خبرة المقاومات .. تعالوا هنا ،،
بسم الله الرحمن الرحيم
::
السلام عليكم
عساكم بـــ خيــر :o
،،
اول شي ماني حق مطارح وقومات وكذا
بس احياناً تتحمس .. وأحياناً ناس تنشب لك :d
زي أفالون وقـفني يقول تجرّب ؟
قلت لا ويين افالون :d
قال وش المشكلة كلهم 6 سلندر
قلت دامك ملزم يالله ،،
المهم ماودي أكمل وش صار بعدين .. مدري الافالون قوية لهالدرجة او انها مرهمة إلى الليل :d
قام علي وفي الخط بعيييد عني ،،
::
::
الزبدة من القصة لطويلة هذي :d
وش أفضل طريقة لأفضل قومة .. يعني :
استخدم تغييرات القير 1 - 2 - D3
أو استخدم D أو D3 من أول شي ... او مثلا اخليه N وادعس واعطيها D ،،
فـ خلونا نتناقش في أي طريقه تجيب أفضل النتائج ؟
في انتظاركمـ :o
::
:
نظف فلتر الهواء مظبوطالمشاركة الأصلية كتبت بواسطة T H A M E R
عب 95 ممتاز (اذا عبيت فل راح تثقل شوي) لو تعبي نص أفضل
قزز (سكر النوافذ والفتحه)
مهم جدا خلك مطفي المكيف تشغيل المكيف يضعف العزم
اوزن هواء الكفرات على 30 وهن باردات لأنك لو وزنت هواء الكفرات وهن حارات لمنهن بردن راح يقل ضغطهن مثلا الى 28
شيك على زيت القير ومستواه
وان شاء الله راح تبيض وجيهنا :d
وتكون
صح نسيت أقولك ليش مستهين بالأكورد 6 سلندر
يمكن الأفالون مركب فلتر هواء رياضي (انتيك رياضي)
بسم الله الرحمن الرحيم
اول اشكرك اخوي على الموضوع المهم جدا
السلام عليكم اخواني بحكم خبرتي المتوسطه في القومات والتزويد اليكم بعض النصائح
اخواني اعضاء منتدى هوندا في سباقات القومات من الصفر الكثير من المفاهيم الخاطئة عند الشباب المزودين اوغير المزودين(سياره استوك )
وكلنا نعرف ان الثانية تفرق والكهربة الضائعة تفرق والهورس بور واحد يفرق واشياء كثير بسيطه
لاكن هذي الاشياء ممكن تضع قومتك او انطلاقتك على المحك ويمكن يطرحك الخصم بسبب هالشي البسيط
يعني الي اقصده مو قومة يارس وبورش اقصد بالقومه بين مازدا ومازدا وكلهم زي بعض اكورد وكامري مثلا
يعني سيارات تكون متشابهه او متقاربة في المكاين وعدد الاحصنه .......
فابدا واقول اول شي الثقة المفرطه وياما ناس دخلت واثقة وراحو بيوتهم مهزومين شر هزيمه فلازم تكون واثق من نفسك وموترك في حد المعقول يعني اعطي موترك حقه ولا تزيد عليه واعرف انت و سيارتك
ايش حجمكم وماهي قدراتكم ومداكم
ثاني شي شيك على موترك قبل السباق والاشياء الي لازم تشيك عليها معروفه مثل :
1- الزيت - يمكن لاسمح الله ناقص او تهريب وما انتبهت وياكثر التهريب في السيارات المزوده .
2- السيور - وانت عارف ان وراك حرق فيمكن في جرح بسيط في السير خاصه سير الدينمو
3 - الكفرات ماتكون ممسوحه او محبله او ذات مقاسات مختلفه
4 - سلامه جميع الدوائر الكهربائيه مثل البواجي والدينمو من القصور الكهربائي
وفي اشياء تختلف على حسب تعديلك والقطع الي انت مضيفها فمثلا مركب فلتر ولك شهرين مانظفته وماشي في الغبره والامطار ومعدوم وتروح تقوم به او هيدرز او اقزوست ويكون فيه تنسيم
وغير الفلتروالاقزوست والهيرز فيه اشياء تحتاج للتشييك وبيطول ذكرها .
