كيفية فصل فاصل السرعه 2006 v6

[ابو عبيد السبيعي]

ياشباب اسعد الله مسائكم عندي اكورد فل كامل 2006 v6 ولدي عدة استفسارات
1-الهوبات الأماميه هل هي على الضمان؟
2-لي الدركسون على الضمان ام لا؟
3- فاصل السرعه هل استطيع فصله علما بأن سفرياتي كثيره من الرياض الى الديره وبطو كبدي اهل الكوامري يمرك الواحد مايطلع فيك الا بربع عين طيب وش الفايده من السته سلندر وآخر شي ماتتعدى 210 الى 220 تكفون دلوني على من يفصلها بالكمبيوتر في اي مكان
ولـــــــــــكم جــــــــــزيـــــــــــل الـــــــــــــــــشــــــــــــكــــــــــــــر

[يامطنش]

الهوبات على الضمان اذا نشبتلهم

لي الدركسون اذا كان النوع الي فيه الخطاء المصنعي يغيرونه

اما الفصله حق السرعه ما تقدر

[والله قهر]

والله ياولد عمي الفصله تقدر بس ما فيه في الوكاله بس والله معرف محل في الرياض لاني ساكن في مكه
وتحياتي لــ(سبيع)

[الـمـسـافـر]

1-الهوبات الأماميه هل هي على الضمان؟على الضمان اذا ما تعدت الـ 60 الف|ك سيارتك
2-لي الدركسون على الضمان ام لا؟ الضمان يشملها من 2003 حتى 2006 وموديل 2007 يرفضون
3- فاصل السرعه هل استطيع فصله ؟عندك استعداد تدفع 1800 ريال ولا تضمن القير بعدها

وحياك الله

[AHN]

.,
No For Speed

[المباشر]

نصيحتي لاتفكر في الفصلة

أقرب مثال أخوي شاري كابريس اس اس موديل 2005 من اخوي الكبير يعني مش من واحد ماتدري وش مسوي بالموتر قبل ونظيف وراح الشاطر وفك الفصلة مع شوية برمجة وحركات نص كم

سافرت أسبوع وجيت وأشوف السيارة مش موجودة واسأله ويقولي في الورشة توضيب قير

وللمعلومية قير الأكورد متحرش بقوة ومايتحمل .. تلعب فيه راح يلعب فيك .

[غضب الاكورد]

يا خي وش الفايدة من السرعة الزيادة 150 بتوصلك و200 بتوصلك وكل فرق بسيط في الوقت

فكر في الناس الي تنتظرك شويه اهلك واصحابك

مو سرعة وخرابيط وكلام زايد ويلا سلام وعقلك في راسك

[ابو عبيد السبيعي]

مشكورين وبيض الله وجيهكم جميعا وماقصرتم