الموضوع: كفرات برجيستون جابت لي الصداع .. وصوت الديكور جاب لي الهموم [ 2009 ]

اول مره ادري انه الاكورد تطلع من الوكاله بكفرات برجيستون

العااده ميشلان الا اذا انت ملخبط بين النوعين


عموما لو كاانت الاصوات عاليه وديها الوكاله احسن ولو اني اتوقع انها وسوسه

سيارة مامشيت 2500 يطلع فيها اصوات

فين عايشين

لا تستغربون يا جماعه

انا شريت اكورد 2008 اول ما طلعتها من الوكاله

كفراتها خربانه < محبله

تدرون ليش عشان السياره واقفه كثييير بالمينا والمستودع

مع العلم ان كفراتها برجستون

رجعت للوكاله قالو لي غيرها على حسابك الضمان ما يشمل الكفرات

رحت غيرتها ركبت دنلووووب وارتحت


راحه ليونه من دون اصوااات

انصحك غيرها وركب دنلووووب

ولا ترميها تراهم يشترون

انا مركب Turanza GR-80 وكأني اسوق لكزس ماشاء الله من الهدوء والليونه

غريبه والله العادة اقول ماتمسك بالخط بس يطلع صوت بالطبلون وين عايشين اوريون على غفله ترى يوم تكلم انت كنت اقول يمكن يتكلم عن اوريون ترى الهوندا 2008 روعه مافيها اي شي الا اذا فيها عيوب مصنعيه رجعها للوكاله مثل ماقالو الاخوان ولا اذا وصلت الا 5000 الاف رح لهم وعلمهم المشكله يمكن فيه خطاء مصنعي وعلى البركه مقدما ...

السلام عليكم
اخوي انا عندي اكورد 2009 فل
ومن جد صوت الديكور جايب لي الهم
ماكأنك راكب سيارة جديدة وديتها الوكاله
وركب الموظف وجربها وماطلع الصوت
لانه مايطلع طول الوقت فترات واكثر شي
اذا كانت واقفة كثير بالشمس صح والا لا
اتمنى نلقى حل وسيارتي ماشيه 1200 كم

والله نفس مشكلتي
المشكلة كلها من الكفر لانة تايلندي

الله يعطيكم ألف عافيه أخواني .. على ردودكم اللي تريح الواحد


أخوي عطر .. عندك بنشر !!

أخوي كوكو أكوورد ..
أشكرك من أعماق قلبي
بالفعل .. أنا ركبت مع واحد من خوياي معه 2008 وفيه نفس الصوت اللي فوق المسجل فقط .. لكن الصوت اللي تحسه يكون بديكور الأبواب ماهو موجود عنده

وتبي تستغرب إذا قلت لك إن القاعده حقت القير عن خويي تطلع صوت مززززززززززعك وينرفز كل اللي بالسياره لازم تضغط عليه .. كله من الكفرات الله لا يعيدها

وبالنسبه للماك اللي عندك . أبشرك كل Family Mac عندي .. إذا تبي شي خبرني تراه في اشياء مضيقه .. هههه

أخوي # كوكو #
صدقني ماني واهم ولا موسوس .. فيه صوووووووووت

أخوي عاشق بريده ..
أنا لو هي قديمه كان قلت من الميناء .. بس 2009 غريبه والله

أخوي B Unique ..
بجرب اللي تقول عليها

أخوي أمير الهنادي ..
الله يديم عليك ولا يحرمنا مثل ماعندك

أخوي ماجستيك ..
صدقني فيه صوووووووووت .. وبإذن الله بروح للوكاله بكرا

أخوي مازن ..
أنا قريت موضوع .. بصراحه شي محيرني
وفعلاً أول ما أشغل السياره بالنهار يطلع الصوت اللي فوق المسجل لو ماضربت مطب .. وأعتقد إنه شي عادي
لكن إذا ضربت مطب أو عيون قطط يجي ثاني .. جنون !!!!!!

أخوي المتقاعد ..
إذا هي على الكفر .. رميته بالزباله الله يكرمكم

ههههههههههههههههه شباب صدقوني كل هالاصوات اوهام ووسوسه :d

بس لازم الواحد اذا صارت سيارته جديده لازم يتوهم انها تطلع اصوات والدليل ان اخوي i mac يقول انه اذا ركب مكان الراكب يسمع الصوت جاي من مكان السائق واذا ركب مكان السائق يسمع الصوت من مكان الراكب فهو يتوهم ان فيه صوت بس نصيحتي لك اذا ركبت السياره حاول انك تشغل نفسك بأي شي او ارفع صوت المسجل عشان ماتقعد توسوس ويجيك الهم وترى هذا شي طبيعي ولايهمك

