وش رايكم بهالموتر ..؟
السلام عليكم جميـعاّ
باختصار ناوي ابيع السياره محتاج سيوله. وناوي اخذ وحده اقساط. المهم . رحت لعبدالله هاشم
قال لي لازم عن طريق البنك علشان نعطيك اكورد.وفي سياره اسمها
مستوبيشي لانسر اي اكس سعرها كاش الفل اوبشن ب74
واقساط 10 الاف دفعه وشهريا 1600 صراحه عرض حلو
بس وش رايكم بالسياره للي يعرف عنها شي لا يبخل علي
والف شكر لاحلى منتدى ..
التعديل الأخير تم بواسطة ابو امين ; 11-06-2009 الساعة 05:39 PM
اذا تبي رأيي الشخصي
المتسوبيشي من بعد الجلنت الشكل القديم اشوف انها فاشله
حتى الانسر احس انها بلاستيك مجمع ويبي اطرف دقه ( الله يكفيكم شر الدقات ) ويتفكك وترجع تصمغ وتلزق عشان يضبط الشكل
بــ 74 الف اشوف انها غاليه مرة على لانسر
روح خذ لك كورولا حتى لو سياحي والله انها ارحم عندي بمليون مره
هذا رأيي الشخصي وارجوا انك ماتزعل منه
والله يوفقك ويطرحك بالموتر اللي يسرك وينفعك
ماعليش اخوي مين قال انها بلاستيك مجمع وانها تجميعالمشاركة الأصلية كتبت بواسطة راعي الحلم
الميتسوبيشي تعتبر السياره الوحيده ياباني 100% ومن اقوى السيارات
بس عيبها ان وكيلها العيسائي محتكرها ومالها قطع تجاري
اضافة الى ان قطع غيارها غاليه مره بس ماتخرب بسرعة نادر ماتخرب عليك قطعه وهذا يرجع الى قوة الصناعة اليابانيه
ولانسر الشكل الجديد تعتبر من اروع الموديلات الي صنعوها
وأنا اهنيك لاختيارك لانسر الجديده
راعي الحلم وعبودي الف شكر بس يا عبودي لانسر جي تي هذي
ارسى من الكامري وفيها مواصفات ماهي بالاكورد تصدق فيها تعشيق عادي واوتو بنفس الوقت واعرف مصري شغال بشركة متسوبيشي
يقول القطع ارخص من الاكورد والمازدا ...
اعرف واحد مخترب عنده جيب ميتسوبيشي خراب تافه صار له شهر موقف ... موديله 2007 بعيد الشر عنك
وش لك بالبحر واهواله ورزق الله على السيف مثل ماقال لك اخوي الكورولا يازينها ورخيصه سياحي
هلا اخوي
توكل على الله وخذها
انت تبغى نصيحه
وانا في عمي مدمن شي اسمه متسوبيشي
هو و 5 من عياله عندهم متسوبيشي
واثنين منهم لانسر
والله اني احس بالاسى على حالتها
ولد عمي لاعن ابو الطيب فيها
مطبات حفر جلد كلها وبدون يلمس البريك
واللي عنده موديل 1998 والحمد لله الى الان
ماغير الا فحمات يمكن 3 او اربع مرات
وباقي الاشياء الاستهلاكيه
توكل على الله
ولاتنسى
مواصفاتها
لا الالتيما ولا الكامري ولا الاكورد
فيها
فـ توكل على الله
وفي كثير بيمسحون فيها الارض لانهم مايعرفون عنها شي
مثل اللي يقول خذ كورولا
اخوي انا بصراحه جربت الانسر الايفلوشن والله كلام ثاني 276 حصان واربعه سليندر ومن 0 الى 100 حلو 5,2 ثانيه هذا بخصوص المحرك اما كجوده ما عندي خلفيه وان شاء الله الشباب يفيدونك
ما شاء الله يعني كل 3-4 سنوات يغير الفحمات
أخوي صاحب الموضوع
والله العظيم يافي بعض الاعضاء لو تقله لكزس ولا مرسيدس قال لك الاكورد افضل
أخوي في البدايه عليك بالاستخاره
وثانياً مر الوكالتين واركب كلا السيارتين
وشوف مواصفات كلا السيارتين
وانا صراحة عاجبتني المتسوبيشي وتوجد بها مواصفات تجعلها تتفوق على الاكورد
وطالما انه لايوجد اي تجربة مااقدر امدح لك السياره او اذمها
و كل اللي اعرفه عن السياره ما أقراه في المجلات والمواقع الكترونيه
ولا يوجد اي تجربه للسياره
تحياتي لك
^^^^
والله حسيت انها لعبة ماهي سياره
تخيل تجيب لزق 3m وتلزق الرفرف بالكبوت
التعديل الأخير تم بواسطة accord 2007 ; 12-06-2009 الساعة 01:29 AM
^^^^
والله حسيت انها علبة ماهي سياره
تخيل تجيب لزق 3m وتلزق الرفرف بالكبوت
الله يرجك يا ان بطني تفقع ضحك
:d:d:d:d:d:d:d:d
---------------------
بالنسبه للانسر ماعندي خلفيه عنها لكن من مميزاتها الدخول الذكي
الف شكر لنصائح الاخوه . معلومه السياره 6 تعشيقات
أنا جربت هذا الموتر .. نفس النوع ذا الرياضي جير عايدي 08 الشكل الجديد
المواصفات :
جير عادي - جناح - كشافات - مسجل ام بي 3 - ميزه تلعب بالصوت من المسجل ( حلوه ذي ) -جنوووط 18 روعه
