يااهل الجبيل والشرقيه بشكل عااام !!

**قاسم بيليه** · 25-05-2009, 10:52 AM

السلام عليكم ورحمة الله وبركاته
مساكم الله بالخير <<< داخل ديوانيه:d
..
اولا اشكركم على المنتدى الاكثر من رائع .. وبصراحه انا كنت متابع لاكثر من سته شهور
وحان الوقت وسجلت اليوم << قل قسم;)
واتمنى تساعدوني في مشكلتي :

انا ياجماعه الربع قدر الله علي وانتقلت من الرياض <<< ااه يالرياض

للجبيل الصناعيه للعمل .. مالكم في الطويله

بصراحه توهقت وانا ادور محل لغسيل السياره
كلهم ابو هنود وفرحانين انهم يستخدمون فيري
لاني سالتهم بايش تغسلون ؟
فرد الهندي بابتسامه الواثق هزا فيري اصلي :(
علما ان سيارتي اكورد 2009
وكنت اغسلها في الرياض عند التكارنه يالبى قلوبهم:o
...
فتكفى اللي يعرف مكان كويس لغسيل السياره العادي يعلمنا
والفايده بتكون للجميع ان شاء الله...
وشكرا مقدما :d

**kakashi-san** · 25-05-2009, 12:10 PM

وعليكم السلام ورحمةُ الله وبركاته

طيب ورى ما سجلت قبل 6 شهور ، :p

المهم وشسمه هذا ، أنا حاط لي هندي له 50 ريال بالشهرْ ،

وهذا السيارة ما شاء الله ولا أحلى منهاْ ،

بس بعض الأعضاء ماخذين مقلب ، أن الهندي يجيب الدوائر او السحوك اللي على البديْ ،

مع أني كل ما خذت وقت لمّعتهاْ ،

حط لك هندي كويّسْ ،

ويا هلا فيك بالشرقيةْ ،

ان شاء الله تستانس بالبحرْ ، < عنآآد للي ما عندهم بحرْ ، :p

**أبو الريش** · 25-05-2009, 01:30 PM

لوووووووووووووول
هـلا وغـلا اخوي في الشرقية البيت بيتك <<< قل قسم :d

ان شاء الله شباب الجبيل يدلونك عـلى أفضل المغاسل الي تعجبك كمان
اصبر شوي و ان شاء الله شباب الجبيل رح يقولون لك كل الي تبيه
;)

**الــــمــــحــــتــــار** · 25-05-2009, 01:37 PM

وعليكم السلام مساك الله بالنور

كل المغاسل شلغهم واحد ولاتقولي هنود ولا افارقه ولاغيرهم الافارقه الي تغسل عندهم يحطون فيري الا اذا كنت تقولهم مويه بس انصحك انك تستشير بعض الناس المحافظين على مواترهم في الجبيل وتكلمهم تحياتي

**king-444** · 25-05-2009, 08:08 PM

وعليكم السلام ورحمة الله وبركاته
انا صارلي في الجبيل 9 سنوات ومالقيت مغسله
عليها الكلام كل وحده اخس من الثانيه وانا اذا بغيت
اغسل السياره اطقها الى الدمام فيه مغسلة على شارع الملك سعود اسمها vip شغلهم حليل

**lambo** · 25-05-2009, 08:22 PM

^^^
ماشاء الله تطق مشوار 100 كيلو عشان تغسل بس

**Mr.CaR** · 25-05-2009, 08:30 PM

~ حيّآكـ الله بيننآ بالشرقيه ~
**&&**
!

.
بس يعني في ذمـّتكـ ؛ غسيل السيآره بـ(15-20) ريآل , إيش كنت متوقّع يحطونلك من موآد تنظيف ؟

مغوآير مثلاً ؟!!

إحمـد ربّكـ إنّـه فيري موب شي ثآني :d ..

إلا وش فيـهـ الفيري ؟؟
;)

**king-444** · 25-05-2009, 08:34 PM

الفضاوه تخليك تطق 1000كم مو 100

**المباشر** · 26-05-2009, 01:17 AM

في مغسلة بالدمام في 71 والشارع اسمة الفيصيلية قبل مادري وش صار الحين وكان يقولون عنه شارع الضغط العالي

المهم انا اروح لهم بين فتره وفتره وأطق أكثر من 80 كيلو لأنهم يلمعون الطبلون ومن داخل وشغلهم نظيف ( كأن أسمها مغاسل الأوزون - مشكك )

وساعات اغسل بمغسلة أوتوماتيكية بالخبر

وكان قبل عندي بنغالي يغسل بس شحته شحته مضبوطة بعد ماشفته يغسل الموتر على طول وكان عليه رمل وغبار وبعد ماخص حصلت شموخ في البدي وطردته ( كنت متفق معاه يرش الموتر ماء وبعدها يغسل وعادي لو مسح الفيري على طول ) << كان المقصد انه يشيل الرمل والغبار برش الماء وللعلم موفرين له الماء وكل شي لأنه يغسل حوالي 8 سيارات في الحارة. وبعد طريقته أشوفه مايغسل الا سيارتين بس ..

