من منكم جرب زيت تويوتا على اكورد؟؟

**zeyad** · 13-10-2008, 03:31 AM

السلام عليكم

انا في ايام العيد والسياره مشت ال5000 وقال الوالد نبي نغير الزيت

قلت يابوي ابي اصبر لين يفتحون الوكاله ونسوي صيانه مره وحده

قال تكفى يا الصيانه عاد تراها 5000 مهيب 50الف

قلت وش الزيت الى نحطه قال خل نحط زيت تويوتا كل سيارات اليابان نفس الشي؟؟

والوكاله مهيب قريبه تبعد عني 300كيلو

والحين انا حاط زيت تويوتا ومشيت اكثر من 100كيلو وماشيه تمام ولا اصوات ولا شي
سيم سيم زي ماكانت من قبل

فيه احد جرب و زيت هوندا هل هو متوفر بالرياض بكثره

**ثــلــج مــشــوي** · 13-10-2008, 04:01 AM

لو تحط زيت نيسان تمشي السياره والله :d

بس ترا زيت تويوتا مو ذاك الزود

خلك على هوندا

او كاسترول العادي

او كاسترول ماجنتيك

**zeyad** · 13-10-2008, 04:11 PM

ههههههههههههه اتوقع اني سويت اهانه لشركه هوندا الام

**أبوعبدالله** · 13-10-2008, 04:19 PM

يارجال ارجع بس لزيت هوندا واترك عنك بربرت الوكاله

والله ان يفرون مخك وتسليك

بس زين وصلت للأم مو للأب

لان الاب عصبي شوي>>>>>>بينطق اليوم ولا الوعد بتجمع

خخخخخخخخخخخخخخخخخخخخخخخخخخ

**B Unique** · 13-10-2008, 06:02 PM

اذا كانت اللزوجة مناسبة لسيارتك وش المانع ؟!

غالباً الزيوت كلها زي بعض
الشي الوحيد اللي يفرق بينها هو درجة اللزوجة

**wahd** · 13-10-2008, 09:38 PM

زيت هوندا ولا كاسترول العليه البيضاء والغطاء ابيض

**aL_aSeeR** · 13-10-2008, 10:13 PM

إذا ودك تحافظ على محرك سيارتك عليك بكاسترول ماجناتيك .. صحيح غالي بس بجد يسوى .. صوت المكينه يصير أهدأ .. أكثر أمان من ناحية التسخين أيام البرد ضد التآكل ويجلس عندك فتره طويله تتجاوز 10000 كيلو ..

الزيت حلاوه معي وبإمكانك تجرب وتشوف بنفسك ..

**naio0of** · 13-10-2008, 10:53 PM

خلك على زيت هوندا و بس

**zeyad** · 14-10-2008, 03:35 PM

انا مانيب رسمي على زيت تويوتا بس فضاوه

والمراتب الثانيات زيت هوندا على طووووول

**YuSuF** · 14-10-2008, 10:01 PM

أخوي الوكالة في جدة ماتغير زيت هوندا

أعتقد انه زيت سوبر موبيل
:::::::::::::::::::::::::::::::::::::::
B Unique أشكرك

**YuSuF** · 15-10-2008, 12:33 AM

للمعلومية

قبل ماتغير الزيت مافي مانع وانت قاعد تشيك على الزيت تحس لزوجته بأصبعيك السبابة والإبهام

في بعض الزيوت تتحمل 15 ألف وزيوت 3000 وبالقوة،
يصير الزيت زي الماء مافيه لزوجة وهذا بكل تأكيد يضر المكينة

**zeyad** · 15-10-2008, 03:15 AM

الى صارت الوكاله ماتستخدم زيت هوندا يعني هاذا اكبر دليل انه مايسوى

**المباشر** · 15-10-2008, 04:53 AM

زيت هوندا 15w 40

زيت تويوتا 20w 50

**zeyad** · 15-10-2008, 02:14 PM

المباشر يعني زيت تويوتا افضل من كلامك

**B Unique** · 15-10-2008, 03:10 PM

رابط يوضح استخدامات الزيوت حسب درجات لزوجتها

http://www.castrol.com/castrol/genericarticle.do?categoryId=8264018&contentId=700 7302

**حسوون** · 15-10-2008, 03:39 PM

خلك على زيت هوندا .......

**المباشر** · 15-10-2008, 03:48 PM

يعطيك العافية اخوي B.U

وبالنسبة لأخوي زياد الكل ينصح بزيت كاسترول ماجناتيك بحكم تجربة

وزيت كاسترول لزوجتة 10w40 مناسب

زيت هوندا 15w40 مناسب جدآ واذا انت متوهق ومحتاس مش عارف اي زيت افضل خلك على زيت هوندا

وزيت تويوتا 20w50 مناسب ولكن قد يكون ثقيل على الماكينة

انا نصحوني بزيت موبيل لكن ماأقتنعت فيه وقبل كنت ماأستخدم لمواتري الا فوكس سوبر جي تي لكن حاليآ زيت هوندا ومريح بالي وصحيح انه ينقص نص علبة بسبب الحرارة والتبخر بعد 3000 كيلو او 3500 ولكن اتابع الزيت وازيده وامشي عليه