الاشياء الثانية الي لازم تسويها وانت راكب في السياره وقبل القومه بالظبط .
1- تطفي اي كهرباء ما تحتاجها مثل المسجل الانوار( الزينون) واي شي يسحب كهرب او يحتاج كهرب ومو ضروري في القومه او سسيتم ساوند
2- تترك السياره في الفاضي يعني مو معشقة وادعس بنزين بس مو للاخير يعني وصل الار بي الى3 او 4 او بالكثير 4.5 وبعدين الدعسه مو متواصله يعني دعسه ورفعه دعسه ورفع كذا مرره وبعد كذا دعسه بطيه الين يوصل الار بي الى 6 او 6.5 بس لا تضغط مرره .
3- بالنسبه للقير العادي شوف الاربي الي اذا كنت داعس عليه والسياره ما تفحط فيه كم مثلا :
سياره اذا دعست الين 7 في الابنص وعشقت تفحط لاكن اذا كنت داعس على 6.5 وعشقت ما فحطت تقوم في الحاله هذي وانت داعس على ال6.5 لان كذا تكسب الوقت لان اذا فحطت تضيع شويه لان فيها رجعة دعسه وفيها تكتيمه ماهي حلوه الا(( الي مركبين تيربو )) بالعكس امغطها الين يقطع البخاخ وقوم لان بالطريقة هذي يشتغل التيربو كامل على حسب لفات العمود .
4- بالنسبة للقير الاوتو فلهذا القير طرق كثيره على حسب الشركات فيه شركات سياراتها فيها مانع انزلاق وبعضها حلو مثل الكابرس فانت تشغل المانع وتنطلق وفيه شركات مانع الانزلاق ماهو قد كذا مثل الفورد الي يقل التسارع اذا شغلت مانع الانزلاق
المهم بالنسبة للاوتوماتيك نقدر نقول ان افضل طريقة هي انك تعشق السياره في الدي وتبقى داعس فرامل ومع دعسة الفرامل تدعس بنزين بس مو تكتم وبعد السباق تروح توضب القير اهم شي دعسة متوسطه
ومع القومه تفك الفرامل او تكون حاطه في الn وداعس تقريبا الين 2.5 او 3 ومع القومه تعشق الd
بالنسبة للتيبو ترونك ما يفرق عن الاوتماتيك شي في القومه لاكن حاول تلاحظ وتحفظ المكان الي عنده يقطع البخاخ بالزبط ولازم تكون متاكد انه يقطع عند المكان الفلاني وتعشق قبلها بثلاث شرطات علشان تعطي الجيربكس وقت للتعشيق لان استجابته مو زي العادي
مثلا يقطع بخاخ سيارتك اذا وصل العداد حق الاربي ام 8 فانت تعشق على ال على 7.7 وفي سيارات بطيئة في التيبوترنك زي الزووم مثلا فانت تعشق على ال7.6 يعني تسبق بشرطه .
وخلاصة كلامي لازم تكون بينك وبين الاربي ام والقير ترجمه يعني كل واحد يجاوب الثاني مع العلم بانه في ملاحضه خاطئه لبعض السائقين يعني تلاقيه داعس على البنزين الين يفصل العداد وهذا خطاء في السرعات العاليه يعني خذ بالاعتبار انه في دعسه ثانيه عندك يعني بعد ال140 ارفع رجلك وادعس مره ثانيه بسرعه فائقه بتلاقي العزم اقوى من الدعسه المتواصله اما في الطرق الغير مستقيمه والتي يلزمها تقليل السرعه وتقليل غيارات القير يجب تجديد الدعسه بعد كل غيار بلحظات لكي يقوم القير بغيار عكسي يعني اذا كان في الرابع يرجع الى الثالث وهذي في القير الاتوماتيك والتيبترونيك.
