الى كل اعضاء نادي محبي هوندا ....

**بو حمد** · 24-07-2009, 05:30 AM

السلام عليكم شباب ...

يعطيكم الف عافية على الجهود الجبارة في المنتدى ،

معاكم اخوكم بو حمد من البحرين ، انا طبعا من الزوار المترددين على المنتدى ، وسبق لي انا شاركت بموضوع في الفترة السابقة ...

طبعا ما ابي اطول عليكم ، بس بصراحة اخواني حبيت اخذ رايكم في بعض الامور المتعلق بالسيارة

قبل كل شي هذي صور سيارتي

شباب الله يخليكم ، حبيت اسمع نصيحتكم ومساعدتكم

1- حاب اني اغير جنوط السيارة وابي اركب مقاس 18 وايكون الجنط اسود

2- مقابض الباب النيكل

3- الشبك النيكل

4- اسطبات خلفية

طبعا للمعلومية انا سيارتي هوندا كوبيه 4 سلندر موديل 2008

اتمنى من الاعضاء انهم ما يبخلون على بالنصيحة والمساعدة ، خصوصا بالنسبة للاعضاء المقيمين في المنطقة الشرقية،

وللعلم اني متواجد بصورة يومية في الخبر (( بحكم الوظيفة )) اتمنى انهم يتواصلون معاي على ارقامي..

السعودية (( 0569239001))

البحرين ((0097339440502))

ومشكورين ويعطيكم الف عافية ، وسمحوا لي على الاطالة ..

اخوكم ابو حمد

**slaitr** · 24-07-2009, 06:00 AM

بالنسبه لي ركب مقابض النيكل وشبك النيكل وبس وتطلع

**بو حمد** · 25-07-2009, 05:46 AM

مشكور اخوي على المرور

بس وين بقية الاعضاء

**Y.k.A** · 25-07-2009, 05:58 AM

^ ^ ^

مشاء الله
الله يعطيكـ خيـرها ويكفيك شرها

وين الله يجزاك خير الحين الساعة 6:00 ص والمنتدى مافية احد

* غريبة الجنوط وراها تختلف عن الي عندنا في السعودية

* وانا شاء الله الاعضاء راعيين الكوبيهاااات يفيدونكـ

**abu khaled** · 25-07-2009, 08:23 AM

^^^
الجنوط ما تختلف هذي جنوط 4 سلندر

**بو حمد** · 26-07-2009, 03:25 AM

شباب ياريت اتدلوني على محل النعماني اللي بمنطقة الدمام

**كوبيه 0707** · 27-07-2009, 04:09 PM

اولا يعطيك خيرها ويكفيك شرها ..
ثانيا انصحك بجنط مقاس 19 يكون اسود واطراف نيكل
وتظليله كاتم
ورش الشبك اسود والانوار الخلفيه اسود

وحتدعيلي..:d

**Crazy Man** · 27-07-2009, 05:33 PM

الله يعطيك خيرها ويكفيك شرها

بالنسبه لمقابض النيكل انا معاك 100% وبالنسبه للجنوط زي ما قال اخوي كوبيه 0707 ركب جنوط سودا وبتطلع اووووووووووووكي

وشكررررررررا

**لعيونها** · 27-07-2009, 06:57 PM

رش الشبك النيكل اسود لون السيارة ونفس الدرجة
والجنوط مثل ماقالوا لك الأخوان اسود باطراف نيكل
والمقابظ نيكل .. والتظليلة اسود .. والأنوار الخلفية بأغطية سوداء
ولو تكمل على اللوحة الأمامية وتخليها طويلة تطلع

لأني أشوف سيارات بحرينية كثيرة عندنا بالشرقية لها لوحات طويلة شكلها روعة

والنعماني مكانة بصناعية الدمام ( الخضرية ) على الشارع المؤدي لسيهات القطيف
والوصف كالتالي : بحكم انك أحد أشقائنا البحرينيين أكيد تعرف مكان في الدمام اسمه
( الحياة بلازا ) لأنه مكان محبب للتسوق وخاصة من أحبابنا البحرينيين الأعزاء ..
لهذا عندما تشاهد الحياة بلازا أمامك في الجهة اليمنى وانت واقف عند الاشارة
ويكون على يمينك ويسارك محلات بيع اكسسوارات سياراة وتنجيد وجنوط ..
بعد الاشارة هذي خذ يسار .. واطلع تشوف اشارة ثانية قبل ماتوصل لهذي الاشارة
خذ يمين مع المنعطف يكون على يمنينك محل كبير اسمه ( خشيم ) وعلى يسارك
محل بيع قطع غيار .. انت ركز على الجهة اليسرى ( تشاهده على طول )وبالتوفيق

