طارت مرآتي

**أوشين** · 21-05-2009, 04:59 PM

إخواني.. ما عدت أدري كيف أحافظ ع السيارة.. أتعب لأجد مكان آمن أصفها به.. وأوقات أضحي وأسير مسافات حتى أبعد عن (أولاد الحلال) اللي يخربوا ممتلكات غيرهم..
واحد يفتح بابه بغباء فيخبط لي الباب تبعي.. واحد يمسك مسمار ويحفر لي ع السيارة خطوط للذكرى..
وآخرها واحد خبط المرآة اليمنى وكسرها الله لايبارك له.. خرجت م المول لأجد المنظر البشع.. والله كأنه حلم.. كابوس!
وسؤالي للشباب.. هل تغيير المرآة يلزم له فك (كسوة الباب) من الداخل؟
وهل المرآة الجديدة تظهر إن البوية تبعها غير ناعمة (لأن المرآة) حجمها صغير وغير مستوية.. وما تعمل عليها ماكينة البولش بسهولة.. خصوصا الأماكن الضيقة بها..
ويعطيكم ألف عاااافية!

**HMH007** · 21-05-2009, 06:10 PM

خذ مراية جديده من الوكاله بي 1400 ريال قيمة الوحده

**عبودي 2009** · 21-05-2009, 06:18 PM

ليه يأخدها من وكالة هوندا 1400 ريال
يأخده من وكالة التشليح 250 ريال ويرشها 50 ريال

**accordyon** · 21-05-2009, 06:22 PM

المشاركة الأصلية كتبت بواسطة أوشين

وسؤالي للشباب.. هل تغيير المرآة يلزم له فك (كسوة الباب) من الداخل؟

لا يااخوي مافي داعي يكفي تفك الثلث الأسود الي خلف المرايه من الداخل

تقبل مروري

**accord 2007** · 21-05-2009, 07:21 PM

المشاركة الأصلية كتبت بواسطة HMH007

خذ مراية جديده من الوكاله بي 1400 ريال قيمة الوحده

وين ياحبيبي 1400 ريال
ايش دعوه الرجاء ثم الرجاء التأكد من السعر قبل كتابته
قيمة مراية الاكورد من الوكاله في حدود الــ 500
وانصح اي واحد يروح يشتريها من الوكاله ولا بتعب نفسه ويروح التشاليح
التشاليح نصابين ومافي انصب منهم
قيمة مراية الاكورد 2007 في الوكاله 500
حصلتها في التشاليح بين الــ 350 - 400 تخيلوا
تبي النصيحة التشاليح هاذي الايام راح سوقه وانواع النصب
ويشهدون على كلامي كثير
وقت ماسويت حادث رحت وتعبت ونفسي واخرت سيارتي ولا لقيت شي في التشليح ارخص من الوكاله
في الاخير رحت واشتريت كل قطع سيارتي من الوكاله
70% من قطع السياره في التشاليح اغلى من الوكاله
في الاخير مايمنع انك تروح تشتريها من التشاليح لانها تجيك رشة المراية رشة بلدها
لاكن في الوكاله تبي تشتريها وهم يرشونها لك
لاكن انا ماكتب ردي الا عشان افيدك اولاً
وثانياً عشان اللي كاتب ان قيمتها 1400 وين ياخي حسيت انه رديتر مو مراية:d

**أوشين** · 21-05-2009, 08:37 PM

تسلمون كفيتم ووفيتم.. بس هل الطلاء لايفرق عن طلاء بلادها.. أم يكون مختلف ولو قليل؟؟

**المباشر** · 21-05-2009, 08:53 PM

أذا ماتبي يفرق الصبغ عن صبغ المصنع خذها من التشليح وتأكد انها نظيفة وطقها تلميع وركبها