انتهينا كذا من الاشياء الي انت تسويها باقي اشياء لازم تتاكد منها وتفررررررق كثير
يعني لا تروح تقوم بالسياره وهي فل بنزين افضل شي تكون ربع لان البنزين له وزن ومو خفيف
ولا تروح تقاوم وانت مركب معاك عيال الحاره كلهم في السياره لان الوزن يفرق معك كثيييروالاكورد كفايه وزنها وبالذات 2008 و2009 وانا عن نفسي ولاتضحكون كنت اشيل الاستبنه والمقاعد غير مقعدة السائق طبعا اذا كان في سباق متفق عليه مسبقا
وتاكد من كفرات سيارتك وظغط الهواء ولو تعبيها نيتروجين وتزود الظغط يكون افضل يعني مو تروح تحط الظغط 100 لا خلي ضغط الكفر من 45 الى 50
واذا انت مركب جنط كبير وعندك جنط اصغر ركب الاصغر لانه اخف على السياره ويفرق في العزم معاك كثيروالاكورد 16 او 17 للموديلات الحديثه
حاول قد ما تقدر تكون في استقامه من نقطة البداية الى نقطة النهاية لان كل ما كان المقود في استقامه كلما زادت قدرت المركبه على اختراق الهواء وخروج الاطار من الرفرف يزيد من تعارض الهواء له مع اغلاق جميع النوافذ لعدم دخول الهواء الى السياره بطريقه عكسيه مما يودي الى تقليل اندفاع المركبه الى الامام وخساره بعض الاحصنه
ولا تراقب السياره الي قامت معاك حتى لو كنت في المقدمه بمسافه ركز على نقطة النهاية وعلى الطريق والمفاجئات الي فيه وركز على عددات سيارتك ولا يوصل الاربي ام للخط الاحمر
اذا كنت متفق انت والي تقوم معاه على مسافه طويله مثلا خط اكثر من ربع ميل واكثر من كيلو مثلا طريق نادر احد يمشي معاه وطول الطريق هذا حواالي ال5 كيلو وبتجيبون الطبلون حق السياره
مع ملاحضه انتقاء الطرق السليمه والخاليه من الحفر وان تكون الطريق ليست مرتفعات ومنحدرات بل اختر الطرق المستويه لانه في هذي الحاله بيشكل وزن المركبه عامل مهم جدا جدا جدا
ويوجد طريقة حلوه ومجربه معاي كثيرللسباقات التي لها خط نهايه بس بشرط ان يكون طبلونك قريب من طبلونه يعني مثلا اكوورد 2008 واكورد2007 وشفت انكم بتوصلون مع بعض حاول تجي وراه قبل خط النهاية ب200 متر على الاقل
وتكون قريب بس مو تلحم يعني مسافة متر الى مترين كذا هو بيشق الهواء وانت وراه وممانعة الهواء بتكون في وجه سيارته هو وكلنا نعرف الانسيابية وتاثير وبتلاحظ انك قاعد تجيبه وشوي وتصدم فيه وهو شاد بس الهواء يقلل شدته بس انت لا واذا قربت من النهاية اكتم دبل الدعسه بسرعه ولف قبل لا تصدمه وبتلاحظ ان سيارتك شدت وتعديته بس لو سويتها بدري اضمن لك بعد كم متر بتكونو في نفس المستوى.