**ميدو112** · 27-07-2009, 07:25 PM

ما شاء الله تبارك الله
الله يعطيك خيرها ويكفيك شرها

أتمنى يقية الأعضاء يفيدونك ....

**بو حمد** · 27-07-2009, 07:38 PM

مشكورين اخواني (( لعيونها ،crazy man ، كوبيه 0707 ، وباقي الاعضاء )) على التواصل
بصراحة عجبتني اقتراحاكم خصوصا بالنسبة الى للجنوط مقاس 19 الاسود

بس وين اقدر احصل مثل هالجنوط ، انا دورت بشارع التوياتا للاسف مالقيت ..
وقاعد افكر اخذ الجنوط الاصلية من الوكالة طبعا الاسود

اتمنى اذا في احد من الاعضاء يقدر يساعدني في مسألة الجنوط

ومشكورين على التواصل

**أغـار يا هـوندا** · 28-07-2009, 10:08 AM

حبيبي ركب شبك نيكل وزينون ونام
لا تلعب في الجنوط وغيرها نصيحة من مجرب
وأحسن شي أعجبني في السيارة ما شاء الله
هي اللوحة ما شاء الله لوحاتكم مثل لوحات الشعب السعودي
وأخيرا
هلا بأهل البحرين كلهم

**humor** · 29-07-2009, 11:03 AM

ماشاء الله السيارة روعة الله لا يضرك

وأنا منةوجهة نظري أقول ان الجنوط تكون سوداء والأطراف والوسط نيكل بتكون جذابة وملفتة للنظر
والاسطب الخلفي أنا ما يعجبني حق الكوبيه (رأي شخصي) والشبك انتبه تخليه نيكل لأنه إذا كان أسود الشعار حق السيارة نيكل وجاي بالوسط يكون واضح وباين (وهذا أهم شي) أما إذا كان نيكل فبيكون الوجه والشعال نيكل في نيكل ويظيع الشعار (يكون كل شي يلمع ويعكس بقوة)

وفي النهاية أقول ان هذا رئي شخصي وأعتذر عن الإطالة
أخوك / humor

**Accord_Akkawi** · 29-07-2009, 01:43 PM

السلام عليكم بو حمد
انا مصمم چرافيك
وقمت بعمل بعض التعديلات البسيطة
والممكن تنفيذها على أرض الواقع
أول شي
تظليلة 02 للسيارة كلها
ثاني شي
جنوط قياس 18
لونها أسود وحوافها فضي
وهي الأفضل لسيارتك
ثالث شي
تغيير لون الإسطب الخلفي بتجليد وليس تظليل او رش
تــــجــــلـــيـــــد اسود له ثلاث درجات تجده بمحلات الزينه مع التركيب 30 ريال
وهو رائع وليس فيه تعرجات كالتظليل الخاصة بالزجاج
رابع شي
تفصيل ما يسمى بالرمش مثل الصوره التي على اليسار
بماده الفايبر او البلاستيك حسب المتوفر وهو غير مكلف وشكله رائع
خامساً وأخيراً
angel eyes
وهي ما يسمونه الشباب بالأساور او العيون او الحلقات وتكلفتها 400 ريال عند محلات الزينه
والقرار الأخير يعود لك فهي مجرد اقتراحات مني لك وهذا مجرد رأي شخصي

**بو حمد** · 30-07-2009, 05:17 AM

مشكووووووووووور يا اخوي Accord_Akkawi

وبصراحة تصميمك اكثر من روعة وقريب اتشوفونه على ارض الواقع ..

كل الشكر لك وللاخوان الاعضاء على التواصل في هذا المنتدى الاكثر من رائع

تحياتي ، اخوكم بو حمد