بس لايكون سيارتك فيها جني يطلع هالاصوات ههههههههههههه >>>>>>>>>>>> يحب يوسوس :d

وبالنسبه للكفرات للحين ماحسيت بأي شي وماشيه معي تمام الحمدلله


تحياتي :d

اخوي انا معاي هوندا اكورد2008 ماشي 25000 توي قبل يومين سرت اسمع نفس الأصوات الي انت تسمعها في الباب معاى العلم انو الكفرات من الوكالة برجستون والهواء عندي 30 كمان وانا اليوم كنت نوي انزل الموضوع في المنتدى ما ني عارف بس راح اروح للوكاله واسائلهاااااااا

لا تنسون التقلص والتمدد في الشتاء والصيف طبيعي تطلع الاصوات

وراح يجي الصيف وتشوف الفرق

المشاركة الأصلية كتبت بواسطة B Unique

الكفر الهادي اللي تقصده هو Turanza GR-80
والنوع اللي يجي مع الاكورد LX موديل 2009 على ما اعتقد Turanza ER30

وفيه فرق كبير بين النوعين !!

;)[/center]

طيب وش الفرق

ووش الافضل

مع العلم اني توني مركب Turanza ER30 :d

وشكرا ;)

بسم الله الرحمن الرحيم
اليلام عليكم شباب
انا معاي اكورد 2008 كانت كفراتها برجستون محبله وقاسيه اذا اخذت مطب كأنك في كرسيدا
بس غيرت الكفر الى تويو صراحه ممتاز من ناحية الليونه المطبات ماتحس بها مثل البرجستون ولكن عيبها الصوت

ياأخوان من ناحية اصوات الباب سهل جدا

شوف قفل الباب الراكب او السواق الي ماسك بنفس البودي لف عليه شطرطون كهرباء لفتين لأنه يحصل تقلص
بالحديد كما قال اخونا يامطنش واذا ماراح الصوت اهديك اكوردي بلاش بس ابغى الزنون ههههههههه

أنا كان عندي أصوات مهوب صوت واحد بس الحمدلله سويتها كلها على الضمان

صوت ديكور القير

صوت لما تلف الدركسون لليسار

صوت الديكور الخلفي

انا مثلك اخوي

يوم طلعت حقتي قالي الموظف ترى هوى الكفرات يمكن تلقاه ناقص يمكن زايد

اوزنه على 31 او 30 سويت مثل ما قال ومن يوم طلعتها لي رحت اغير الزيت على فحص 5000 كيلو
كنت اسولف مع من اللي يغير الزيت ( سعودي ) قال اوزن الكفرات قلت اوزنها
يوم حط الميزان فيها قال يووووه ليش كذا بحطها لك 26 احسن قلت حطها
والله من يوم حطيتها 26 والاصوات خفت مع العلم ان الكفرات شد بلد برجستون

وسع صدرك يابن الحلال ..

اهم شئ هواء الكفر على 30 .. وان شاء الله موب حاصل معك الا الخير ..

وصوت الرجة اللي تقوله عاادية .. وهي عندي .. وتحمله الى ماتطق كفرات جديدة .. اذا حبلت كفراتك ركب كفرات Turanza GR-80 زي ماقالوا الشباب وريح بالك ..

الله يعين ~

المشاركة الأصلية كتبت بواسطة ماجستيك2009

غريبه والله العادة اقول ماتمسك بالخط بس يطلع صوت بالطبلون وين عايشين اوريون على غفله ترى يوم تكلم انت كنت اقول يمكن يتكلم عن اوريون ترى الهوندا 2008 روعه مافيها اي شي الا اذا فيها عيوب مصنعيه رجعها للوكاله مثل ماقالو الاخوان ولا اذا وصلت الا 5000 الاف رح لهم وعلمهم المشكله يمكن فيه خطاء مصنعي وعلى البركه مقدما ...

حتى مشاكلكم دخلتوا الاوريون فيهاا ..!

الاوريون مافيها انواع المصايب اللي بالسياره ،،

و محسسني انك تتكلم عن بنتلي ،،

من جد ناس مقهورين من الاوريون

،
،

و بخصوص صاحب الموضوع الله يعينك اخووي

و الاصوات ع الضمان

انصحك بكفرات سوميتومو حرام اانها اكثر من ابداع و ياباني وسعرها في متناول اليد( كيف اللغة العربيه)

وانا عن نفسي شهريا من الظهران الى الرياض والحمد لله حتى عيون القط اخذها على سرعات عالية وما تطلع هذاك الصوت ورساوه وهدوء والله يوفق و على البركة السياره

والله يا أخي العزيز

نفس المشكلة عندي صوت المطبات قوية وصوت الشارع كانه وسط السيارة وكله من بريدجستون er 30 تبع الوكالة الفاشل مع أن سيارتي أكورد سبشل 2008

واليوم قررت تغير الكفر إلى TOYO Proxes TPT يقولون ناااعمة وبدون صوت

انا كفري سليم وماشي عليه 20000 كيلو

هل البناشر يشترونه ؟؟