اعذروني على الاطاله لان الاشياء الي قلتها كثير وكل شي منها يعتبر موضوع مستقل بس حاولت اجمعها للرد على اخوي صاحب الاستفسار ولباقي منتدى هوندا
باقي اهم حاجه انتبهو من المرور السري لانه ندمت في ذاك اليوم واسالو الي قعدت سيارته الملكه هنادي في الحجز علشان سباق وسمع العسكري الدبه وما طلعت الين فكيت القطع اللي عليها ودفعت جميع القسايم
وساحوني اذا قصرت او اخطاءت واللي عنده اي اضافه ينورنا بها وكل اللي قلته عن تجارب شخصيه وياما خسرت في كثير من السباقات بس الواحد يتعلم
وشكرا لكم
اخوكم اكووورد مجنونه
التعديل الأخير تم بواسطة اكووورد مجنونه ; 17-07-2009 الساعة 08:27 AM
(شكرا اخوي اكووورد مجنونة
ومن بكرة ادور لي واحد يطارحني حتى لو ابوي طبعا سيارته يوكن:p:p
أحم أحم :d..
اليوم قاومت بالياريس :o..
طبعاً تعرفون الياريس قوتها 80 حصان v8 قصدي v4 :o:o..
تقاومت مع فورد v8 << شف كيف الثقة :p..
أنا دعست قبله بكم عامود وبعدين دعس راعي الفورد ;)..
بعدين رآآآآآآآآآح ما شاء الله ما قدرت اشوف اللوحه..
أنا داعس البنزين أخر شئ وهو شكله يمزح معي :(..
بس أنا على طوول وقفت :p..
وطاحت من عيني الياريس :d..
وبس..
تحياتيـ)~
@اكورد وبس@.
^^^^^
طبعا انا اليارس عندي نشيطه اجيب 100 في 13 ثانيه مه انها 84 حصان والسيارة اللي قدرت اطرحها اكسنت تماتيك وديهاتسو الحجم الصغير بس انا اموت باليارس
وعلى طاري صاحب المقطع حاول تطرح الافلون ترى يمديك بس تشجع انت وسو زي ما قالو الشباب
أنا أجيب 100 بـ9 ثواني << تف تف ما شاء الله :d..
الياريس حقتي ماسك بها خط مكه مرتين..
ورايح للقصيم وماشي 200 روحه ورجعه << الياريس ما فيها مثبت سرعه..
وما شاء الله 3 سنوات مشت فوق الـ80 الف
ما شاء الله لا اله إله إلا الله :d..
تحياتيـ)~
@اكورد وبس@.
الله يعافيكم :o
ماقصرتوا كلكم .. وخصوصاً الغالي أكورد مجنونة كفيت ووفيت
اللي عنده اضافة لايبخل
آكورد مجنونه ..,
عداك العيب واللاش وكلش .. آلحين وشوله آوضب القير عقب كل قومه ...؟,
الله يذكر السيفيك بالخير بص ..!, ياما N و D وما فيها الا العافيه والمكينه الدافيه .. :d ,
آفتنا تكفى .. وغير كذا يصلح آردها من N إلى 1 ..؟,
وبآسآل يرحم والديك تكفى .. آلحين طرحة"تنزيل" الموتر تفرق واجد ..؟,
ولا ما هنا زود ..؟,
وهل فك المراتب سهل ولا صعب ويبي له وقت ..؟,
يعطيك الصحه والعافيه ..,
طبعا اخوي لاحظ سيارت السباق تلاقيها لاصقه في الارض وكل كانت السياره قريبه من الارض كل مااصبحت اكثر رساوه وسهله التحكم في المنحنيات والنعطفات ...
فك المقاعد 4 مسامير لكل مقعد وطبعا مولازم كل ما طلعت تفكها احنا كنا نفكها لان السياره كانت معدله كليا ومهيئه للسباق ...
حبيت أضيف نقطه لا تزيد ضغط الكفرات مررره لأنه مع الحراره والاحتكاك يزيد الضغط
وناظر الضغط الأقصى على الكفرات وحاول تكون أقل (أقل شي) 4 psi
مثلا كفر ضغطه الأقصى 40 psi لازم ماتقرب له علشان الكفر ماينفجر وحتى لو حطيت 38 يمكن يزيد الضغط مع الحرق والاحتكاك وينفجر عليك الكفر وانت مسرع
بالكثير للمثال الموضح 35 psi واقل شي 30 psi
ويكون العيار أصلي وشغال مضبوط
ملاحظه :
كل شركه ونوع من الكفرات يختلف الضغط الأقصى للكفرات
طبعا اذا وصلته ونويت تعديه راح ينفجر
طبعا فيه خطوره اذا كنت زايد الضغط والطريق فيه حفر والخ...