**حسين ال يوسف** · 26-05-2009, 03:29 AM

واحد من اصحاب المغاسل ومحل تلميع يعني اكيد بيمدح في محلهم حياك حبيبي عندنا في القطيف

**قاسم بيليه** · 26-05-2009, 09:02 AM

اولا .. اشكركم كلكم على ردودكم الجميله والمفيده والرائعه <<< يحب يسلك :d

وعلى حسن تفاعلكم .. قواكم الله ..

وبصراحه الشرقيه جميله جدا والاجمل اهلها << نفس اللي فوق ;)

انا ماعندي مشكله اغسل عند اي احد .. بس فيه منظفات او شامبوهات خاصه بتنظيف

السياره .. ومب غاليه سعرها عادي بحدود

15 - 20 ريال وحجم كبير بعد .. يعني لو تستخدمها مغسله السيارت يمكن تغسلهم 20 سياره <<< وانت وش دراك :o

اما فيري فهو قوي على الدهون ويجيب العيد باللمعه والله اعلم ...

المهم انا ماراح اغسل سيارتي الا بالرياض .. واللي يقول 80 كيلو مشوار .. وش رايك في 450 كيلو

<<< امزح لحد يصدق :d

**kakashi-san** · 26-05-2009, 11:50 AM

^^^

وش دعوّه ما تبي تغسّلها ألا في الريااض ،

يعني الشرقية مب عاجبتك هاه < يقال له عصّب :p

وشسمه هذا ، فيه منتج كويّس في ساكو صابون خاص للسياراتْ وميزته تنظيفه ولا أحلىْ ،

ما ادري والله كم سعره ، لأنه جاني هديّة ومخلي الهندي يغسل فيه سيارتيْ ،

بس أتوقع سعره حول 45 ريالْ ،

بحاول إذا فيه امكانية انّي اصوّره لكْ ،

بالتوفيق لكْ ،

**naio0of** · 26-05-2009, 01:18 PM

الحل عندي و انا بو هندي << هع هع ..

انا واحد من شباب الجبيل ومن الي جربو كل المغاسل ...

شوف اذا انت بطران روح غسل في كار كير بالمسانده بــ50 ريال ...

ومغسله برجس قريب من المسانده بــ 15 برا و داخل و برا بــ 20 .. حلووو << جيده المغسله هذي و عليهم ستب حق الكفرات اليييييييييييم ..

وعندك واحد يمني مدري سوداني بالمحطه الي عند كرنيش النخيل في مغسلتين اول ما تدخل المحطه في على اليمين مغسله اسحب عليها و روح المغسله الي على اليسار تحس انها حفله بس اوك ..

واخر مغسله انصحك فيها الي في الكرنيش عند مبنى سابك جيده نوعا ما ..

واذا براسك راس معسل روح بو هيثم مع انهم منعو المعسل و في هنود يغسلون السياره عند القهوه ..

واذا ولا وحده اعجبتك تعال عند بيتنا اطلع لك الهوز و نغسلها سوووا ..

ان شاء الله افدتك

**قاسم بيليه** · 26-05-2009, 02:45 PM

kakashi-san

الله يعطيك العافيه .. وبيض الله وجهك ..

الظاهر اللي تقصده نفس اللي ببالي .. لاهنت

naio0of

جزاك الله الف خير ... اخيرا لقيت واحد من اهل الجبيل :d

بجربهم قريبا ان شاء الله .. يعطيك العافيه ..

**Black Heart** · 26-05-2009, 04:32 PM

أهلا أخوي ,, ويش لك بالجبيل ,, الحياه ملل وزهق وطفش فيها ,, بس يا محلاة النوم هع
المهم ,, في مغسله ممتازه في الجبيل الصناعيه ,, ومكانها في مطه البنزبن اللي جمب كليه الجبيل الصناعيه
( يعني ادا انت طالع من كليه الجبيل الصناعيه في الاشاره تاخذ يسار وتمشي سيدا وفي الاشاره تدور وامشي سيدا وبتشوفها على اليمين )
على فكره ,, في هاذي المحطه 3 مغاسل :d وحده حق ثياب والباقي حق سيارات ,, اللي جمب البنشري هادي كدا

والثاني مو اوكيه

ويلا سلام

**المباشر** · 26-05-2009, 08:59 PM

أغسل بمغسلة في رأس تنورة تستخدم منتجات ميجوايرز في التلميع وحتى شامبو الغسيل يستخدمون ميجوايرز وشفت الجراكل عندهم لونها بيج وعليها أستكر ميجوايرز .

حتى مرة غسلت عندهم ورحت أعبي بنزين من نفس المحطة اللي أعبي عندهم ولي سنة ونص ونفس الهندي أسولف معه كل مرة لكن مادري وش جاه ذاك اليوم خبط شوي ويقولي ماشاء الله سيارة جديدة .. << شكيت بالهندي لايكون شارب شي بس بعدها قابلت واحد وقالي ملمع الموتر ؟؟

**heronassim** · 27-05-2009, 11:38 AM

هلا اخوي وحياك بين اخوانك وربعك بالجبيل
حسب خبرتي بالجبيل 19 سنه ما في زي المغسلة اللي في محطة الشاطئ مقابل شاطئ النخيل بس انتبه هناك مغسلتين انا اقصد المغسلة الصغيرة الملاصقة للبشر وفيها يماني بس تشوفه تقول سوداني شغلهم حيل ممتاز 0
وبالتوفيق لك وانا حاضر لاي شي بس ما يردك الا الخاص