الموضوع: عفطه خفيفه حصلتلي اليوم صدت نفسي ×_× ( ما أفضل الحلو )؟! <<< وضعت صور لها

الحمد لله ع السلامة

أول شيء ودها عند واحد عنده جهاز شفط الصدمات الخفيف عشان يرجعها زي ما كانت ~

ثانيا خذ خرقه نظيفه وحط عليها شيء قليل من زيت الفرامل وامسح المكان اللي فيه الحكوك وان شاء الله بترجع وكالة جرب وشف

أنا قد حصلي تقريبا نفس الحكه يومها دقيت في " حاويت القمامه " الله يكرمكم :d وما حصل شيء رحت كار ووش وسوالي شفط خفيف وماعرف يشيل الحكوك اللي فيها قمت رحت البيت أخذت شوي من زيت فرامل موتري ومسحت الحكه جيداً والحمد لله رجعت وكالة

اخوي الشغلة ما تسوى انك تصبغ الرفرف كامل وبالذات أن اللون بيتغير أنا اقولك سوي لها تنقيط احسن لك عشا لا تصدي !!

Accord Loly
الله يسلمك ^_^
يعني لازم شفط ! ماينفع تنضغط من الجها الأخرى ؟
وشكرا أخي على أهتمامك لما حصل لي

TOP MAN
أذكر مره شفت أكورد بيضا منقطه في الوكاله
بالمره شغلهم مضروب ×_× ,, لأنهم يحطو البويه في قطنه ويطبطبوها على السياره ×_×

.
أرجو تعديل عنوان الموضوع ألى :
عفطه خفيفه حصلتلي اليوم صدت نفسي ×_× ( ما أفضل الحلول )؟! <<< وضعت صور لها

وعليكم السلام ورحمة الله .......
أنا أشوفها عادية والحل سولها تلميع وبعدها لقط مكان قشع البوية وخلها كذا وبعد فتره راح تنسى ......

يا جماعه أنتو الى الآن ماوصلتلكم الفكره


أنا أبي محل مثلا يقص البويه زي كذا

وبعدين يصيغ الي قصه ,, مو طنقيط

مافي محل زي كذا ؟!

مع ان الصورة مالها اي داعي لكن معليش معليش .. بس اشوف شغلي في الفوتوشوب ينفع ولا لا :o




الحمدلله عـ السلامة اخوي ادمرال

و ان شاء الله تعديلها سهل

ودها الى ورشة محترمه راح يطلع لك الفشخه و اعطيه رقم البويه على شأن ينقطها لك و ما انصحك بالرش للأن اذا رشيته راح يرش لك الحكه + المنطقة المجاورة لها و مع مرور الزمن راح يتغير اللون الرش جزئيا عن اللون الأصلي
ولكن لا يلفت الإنتباه ,,, لكن انت بتفرق و بذات اذا انت من الي ينظفون السيارة بكثره
-----------
او انك تـخليها تولي ,,, حط عـليها استكر خفيف لطيف بحيث انها ما تبين


;)

الف سلامه والله اخويه ادميرال

الحمدلله على كل حال

من وجهة نظري الشخصيه

اتركها كما هي

فهي ليست بالدرجه الكبيره من السوء

عندي دقه في الصدام الخلفي اول ماطلعت السياره وتركتها كما هي

لأنه في بلدنا دي الواحد مايسلم من دقه أو حكه خصوصا من السواقين المحترفين المنتشرين في بلدنا الغالي

واذا كل حكه ودقه راح نصلحها كنا قضينا معظم وقتنا في الصناعيه

الف حمدالله على سلامتك مره اخرى

وان شاء الله تكون اخر الدقات والحكات

شكرا

أبو الريش
شكرا على التعديل :d
يبيلي آخذ الصوره وأوديها للورشه << أشان يعرفو أيش يسوو بالضبط , :d

و ما انصحك بالرش للأن اذا رشيته راح يرش لك الحكه + المنطقة المجاورة لها

طيب مايقدر يستخدم ذكائو شويه ويحط ورقه ولا نايلو حولين الحكه

memories
الله يسلمك ,, وترى كنت أسير بسرعه قد تصل ألى 3 كيلو متر في الساعه
وصحيح هي مهي بذاك المنظر القبيح
حتى اليوم لمن صحيت وشفتها قلت في نفسي كنت أحسبها أكبر من كذا , لاكن برضها مضايقتني ×_×

احس حرام ترشها عشان هذي بسسس

يرشلك الحكه اذا بغيت ويرش باقي الرفرف لكر وبس ولاكن على حسب شغل الورشه اذا رحت لورشه محترمه بيضبط لك الشغل اذا انت بالدمام ارسل لي خاص واذا انت بر الدمام ان شاء الله الشباب يفيدونك

