الموضوع: عندى مشكله تكفون تكفون ابي مساعدتكم

هلا فيك
اذا عن الرجه في المكنية مالها الا الكراسي المكينة
اما اذا كانت تحس ان المكينة ماتشتغل بشكل سليم فمن الكهرباء يعني البواجي او البخاخات

تأكد من كراسي المكينة والكراسي الجانبية و 95% السبب من الكراسي

ممكن كلام مهندس الوكاله يكون صحيح لان صارت معايا رجة المكينة ورحت الوكاله وغيرو الحساس وراحت الرجه وكانت تزيد معايا مع تشغيل المكيف

ترى مو كل هزه في المكينه من الكراسي لاني انا قبل شهر ركبت كراسي جديدة وقالي صاحب الورشة ترى عندك المنظم يبغاله اصلاح عشان تروح الهزه مرة
وقعدة فترة شفت انه من جد الهزة موجوده بس مع المكيف بس رحت وصلحت المنظم ب 400 ريال
ونصيحه للي يبغى يركب كراسي يروح لورشة متخصص في هوندا لانه الكرسي الخلفي والامامي يتشابه كثير
لانه في واحد الله يسامحه ركب كراسي لاخويا بالعكس فصارت الهزة اقوى وداها للورشة الي انا فيها قاله راكب الكراسي عكس الي ورا قدام والي قدام ورا
فانتبهواااااااااااااااا.

مشكورين ياخواني بس انا استعجلت وشريت كراسي المكينه وبالنسبه للحساس سالت واحد يقول يبيله تنظيف انتم وش رايكم انظفه والا اشتري واحد جديد وياليت تعطوني سعر الحساس ومشكورين من كل قلبي على مساعدتكم لي

عبااادي

الحساس قيمته بعد الخصم 618 وأجرة اصلاح 70 ريال هذه الي اخدوه مني في الوكاله 688 ريال

السلام عليكم ورحمه الله وبركاته
ابشركم ياخواني ركبت كراسي المكينه وضبط كل شي وراح الصوت اللى قبل بس الله يستر من الجاي

تحياتي لكل من ابدى رايه ومشكورين

عبااادي

اتمنى الافادة
لان عندي نفس المشكله والرجه تكون قويه اذا كانت السياره بارده والمكيف شغال
لحمت السياره الرجه تكون موجوده لاكن بصورة اخف
مع العلم ان الكراسي سليمة جداً

هلا اخوي accord 2007 انت متاكد ان كراسي المكينه جميعها سليمه ترا فيه كرسي يجي يمين فوق هو المشكله بالرجه
والا عندك المنظم رايح فيها تاكد من المنظم والحساس والله يعينك وانا خوك والله صارت السياره اهم من هم العرس هههه

عباااادي

^^^^^^^^^^
اشكرك اخوي عبادي
انا متأكد ان الكراسي سليمة لاني شفتها بعيني المجرده ووديتها لورشة اثق فيها 100% قلي الكراسي سليمة
انا لحد الان ماوديتها اي ورشه لاكن في واحد من الورش قلي يبيلك تصفية مكينة
لاكن حسيت انه نصاااب
طبعا قلت لك انا مااثق في اي ورشة لان كل واحد يجيب لك كلام من عنده

حبيت اقول لك من اللي يحدد ان الحساس او المنظم يبيله تغيير ؟؟
لان تعرف كل ورشة يجيب كلام من راسه
طبعا عندنا هنا كل ورشة تشتهر ويطلع اسمها فوق تلقى شغلهم يتغير 180 درجه
ورشة الجنوب (الرياض) على كثر المدح اللي سمعته عنهم طلع شغلهم الحين مايسوى ريال
(ورشة السعاده) الدمام << اشتغلت معهم كثير حسيت اني لاجيت الورشه اطرهم طر عشان يسوون السياره
من الاخر حبيت اشوف اللي واجهته المشكله يليت يقدر يفيدني