شغل فليشر اذا فيه أحد يتفرج أو الخ... احتياط فقط اذا كنت كنت مطفي النور الأمامي
وسم بالله واتوكل على الله
وجهة نظري
وفي ناس يقولون بعض المرات اشوف الاكورد قويه وبعض المرات ضعيفه والسر كله في غيارات القير لذلك
عندي اضافه بسيطه على كلامي وهو قومه الخط أي من الاربعين او الخمسين فمن خلال تجربتي مع الاكورد حاول انك تسوي هذي الحركه وهي انك لما تهدي السياره طبيعي انها ترجع الى نمره عكسيه ولكنها تكون هادئه أي بمعنى انها ما ترجع الى الثاني او الاول والدليل صوت المحرك ما يكون عالي عندها دوس فرامل الين يرجع الاربي ام ورجع القير الى d3 ورجعه d في نفس الوقت في هذي الحاله صوت المحرك بيزيد ويرجع الى نمره قويه وبعدها تعال وشوف العزم كيف
او انك اذا كنت جنبه حاول تهدي الين ترجع السياره الى ال30 بكذا يرجع القير غيارعكسي تلقائيا حتى لو كان قدامك وبعدا دوس البنزين وشوف
علشان كذا دائما نلاحظ الاكورد في بعض الاحيان بطيئه جدا وبعض المرات قويه جدا
وشكرا لكم اخواني
شوف يا طيب لازززززززززم تعرف قدراتك وقدرات سيارتك زين حتى تقدر تسبق وشوف السيارة الي بدك تسابقها فوزك قدام خصمك يعتمد70% على السايق والباقي على السيارة
1 لاتخلي المنافس يقوم قبلك باي حال من الاحوال خاصة في المسافات القصيرة
2 لاتستعمل الكيك داون قبل ما توصل السرعة 70 واذا دعست الكيك داون لاتشيل رجلك او تخفف الدعس الا اذا الموتر يرح يفصل
3 لا تنسا بعد 120 انك ترجع القير d3 حتى تاخذ عزم اقوى وبع ما توصل السيارة اكبر عزمها ترجع d مع متابعة الدعس على البنزين بقوة
4 قبل النهاية ب 100 متر ارفع رجلك عن البنزين نص رفعة وادعس للاخير بس ثبت الطارة بقوة
5 لا تناضر سيارة المنافس ركز على الطريق
6 لامانع من مضايقة المنافس قليلا
7 اذا احتدت المنافسة لا تفكر بالخوف ابدا
طبعا مع تمنياتي للجميع بالسلامة
انا سيارتي اكورد v4 2004 والسيارات الي سبقت بهذي الطريقة الكامري لومينا v6 اوميغا v6 تريل بليزر اكورد v6 2008 مرسيدس 320 التيما 2.5
واولا واخيرا التوفيق من عند رب العالمين
ودمتم
بالمناسبة السرعة والللة مو زينة والمنافسات هذي تهلك الموتر والمشكلة قطع الاكورد بلا فخر غالية والشكر لعبداللة هاشم:d والحمدللة على نعمة الصحة وقبل لاتسابق وتهدر صحتك وحياتك زور مستشفى التاهيل وشوف مصايب الحوادث وكثرة الشباب على الكراسي المتحركة
اللهم اهدني واهدي جميع السائقين قولوا امين
شكلك انت سيارتك قير عادي صح ولا لاأنا أجيب 100 بـ9 ثواني << تف تف ما شاء الله :d..
