الموضوع: اللي عندو خبره يدخل واللي بيضحك برضو يدخل

السلام عليكم ...

كيفكم طيبين انشالله بخير .... :d

المهم ..

انا طفشت الموظفين في هوندا طريق المدينه - جده .. قلتلهم ما اشتري سيارتكم إلا لمن تحطون فيها GPS طلعولي من تحت الأرض GPS ولا ما اشتريها .. المهم صرت كل فتره اجيهم .. في واحد سوداني موظف جبتله الجنان هاه جبتوه .. سويتو طلبيه على اليابان .. قالي السوداني :d (( اسمع ياخينا هسا الجهاز دا ما متوفر في شركه عبدالله هاشم ولا بنعمل لو طلبيه والعربيات بتجي دغري من اليابان ماراكب فيها الجهاز دا ...داير اوصفلك الشركه اللي في اليابان وتمشي على هناك وتشتريلنا كميه ونبسط فيها انا وانتا جنب الشركه هنا )))


قلتو اسمع انا لو معاي وكاله كنت جبت صحون فضائيه وركبت فيها GPS
:d:d

.. المهم قالولي سياراتنا كلها مافيها GPS

طيب وليه هالأسعار الخرافيه .. الكامري فيها GPS ؟؟؟ معقوله ..
المهم قالي روح ركب برى تلاقي ...


انا الآن بطلع الأكورد وانا من الناس اللي مايحب يلعب بالسياره وما احب التوليف .. احبها كلاسيك..

المطلوب بعد الكلام الكثير هذا اني ابغى GPS بدون لعب في طبلون السياره يعني اللي ابغاه بس شاشه الملاحه ..

سمعت انو في جهاز في سي دي وشاشه الملاحه .. :p

بس انا ما ابغى افصل السي دي الرئيسي .... اللي ابغاه بس شاشه الملاحه تكون راكبه في الدرس اللي تحت الس دي بالزبط ... احد يقدر يدلني علها ... :(


وبرضو حاب اسأل عن سعر الأسطبات الخلفيه الشرايح كم سعرها وهل هي اصليه ولا ما عندك احد من ابو كم شهر ..



يلا طولت عليكم ... اتمنى تكون الإجابات مفصله ودقيقه عن الجهاز هذا وطريقه تركيبه وهل بس يركب ملاحه بدون المميزات الثانيه لأني ما احتاجها كالبلوتوث والسي دي .. ولا ابغى الجهاز يتحكم بشي ...


انتظر ردودكم ..