجل ونفس الكهربا تقريبا ....

لكن سؤالك مهم جدا (كم بتكلف) ......... أنا مو خبير مكاين ... لكن لو حصلتها في التشليح (99% ما بتحصل) يمكن سعرها في حدود ال7000 لأنها مو مطلوبة (مجرد توقع لا اكثر) ... وحط في بالك لازم تحصل محل يتهور ويركبها لك وكم بياخذ علشان (يجرب) يركبها ... وهذا غير انك لازم تغير نظام العادم في السيارة و... و... و...الخ..........

نصيحة من اخ لك ... انسى الفكرة اشرف لك ... وترا انا جربت سواقة اكورد 2008 وماهي بذاك السوء .... واذا انت راعي سرعة فأقولها لك بكل صراحة ... أنت غلطت لما اخذت اكورد وكان المفروض اخذت التيما 2008 لأن ذيك السيارة سريعة بجد

واذا مو حاط في بالك تغير السيارة وتبغى تعدل عزمها للمقبول ... حاول تنشط المكينة اكثر على الخطوط وبدل البنزين الى 95 ترا فيه فرق بسيط لأن الأوكتان اذا زاد ينتج طاقة اكبر وهالشي معروف ...

مع تمنياتي لك بالتوفيق ولا تنسى اهم حاجة راحة البال

مهما قلتوا عن الاكورد وعزمها انها ضعيف لكن ماشاء الله الاكورد سيارة اسطورية ولامجال للمقارنة بيينها وبين الكامري او الالتيما واذا كان على العزم انت ماشريت السياره عشان تتسابق بها انت شاريها تخدمك والاكوررررررررررد مايحتاج