الموضوع: تجربتي مع كفرات الاكورد

يطولي بعمرك انا سابقآ كنت أستخدم ميشلان على كل السيارات اللي شريتها الا سيارة سيفيك كانت عندي كنت اركب عليها فالكن

على العموم ماعندي خبر عن النوعية اللي ركبتها بس معروف التاير توه جديد وماراح يطلع لا صوت أزعاج ولا شي ، يعني لابد من تجربتة فترة وبعدين راح تقرر اذا كان ممتاز او لا .

من ناحيتي خلاص مقتنع مليون % بتواير بريجستون بوتنزا ادرينالين وقريبآ راح اركبهم

تمنيت أفيدك أكثر بس للأسف مالبيد حيلة :d

^^^^

ترى السالفة عقود بين المصانع الكفرات والسيارات واحنا الضحية وهذه سياسة تسويقية لأنهم يدرون انك بتقول مثل هالكلام ومليون واحد بعد يعتقدون ان الكفرات اللي جاية من المصنع مع السيارة هي الأفضل

ميشلان ماحد يقدر يقول عنه شي لأنة ممتاز بس عيبه الوحيد هو الصوت المزعج بالأكورد

المشاركة الأصلية كتبت بواسطة الــــمــــحــــتــــار

مااتفق معك في النقطه الاولى كلامك مايدخل المنطق اكيد انهم درسو انواع الكفرات الي تصلح للاكورد واختارو ميشلان ولاتجي تقول احنا ضحيه ومادري وش الكفرات تعتبر من اهم الاساسيات للسياره ومااعتقد انهم يستغلونك عليه والاهم لاتنسى ان ميشلان معروفه وهي من افضل الشركات حاليآ اذا ماكانت هي الافضل وازيد على كلامي ان اغلب السيارات الفارهه يستخدمون كفرات ميشلان ...اما في النقطه الثانيه على حسب اذا كان شارع سفلته ممتازه مايصير فيها صوت

مايحتاج تتفق معي هذا رأيك وبكيفك أقتنعت ولا خلك ضحية للتجار ومع الخيل ياشقراء

لو أنهم درسوا الموضوع مضبوط كان ماركبوا تواير ميشلان كان ركبوا لك كونتيننتال أو بريللي أو من الأنواع الثانية الممتازة بس لاتخدع نفسك وانا أخوك .

وترى ميشلان ماهو أفضل نوع للمعلومية - عندك كونتيننتال - بريللي - وغيرها

وبريجستون بوتنزا ادرينالين يعتبر الأفضل على الأكورد تكفون دققوا في النوع لايجي واحد ويقول ركبت بريجستون ومزعج - وهذا اللي نقدر عليه حسب الميزانية

معلومة بسيطة : بعض موديلات لكزس جات من المصنع ( بريجستون ) ليش ماركبوا ميشلان

دودج شارجر : تواير كونتيننتال - ليش ماركبوا ميشلان يمكن أفضل :p

على العموم راجع قوقل ولا المنتديات الثانية وشوف الشكاوي على الميشلان والصوت الزلع

http://www.hondaarabia.com/club/showthread.php?t=19679

http://www.hondaarabia.com/club/showthread.php?p=175776

وهذا مرسيدس ياحبيبي ولا جابت طاري الميشلان بعد في موديلات 2009

أطارات كونتيننتال على موديل 2009 الفئة e-300



مرسيدس 2009 e-350 الكوبيه

أطارات دنلوب

اخوي المحتار

ترى كل كلامنا هنا للتوضيح وماودنا نخلي الأعضاء يتوهون ويتجهون لميشلان

أنا سبق وذكرت لك اني كنت من مستخدمي ميشلان وماركب غيره وصحيح كفرات ماعليها كلام حتى واحد من الشباب كان يمغط عليها الى 180 و 200 وأنتهت الأستمارة وجاء وقت التجديد وطبعآ رسبت بالفحص

راح ركب تواير جديدة - ميشلان برايمسي بايلوت نفس النوع اللي على مواترنا وشاف القديمة وبعضها طالعه أسلاكه وماشاء الله متحمله وماقالت شي

بس كل الخلاصة ان في بعض الشركات اللحين صارت تنافس ميشلان .. وأقرب مثال تجربة أخونا بي يونيك مع بريجستون وموضوعه التالي

http://hondaarabia.com/club/showthread.php?t=4892

والتوضيح مطلوب

الأكورد ماينفع بتاتآ عليها الميشلان بسبب الصوت المزعج

بريجستون بوتنزا ادرينالين هو الأطار المنشود بحكم التجربة من أهل الخبرة في النادي واللي نثق في خبرتهم بعد الله سبحانه وتعالى

والقلب داعيلك ولك مي اجمل تحية // سؤال يطولي بعمرك ..

وش نوع موترك / الموديل / وكم ماشي للحين / ونوع توايرك ؟؟؟

المشاركة الأصلية كتبت بواسطة الــــمــــحــــتــــار

هلا اخوي المباشر

اكيد كلامنا هنا للتوضيح ولا ودي اطول في الموضوع هذا

بس والله من ناحيتي انا اظمن كفرات ميشلان على اي نوع كفرات ثاني

ام على سؤالك الله يحيك ويطول بعمرك

معي اكورد / 2004/ في الـ150 الف وفيه / وتوايري اكيد ميشلان

تحياتيـ

معقولة ما أشتكيت من الصوت المزعج في الميشلان ، انا حسبت ان موترك جديد وتوك مركب التواير

ويمكن تكون التواير الالمانية الموجودة في السوق عندنا اخف صوتها من الأصلية الفرنسية ويمكن ويمكن