وش السوات بالفحمات ؟ ساعدوني

**عزووز 2103** · 05-05-2009, 01:27 PM

السلآلآلآلآلآلآم عليييكم :d
,,.

بدخل بالموضوع على طول ,,. وهو واضح بعنوانه ,,..

الفحمااات

,..

وش السوات فيها انا غيرتها واللحين خربت صح اني مشيت عليها كثير حوالي عشرين الف او ثلاثين :d,,..

بس اعرف ناس بسيارات ثانيه ما تخرب معهم على طول ليييه ,,,.؟؟

طيب يعني ما اشتري من الوكاله وهل تنصحوني بفحمات تطول ,.؟

يعني الي ابغاء اقوله اللحين اركب مره ثانيه من الوكاله ولا فيه احسن منها ,,.

سيارتي اكورد 2008 وانا من الرياض :d

**مشعان بسكلاني** · 05-05-2009, 01:39 PM

والله عليك مقياس مررررره دقيق ( عشرين الف او ثلاثين الف ):d
طيب انا سواقتي عاديه وهادية نوعا ما وغيرتها في27000 يعني اتوقع عادي غيرها مره ثانيه

**accord 2007** · 05-05-2009, 01:48 PM

والله على حسب الاستخدام
انا اذكر اول مره غيرتها على الــ 37 الف
وثاني مره على الــ 70 الف
والمره الثالثه على 100 الف
والحين سيارتي ماشيه الــ 124 الف وان شاء قريب بغيرها

اعرف كثير من الاعضاء غيروها على الــ 60 الف كأول مره

اعيد واكرر الاستخدام يلعب دووور كبير....

**ماجستيك2009** · 05-05-2009, 01:56 PM

ابشرك انا حفله عندي بالفحمات مشالله احس ان فيه نمل يتغذى عليها تتأكل بسرعه ولا ادري وش السبب ؟؟؟؟ سيارتي v6 2009 اكورد

**عزووز 2103** · 05-05-2009, 04:04 PM

انا اتكلم عن 2008 يا accord2007 ..:(

طيب ياماجستيك وش نسوي ..:(

علمن ان الفحمات سعرها غالي بـ 200 الوحده يعني 400 ريال لثنتين بدون تركيييب :(:(

**O m a r** · 05-05-2009, 10:08 PM

شوف صحن الفرامل ( الهوبات ) يمكن فيها مشكله ، عشان كذا تلعب بالفحمات ؟
عموماً إذا الهوب فيه شي ، بمجرد يفحصها المهندس معاك بعدها لا تخليهم لو توصل الى مدير العلاقات ( لأنها تتغير على الضمان ) ..

وانا توني مغيرها على الضمان مع الفحمات .. وموتري ما كمل 43 ألف كيلو .. < وطبعا الفحمات عليك ..

**D.H.o.O.o.M** · 06-05-2009, 05:04 AM

فحمات الاكورد بشكل عام بسرعه تستهلكـ خاصه الجيل الجديد

وملاحظ اغلب ملاكـ الاكورد طريقتهم للاستخدام الفرامل خاطئة بمعنى اصح دعسته على الفرامل قوية ومباشرة

وهذا غلط بشكل عام بالسيارات وبالاخص الاكورد لن الاكورد فراملها قوية وتمسكـ بسرعه ولاهم من هذا كله الثبات

الي حبيت اقولكـ ان طريقة استخدامكـ للفرامل لها دور كبير

دمت بود

**المباشر** · 06-05-2009, 07:40 AM

ببساطة عندي توها جديدة وبسبه قومة وحده وأستخدمت الفرامل بقوة وعلى سرعة عالية وصارت ترج من بعدها وماتنفع بريال.

وللمعلومية بعد القومة ترى مالي 6 الآف كيلومتر من ركبتهم جديدة وخارط الهوب بالوكالة على الضمان وصارت ترج .. << الأستخدام الفله - احد قالك قاوم

المهم قبل كانت معي الى 40 الف وبدون مشاكل وكنت اقدر امشي عليهم الى الـ 60 او ممكن 100 الف

حاليآ مالك الا تخرط الهوب وتركب فحمات جديدة وتركد في سواقك وحاول ماتستعمل البريك بشكل قوي وعلى سرعات عالية وراح تدوم معك

أو تركب هوبات رياضية وعليا فحمات الوكالة جديدة وتريح نفسك

**عزووز 2103** · 06-05-2009, 01:11 PM

مشكوريين على الردود

,,..

طيب انا رحت الوكاله اليوم وٍسألت عن الفحمات قال لي بـ 225 :|:| سلآلآمات يقول رفعنا الاسعاار وش نسوي دامهم بيرفعونها لها السعر ..؟ فحمات التيوتا بـ 90 خلفي وأماي :| يالبى بسسس الرخص

طيب سؤال الفحمات بمحلاات ثانيه يعني موزعين هوندا هل تكون فحماتهم اصليه ..؟

ولا يلعبون علينا؟؟

**امبراطور الاكورد** · 06-05-2009, 01:16 PM

ترا مب اي صوت من الفحمات يعني انها منتهيه يمكن يكون عليها تراب او غبار يمكن يبيلها صنفره

**المباشر** · 06-05-2009, 02:23 PM

اذا الفحمات عندك شبه جديدة حاول تشوف لك ميكانيكي فاهم ويبرد لك الفحمات علشان يشيل التعرجات اللي فيها وركبها بعد ماخرط الهوب

**عزووز 2103** · 06-05-2009, 02:35 PM

لا انا فحماااتي اذا ضغطت فرامل يطلع زي التصفييير قدااام .. يعني مخلصه ,,..

اما الي ورا يكون اصلن فيها حسااس .. كانكم تعرفون صوته ممزعج وقلق ,,.

س سؤال الوكاله الساعه كم تسكر ..؟

وسؤال ثاني تعرفون محل رخيص وحلو بالرياض ..؟ يغير الفحمات ويخرط ؟

**jet** · 06-05-2009, 04:02 PM

فيه احد الاخوان سافر الى تركيا ومعه سياره فورد اكسبدشن وخلصت الفحمات عليه من الطلوع والنزول في جبالهم .. المهم انه ما حصل عندهم قطع غيار للفورد ,, وجوده الله اعلم شبه نادر .. ويوم راح للورش قالو نغير لك الفحمات قال بس مافيه قطع .. ولكن عندهم تصنيع محلي للفحمات .. ضبطوا له فحمات تصنيع محلي من عندهم على نفس مقاس اللي عنده , وله حوالي سنه ونص ماشي عليها ومالها نيه تخلص ..