سلام عليكم شباب
الحقيقة كفرات سيارتي الأماميه خاصة بدت تتآكل من الجوانب
وبشكل عام أحس الكفرات نوعاً ما مزعجه وخشنه وتأذيني كثير خصوصاً مع المطبات أو الطرق الوعره
سألت في السوق واطلعت على بعض مواضيع الإخوة في المنتدى
وحددت خياراتي في أربع أنواع
طبعاً المقاس اللي أتكلم عنه هو
225 / 50 / 17
الأرخص وبنفس الوقت مستوى مقبول وفوق المتوسط
التويو - السعر قرابة 600 ريال
الأغلى وقد لا يكون الأفضل
بريللي p7 - السعر قرابة 1500 ريال
المتوسط في السعر نوعين
بريجستون تورنزا - السعر قرابة 950 ريال
بريجستون أدرينالين - السعر قرابة 850 ريال
بصراحة أنا واحد متعقد من زحف السيارة
لأن صارت لي حوادث انزلاق ولكذا شوي مهتم بقضية ثبات الكفر ومساعدته في رساوة الموتر
طبعاً استبعد البريللي لأنه مبالغ في سعره شوي
التويو كثيرين نصحوني فيه خاصة لطراوته وسعره المغري
لكن سمعت انه يتآكل بسرعه وعمره الافتراضي أقصر من الأنواع الباقيه
بس يمكن أتوجه له إذا سمعت رأي ناس مجربينه وتوضح لي انه من ناحية الرساوة والثبات معقول جداً
البريجستون هو أكثر نوع أميل له
بس مستغرب ومتحير بنفس الوقت
الأدرينالين يفترض انه أكثر ثبات ورساوة
بس ألاحظ انه أرخص من التورنزا واللي يعتبر متميز بدرجه أولى بقضية الهدوء
لكن كرساوه الأدرينالين أفضل وهدوءه معقول جداً مقارنة بالبوتنزا المزعج
قلبي يقول لي خذ الأدرينالين أرخص لك من سعر الكفر الصامت على قولتهم
وبنفس الوقت ثبات أفضل من غيره
وعقلي يقول لي خذ التويو أريح لجيبك واوفر لك
فانتوا شتشورون علي فيه
وقبل ما أتوجه للتغيير هل تآكل الكفرات من الأطراف خطر مره ويأدي إلى انسلاخ الكفر
ولا ممكن الكفر يتحمل .. خاصة ان نقشته ما زالت عاليه ومو متآكله
شورتكم يالربع
كفرات أكورد 2008 (جنط 17) - نقاش حول الأنواع والأسعار
رد مع اقتباس
مواقع النشر (المفضلة)