الياريس حقتي ماسك بها خط مكه مرتين
ورايح للقصيم وماشي 200 روحه ورجعه << الياريس ما فيها مثبت سرعه
وما شاء الله 3 سنوات مشت فوق الـ80 الف
ما شاء الله لا اله إله إلا الله :d..
تحياتيـ)~
@اكورد وبس@.
ماقصرت يالغالي .. بس ممكن تعلمنا وش هو الكيك داون :d ؟!
ههههههههههههههههه صحيح ان معي اكورد لاكن مع احترامي لها بقره عزمها حلو بس مو حقت مقاومات
قوييييييية .. خخخخخخخخخخخ :d
يعطيك ألف ألف ألف عافيه أخوي أكورد مجنونه وماقصرت
احم ... ياكثر ماقمت على افلونات وجيوب ربع مادري البعض منكم مستهين في الهوندا v6 قوة جبارة بحق والله هذا وهي بدون تعديل كيف لو بتعديل ؟؟؟؟
صباح الخير
ترى اذا نريد تجرب ما عندك مشكلة
:d
هههههههه هين جيوب الربع العب فيهم لعب :p
لكن الافالون غريبه .. اتوقع اللي جرب معي معدل
اول شي ماني حق مطارح وقومات وكذا
بس احياناً تتحمس .. وأحياناً ناس تنشب لك :d
زي أفالون وقـفني يقول تجرّب ؟
قلت لا ويين افالون :d
قال وش المشكلة كلهم 6 سلندر
قلت دامك ملزم يالله ،،
المهم ماودي أكمل وش صار بعدين .. مدري الافالون قوية لهالدرجة او انها مرهمة إلى الليل :d
قام علي وفي الخط بعيييد عني ،،
لا والله طلعت المقولة صحيح ان راوعي الهوندا ناس خلوقين و محترمين مؤدبين كمان :o
مثل حالتي :d
انا مانيب راعي مقاومات ولا شي ومثل ما قلت ساعات تتحمس وساعات ناس تنشب لك :d
ومن ضمنهم:-
واحد راعي ألتيما 6 سلندر يقول تقاوم معي
مرسيدس clk سته سلندر مصر انه يقاوم معي
بزر ماخذ سيارة ابوه كابرس رويال يقول تقاوم معي ؟!
تخيل سيفيك مع هذول كيف يكون موقفها :d
لكن شنسوي ,, ما نبي نكسر خاطرهم و نقول لهم لا
خلهم يستانسون و يناقزون فرحين سعيدين :d
للأن في النهاية انا ما راح اتسفيد شي من الشغله
معا اني عـادي اطلع قومات لكن مش اني واثق 100% اني بطلع على الخصم و اقول له بطلع معاك
ويا ثامر اذا كان الافلون معدل ,, فحطه في القائمة اعلاه
واذا كان مهب معدل فحتمال طريقة القومه انعكست سلبيه عليك
و اهنييك يا بطل
----------
و اخوي راعي الأكورد الـ 4 سلندر الي طرح اكورد 6 سلندر و لومينا 6 سلندر و السيارات الثانيه
- جب دليل عـلى كلامك هذا ؟! ( فيديو)
- ماهو السبب في طرحك هذي المواتر ؟!
اذا لم تتوفر الشروط اعلاه
فـ شف لك مسجل قريب منك وشغل ابو بكر سالم
عنده اغنيه يقول في مطلعها
عادك الا صغير بدري عليك الهوى
اسمعها دائما وراح تطلع عليهم مثل اللوز الايز
تبغوا كلمة الحق
الاكورد سيارة حلوة وراسيه وجودتها عاليه وتعيش معك
بس مقاومات معليش مره ماتنفع
ثقيلة جدا بما فيهااااا ال 6سلندر
كل السيارات الي في فئتها احسن منها
اوريون التيما مازدا
تحياااتي
ضوابط المشاركة
رد مع اقتباس
مواقع النشر (المفضلة)