المهم شوف لك وقت مروق فيه ومر على هالموضوعين وراح تستفيد منهم

http://www.hondaarabia.com/club/showthread.php?t=5814

http://hondaarabia.com/club/showthread.php?t=7270

**المباشر** · 15-10-2008, 03:55 PM

وأحدهم يقول : طبعآ الرد على شخص يشتكي من نقص زيت الماكينة بعد كم مشوار

وعليكم السلام ورحمة الله وبركاته...
أولاً نوعية الزيت لها تأثير كبير على المكينه...
وقد واجهتني مشكلة مثل مشكلتك إلا أنه لم يوجد دخان...ولكن سيارتي لم تتعدى العشرة ألاف...
وهي سوبربان 2003 مكينة كبيره اللي هي 8100 ومعروف عن هذه المكينه انها حرارتها عالية أكثر من غيرها...
حيث أنه في أحد المشاوير (((من سوريا إلى الدمام في عز الصيف))) وجدت الزيت ناقص جداً وكان على راس العيار فقط...
بعدها غيرت نوعية الزيت من شل إلى فوكس...وبعدها لم ينقص الزيت...حيث انني رحت مشاوير أبعد وفي الجو الحار...
وهذا يدل على ان شل ماينفع وكذلك الموبيل فقد جربته على سيارة أخرى ونفس المشكله...
اما الفوكس فقد أثبت أنه يتحمل الحرارة العاليه...
تحذير: لاتستعمل أي مواد كيميائيه للسياره فهذه المواد حل مؤقت وخرابها أكثر من نفعها...

وهذا واحد انلحس مخه بس يعجبني انه كان يستخدم زيت هوندا :d

المشاركة الأصلية كتبت بواسطة B Unique

وش السالفة يا مشمش ؟!
تراك لحست مخي

اللحين انا سيارتي ماشية 182 الف كيلو ومن يوم طلعتها وانا ما استخدم الا زيت هوندا
اقدر اغير للكاسترول ماغنيتيك ولا لا ؟![/center]

**B Unique** · 15-10-2008, 05:18 PM

الله يرجك يالمباشر
من وين نبشت ذا الرد المغبر ؟!

:d

بعد تجاربي مع زيت هوندا اللي كنت امشي عليه 12 الف كيلو وما تزال لزوجته مقبولة صرت استخدم كاسترول ماجنيتيك وان شاء الله ما بأغيره الا بعد 30 الف كيلو .. ولو ماني شايل هم الفلتر كان امشيه اكثر

كلامي هذا ماهو قل اهتمام لكن الموضوع كله يرجع للزوجة
اذا كانت اللزوجة ما تزال جيدة وش المانع ان الزيت يجلس مدة اطول ؟!

والتجارب خير برهان

;)

**المباشر** · 16-10-2008, 06:38 AM

المشاركة الأصلية كتبت بواسطة B Unique

الله يرجك يالمباشر

من وين نبشت ذا الرد المغبر ؟!

:d

بعد تجاربي مع زيت هوندا اللي كنت امشي عليه 12 الف كيلو وما تزال لزوجته مقبولة صرت استخدم كاسترول ماجنيتيك وان شاء الله ما بأغيره الا بعد 30 الف كيلو .. ولو ماني شايل هم الفلتر كان امشيه اكثر

كلامي هذا ماهو قل اهتمام لكن الموضوع كله يرجع للزوجة
اذا كانت اللزوجة ما تزال جيدة وش المانع ان الزيت يجلس مدة اطول ؟!

والتجارب خير برهان

;)

:dهههههههههههههههههه :d

والله من هالتفحيط والفراره بالنادي نبشت الردود المغبره .. لأني للحين ادور على زيت يرضيني ويرضي حبيبتي الهوندا.

اخوي زياد خلاص مشرفنا حلها لك شوف اللزوجة كيف لزيت تويوتا بعد 5000 كيلو وشوف وضع الزيت ان كان تمام واصل عليه ولا بدل الى كاسترول ماغناتيك وريح راسك من التفكير

زيت هوندا مشكلتة ينقص نص علبة بعد 3500 كيلو .. يعني اذا بترجع له انتبه له وشيك عليه دايمآ

ومادري انت وش وضعك قبل مع الزيت ينقص عندك ولا تمام .وأي نوع كان

وبعدين نصيحة لك : زيت تويوتا خفيف يشتكون منه يقولون يحترق بسرعة ويفقد لزوجتة وينقص بعد

والنصيحة الثانية : اكثر المنتديات درت عليها وينصحون بكاسترول ولك الاختيار يالغالي

**بن شافي** · 03-11-2008, 10:22 PM

مساء الخير جميعا والظاهر الشباب اجمعوا جميعا على كسترول ماجناتك علما ان زيت هوندا ردي فعلا انا اغير على 5000 الاف ولاقيه ناقص من نصف علبه الى علبه ولا يسوى شكرا لشباب جميعا الذين افادونا في هذا الموضوع

**zeyad** · 04-11-2008, 03:44 AM

انا بس يوم قريت ان الوكاله ماتستخدم زيت هوندا ومدري عن صحه الكلام دريت انه ردي

بس يبوي زيت تويوتا من عمري سنه وانا استعمله ولا عمري شفت احد اشتكا منه

شكلي باعتمد زيت كسترول ماجناتك

الموضوع: من منكم جرب زيت تويوتا على اكورد؟؟

أدوات الموضوع

عرض

من منكم جرب زيت تويوتا على اكورد؟؟

المواضيع المتشابهه

وش الافضل تويوتا أوريون او اكورد

وش الافضل تويوتا أوريون او اكورد

اكورد أو تويوتا خبرتكم يالشباب

ضيف من تويوتا العربية محتاج خدمة منكم

مواقع النشر (المفضلة)

مواقع النشر (المفضلة)

ضوابط المشاركة