^
أنا حالياً في الرياض
ويفضل المكان مايكون في الغرابي :p

يا رجال خذ نصيحتي

أنا عندي حكه مثلك وبنفس المكان بالضبط ولها 5 شهور ما سويت لها شي
والسبب انو كان عندنا عمال يشتغلون في بيتنا وتعرف البكستاني بعربيته حك الموتر
ويوم شفتها وسوست قلت في نفسي لو اني صادم كان انخرشت ما اذكر اني طلعت بالسيارة
وعرفت انه الباكستاني لأن البوية الخضراء لقيتها متحككه على السيارة ( اعربية لونها اخضر )

فانا اقول لك غسل موترك وستبه عنب والحكة خلها تطرح العين من السيارة

^^^^^^^^^

اخي الكريم شكرا على مداخلتك

ولكن عندي ملاحظه

حكاية انها تطرح العين ما اتوقع لها اي اساس من الصحه

العين حق كما ذكر رسولنا المصطفى صلى الله عليه وسلم ونؤمن بوجودها

ولكن لم يذكر ان الرسول عليه الصلاة والسلام أمرنا بترك اثر او تشويه منظر للحمايه من العين

ولكنه امرنا بتحصين انفسنا واهلينا وممتلكاتنا بالاذكار المأثوره عنه صلي الله عليه وسلم للحمايه من كل شر

شكرا لك واسف لتطفلي

الحمد للهـــ على السلامهــــــ


اللهــــ يهيدكـــ شوديكــ الغرابيـــ بموتركـــــ << يروح مع تكسيـــ


نصيحهـــ خلها ولا تصلحهــــ واللهــ ما تبين بالليلـــ وحتى الصباحــ من هو الي بدققـــ


الحينـ رح عند لمبهــ وشف الحكهــ عاديهــــ


اما صلحهـــ وراح تشوف زي العوجاجـــ


قسم باللهـــ ما تستاهلـــــ التفكير


شف بعطيك نصيحتينـــ


يا انك تخليها

او تغير رفرف << مجنون انتـ

لا جد لا تخرب شكل الموتر برش ولا ادفعـــ على شي يستاهل

^^^^^^^^^^^

مين قال لك انها تبين اعوجاج لا اعوجاج ولا شي <<<< مجرب

اذا انت بالرياض اممممممم اسأل مشرفنا المباشر او احد الاعضاء اللي بالرياض

طيب شباب دلونا على الورش الزييينه

لأن حرام أوديها عند واحد طول عمره يشتغل على هايلكسات ودداسن

^
^
أشرقت وأنورت صفحتي يا تركي

ماي كار أحسهم حيسكوني دبل الوكاله ×_×
معرضهم كله فراريات + حق أميره
فضنتك أسعارهم كويسه ؟

أذكر في فرع عندهم عند مستشفى الحرس أو العيون أوش من هذا القبيل ,,,
بس نقلو المعرض لـ الفرعهم الي عند جامعة الملك سعود
فـ قولتك يعني هذاك الفرع و ورشته للآن شغاله ؟

زي ماقال اخوي

AcCo7rD

انت روح المحل واسال السوري كيف تتصلح العفطة وعطه اقرب مخرج >> انا مشغول الحين ابجيكـ بكره الصباح ;)

لمعها وحط عليها بويه نفس الون وبتنساها صدقني

آخر الأخبار

الوكاله يصلحولي هيا بـ 1000 ريال :( وتاخذ يومين

my car يصلحونها بـ 1400 ريال وتاخذ عندهم من 4 - 5 أيام
<<< كنت متوقع أن my car أغلى من الوكاله

شباب أنا أحس 300 بالكثير عليها ممتازه
عطونا أسماء هالورش الزينه ^_^

والموضوع بشكل عام للجميع ,,,
يعني للي عنده دقه خفيفه يكون هذا مرجع له

آخوي فيـه ورشـه حلوهـ وآسعآرهم مقبولـه وشغلهم آوكـــــي

مكآنهآ الصنآعيـة القديمـة مخرج 17 عنـد ميزآن اليرموك آسمهآ التضآمن .. وفيـه ورشـه آسمهآ وفآء بس غآلين الصرآحـه...شف السيآرآت الي عندهـم كلهآ جديدة وتبي تدعيلي آن شآء الله

ورشه ارناج بالرياض انا راش عندهم سيارتي شغلهم مظبووط راسلني عالخاص اذا بغيت الوصف