مشكلة بالفحمات !!!

**هنونتي** · 16-07-2009, 06:08 AM

السلام عليكم ورحمة الله وبركاته

صباح الخير جميعاً

يا شباب عندي الفرامل تطلع اصوات لي دعست عليها من حوالي شهرين بس تركتها عشاني مب فاضي
دوامي زفت ( الله يكرمكم ) ومالقيت وقت اصلحها

عاد امس كان عندي off من العمل وقلت بطلع اتمشى مع الشباب

وتوني طالع من البيت الا واسمع صوت الفحمات وانا امشي الظاهر انها جاوبت

وش اسوي اخرط الهوبات ؟
ولا اغير الفحمات والاقمشة ؟

معليش كم بتكفني تتوقعون !! ترى ما راح اروح للوكالة ( بعيدة ويطولون ) وانا عندي دوامي واحتاج السيارة
يعني بدور لي ورشة بصناعية الشفاء عشانها قريبه من بيتنا

(( على فكرة ترى اللي معي اكورد 2008 سبشل ))

**بلال العلمي** · 16-07-2009, 09:17 AM

خرط هوبات الهوب الواحد ب 30 ريال

فحمات اصلية ما ادري كم سعرها بس اتوقع حدود 200 ريال للطقم الامامي وايضا 200 للخلفي

شغل يد اذا تعرف راعي الورشة 80 ريال الى 150 ريال فقط

بالنسبة للقطعة خذ الرقم هذا هو فرع قطع غيار هوندا الاصلية بصناعية العروبة اساله عن الفحمات

014884561

**الـمـسـافـر** · 16-07-2009, 08:53 PM

خرط هوبات الهوب الواحد ب 30 ريال

فحمات اصلية ما ادري كم سعرها بس اتوقع حدود 200 ريال للطقم الامامي وايضا 200 للخلفي

شغل يد اذا تعرف راعي الورشة 80 ريال الى 150 ريال فقط

خرط هوبات(اثنين) مع شغل يد بـ 80 ريال
ورشه رقم 20 في صناعيه العروبة

فحمات وكاله امامي بـ270 ريال بعد الخصم
خلفي بـ 220 ريال بعد الخصم

* اسال قبل ما تروح اي ورشه عشان ما يلعبون عليك

**هنونتي** · 17-07-2009, 04:38 PM

هلا يا شباب

طلعت امس العصر لورشة عندنا بالشفا مشهورة وكل السيارات اللي فيها هوندات

قالي لازم نخرط الهوبات كلها ونغيرالفحمات كلها قلت اوتي كم تكلف قال المخرطه بتاخذ 80 ريال
وشغل يدينا 160 ريال وتعال خذها العشاء
والفحمات رحت انا شرتها خذيتها طقم امامي وخلفي وبعد تكسر السعر المجالد مع المحل بـ 360 ريال أصلية وعلى الشرط
وكان سعرها 400 ريال

يالله مشكورين على وقفتكم معي