تخشيبه مدري فورمايكا حلوه برضوه - تحكم بالمسجل من خلال المقود - اسيات مخمل بس الخامه حلوه ورياضيه - هذا اللي يحضرني
رأيي المتواضع : السياره جميله جدا من ناحيه متعه القياده .. عزمها وتسارعها بالنسبه للحجم جيد جدا .. الشكل الخارجي جميل
والداخلي كذلك .. تقدر تقارنها بالسيفيك لانهم ينتمون لنفس الفئه .. وسعرها مقبول نسبيا حوالي 62 الف ريال
والاوتو كان سعره ب 66 الف ريال .. وقطع الغيار متوفره بالوكاله بس غويله شوي
عندي تعليق بالنسبه للسعر .. اشوف السعر اللي اعطوك اياه غالي جدا .. ومثل هالوكالات ميتسو بيشي ومازدا وغيره
تقدر تاخذ من عندهم خصم وبسهوله ودون الحاجه لمعرفه ( أتوقع ) بس تحتاج لشويه مكاسره ع الخفيف .. عكس تويوتا
وهوندا اللي عليهم اقبال شديد .. ليس تقليل من شأن سياراتهم بل بالعكس تماما يابانيات ولا عليهم غبار .. لكن
المشكله تكمن بالوكلاء مع احترامي لهم العيسائي والحاج علي رضا مو معطين سياراتهم حقها ولا مواصفاتها حلوه بالمره
بالتوفيق لك .. ولا تنسى الاستخاره
خذ كامري افضل لك بلا مستوبيشي بلا وجع راس مستوبيشي حقت دبابات وتريلات ودينات كل هالشركه خراطن فاضي :p
^^^
مع الخيـــل ياشقرااء .. تويوتا ونوكيا وويندوز وstc .. الــى متى ..؟؟
ميتسوبيشي خراط فاضي .. يبيلك اعاده نظر بارك الله فيك .. حتى الافلوشن هم بعد خراط فاضي
الا صدق مين مسيطر ع سباقات الراليات ..؟؟ شركه خراااطن فاضي ..!!
ع الاقل الشركه هذي قدرت تبدع بدينات وونيتااات .. هالشي يحسب لهم.. غيرهم مابدعو في شي ;)
هذا الرابط بيفيدك شوي
http://ar.wikipedia.org/wiki/%D9%85%D9%8A%D8%AA%D8%B3%D9%88%D8%A8%D9%8A%D8%B4%D9%8A
التعديل الأخير تم بواسطة lambo ; 12-06-2009 الساعة 05:13 AM سبب آخر: الرابط
أخي الفاضل
الإستخاره اولا واخيرا
ثانيا من الظلم مقارنة اللانسر بالاكورد
فئتين مختلفتين كيف نقارنهم ببعض
اللانسر تقارن بالسيفيك
والاكورد بالجالانت
اما بخصوص اللانسر ex فأنا مجربها عند واحد صاحبي
اذا كنت تسافر كثير ما انصحك بيها لسببين رئيسيين بالنسبه ليا
الاول انه صوتها مزعج مررررره وما تتحمل سرعات عاليه لمسافات طويله
التاني انه مافيها مثبت سرعه
وغير كدا السياره مررره حلوه ومميزه وسعرها حلو
بس ازعاجها من الاسباب اللي خلتني اصرف النظر عنها
الله يكتبلك اللي فيه الخير
شكراً
اهلا
شف اخوي دامك حريص على ميتسوبيشي
خذ لك جالانت
شكلها الجديد خيال وهي سياره تمام ولا عليها كلام
بس مشكلتها غلا قطع الغيار
اللانسر حلوة لكن لا تقارن بالاكورد
يلعن
ام السباكه من داخل
يازين الاكورد بس جنب ذي
اها فما بالك ان اللانسر تتفوق بالمواصفات على الاكورد نفسها فكيف السيفك ؟؟ثانيا من الظلم مقارنة اللانسر بالاكورد
فئتين مختلفتين كيف نقارنهم ببعض
شكرا لك اخي الكريم
انا لم ادعي كمال الاكورد وفي نفس الوقت لم اذم اللانسر
اظهرت اشياء عن تجربه اراها عيوبا بالنسبه لي ممكن بالنسبه لغيري تعتبر مميزات
مايعجبني قد لا يعجب غيري
وشكراً
اخوي ممدوح الكامري ابو جميل راح يحسبها علي ب125 الف
هذي جي ال اكس بالله تستاهل ؟؟ وكم واحد قال لي ديكورات الكامري كلها صيني تتكسر ثاني اسبوع ..
اسمع يابعد قلب انا <<<<<<<<<< هندي الاخ
شف يابعدهم الكامري سعرها 74 الف وتلقى لك اكورد ولا كامري ولا سوناتا عند اوتو استار اذا كنت تعرفه والله رخيصه موديلات 2008 او 2007 جديده كلها ماتعدى 70 الف رح ومره وشف المواتر اللي عندهم
وشكرا...........
يا شباب
لا تنسون ان ميتسوبيشي تعاني من ازمه ماليه مزمنه
بالذات اللي يعرفون اخبار شركات السيارات اكيد عندهم خبر
وانا لا أثق في شركة عندها ازمه ماليه
احس انها ترقع سيارتها اي كلام عشان الربح السريع
ومثل ما قلتوا ان مواصفات الانسر كثيره وتجذب الواحد يمها
والله اشك في موضوع السيارة هذي
اخوي المتسوبيشي لانسر سياره بطل الرالي
الحالي يعني يفوز بسياره مرقعه ترقيع ؟؟
ضوابط المشاركة
رد مع اقتباس
مواقع النشر (المفضلة)