1- تأكد ان الموتر المصدوم توه مصدوم حديثآ

2- تأكد ان المراية نظيفة ومش مصبوغة سابقآ

**الهنادي راس مــالــي** · 22-05-2009, 02:06 AM

المشاركة الأصلية كتبت بواسطة accord 2007

وين ياحبيبي 1400 ريال
ايش دعوه الرجاء ثم الرجاء التأكد من السعر قبل كتابته
قيمة مراية الاكورد من الوكاله في حدود الــ 500
وانصح اي واحد يروح يشتريها من الوكاله ولا بتعب نفسه ويروح التشاليح
التشاليح نصابين ومافي انصب منهم
قيمة مراية الاكورد 2007 في الوكاله 500
حصلتها في التشاليح بين الــ 350 - 400 تخيلوا
تبي النصيحة التشاليح هاذي الايام راح سوقه وانواع النصب
ويشهدون على كلامي كثير
وقت ماسويت حادث رحت وتعبت ونفسي واخرت سيارتي ولا لقيت شي في التشليح ارخص من الوكاله
في الاخير رحت واشتريت كل قطع سيارتي من الوكاله
70% من قطع السياره في التشاليح اغلى من الوكاله
في الاخير مايمنع انك تروح تشتريها من التشاليح لانها تجيك رشة المراية رشة بلدها
لاكن في الوكاله تبي تشتريها وهم يرشونها لك
لاكن انا ماكتب ردي الا عشان افيدك اولاً
وثانياً عشان اللي كاتب ان قيمتها 1400 وين ياخي حسيت انه رديتر مو مراية:d

كلام اخوي HMH007 سلييييم ميه بالميه وانا سيارتي 2008 فل كامل وتوي مغير المرايه قبل اسبوع وعلى مايشهد اخوي كوكوكورد ،، والله ان سعرها فوق 1000 ريال لكن بالضبط والله مادري لأني شريت معاها اغراض وهي الوحيده إلي استغربت من سعرها ،،، لأنها تتصفط اوتوماتيك للفل فقط ! ،، وبما انك قلت سعرها في الـ500 ريال :d يالحبيب انت شوف موديل سيارتك وموديل سيارة صاحب الموضوع وتعال قول انها مو حول الـ 1000 ريال ;) ،،، اتمنى الإفادة للجميع ،، واخذ الحيطة على مراياتكم << بالعربي كل ماتدخلون البيت فكوها ودخلوها معكم << :d ،،،

**ابوحجاب** · 23-05-2009, 03:54 PM

ياساااااتر المرايه الوحده سعرها فوق 1000
ياخي يازين التويوتا .

**المـــــلكـ اكـــــورد** · 23-05-2009, 06:01 PM

^^
سعر مرايات الكامري اللي فيها اشاره فقط ب600 ريال<<موديل 2006 اللي كانت معي
مقارنة بالاكورد 2006 مرايه باشاره من الوكاله ب480 ريال

علما ان مراية ال2008-09 فيها محرك تصفيط اوتو <<وهذا سر رفع سعرها

وحسب علمي انك لو شريتها من الوكاله تطلبها بنفس اللون وبدون رش

**AHN** · 23-05-2009, 06:53 PM

تبي نصيحتي .,.,
ركب حقت BMW يمكن تكون أوفـــر ,.., وأرز

**الهنادي راس مــالــي** · 23-05-2009, 07:30 PM

المشاركة الأصلية كتبت بواسطة المـــــلكـ اكـــــورد

^^

وحسب علمي انك لو شريتها من الوكاله تطلبها بنفس اللون وبدون رش

^^^ بالضبط كلامك سلييم ميه بالميه وانا ماخذ نفس لون السيارة وبدون رش ومن دون اي حاجة ،،، كل الدعوة 4 مسامير بس فيهم واحد مو قلق وبس

بعد الشين انفك ،، :p

**B Useful** · 23-05-2009, 09:53 PM

^^ 1145 ريال يا كبتن .. شي لك وتنساة وشي موب لي واذكرة !!^^

اعتقد سعر مراية الفل يختلف عن مراية السبشل عشان شغلة التصفيط الآلي ... موب اعتقد الا اكيد .

**أوشين** · 23-05-2009, 11:11 PM

المشاركة الأصلية كتبت بواسطة الهنادي راس مــالــي

^^^ بالضبط كلامك سلييم ميه بالميه وانا ماخذ نفس لون السيارة وبدون رش ومن دون اي حاجة ،،، كل الدعوة 4 مسامير بس فيهم واحد مو قلق وبس

بعد الشين انفك ،، :p

أتمنى تكون بدون رش.. لكن معنى ذلك إن عنهم مرايات بكل ألوان الأكورد؟؟؟

**HEMA14** · 24-05-2009, 12:30 AM

الله يكون في عونك والله حاسس فيك خاصة لمن تكون السيارة جديدة

ان شاء الله التعويض وحسبي الله من الحاسدين

**أوشين** · 24-05-2009, 10:40 PM

تسلم اخي هيما.. والله قلبي انحسر

**ابو يـزيــــد** · 25-05-2009, 01:19 AM

مساء الخير جميـــعا ،،، شباب انا سمعت ان سعر المـــرايه اكثر من الفين ،، مااادري حسب ماسمعت لاني انا ان شاء الله
ناوي على هونـــدا 2009 تنصـــحوني ..