[ تقرير ] تركـيب شاشـة Still Cool على الأكـورد 2009

**M i c a - A c c o r d** · 12-08-2009, 05:24 PM

بسـم الله الرحمن الرحــيم

السّـلام عليــكم و رحمة الله و بركاتهــ ..,, شحآلكـم أعضــآء محبي هـوندا .. عسّـآكم طيبين ان شاء الله ؟؟
اليوم مجهّز لكم تقرير عن الشاشة اللي مركبها و عسى أن يرضيكم بإذن الله ..

[ تقرير ] تركـيب شاشـة Still Cool على الأكـورد 2009

|| أولاً : عن أي شاشـة أتـكلم عنها؟؟ ||

|| ثـآنيـاً : الممـيزات في الشـآشــة ||

شاشة لمس تعمل بنظام ( Two-Din ) و معنى ذلك انها ليست شاشة خاصة فقط لعرض DVD بل هي تعمل كنظام تلفـزة يسمح لك بتشغيل الـ TV فيها
مدخل USB و شريحـة ميموري ( SD )
يقبل تشغيل Divx/DVD/VCD/CD/CD-R/MP4/MP3/Rw و ملفات الـ Avi بشكل خآص
مستقبل AM/FM داخلي (اختياري)
امكانية التحكم في جهاز DVD/VCD/CD changer (اختياري)
ديجيتال TV ، يقبل تشغيل نظام التلفزيون المتطور اللي تم تشغيله في قطر و قريبـاً بالإمارات
ضد الصدمات الكهربائـية
نظام RDS ، يعني استقبال معلومات ترددات قنوات الـ FM مثل اسم المحطـة الإذاعية (اختياري)
كاميرا رجوع خلفية ماركة SONY تركب مكآن لمبات الأرقام و تحوي على لمبة أيضاً
ريموت كونترول سهل الاستخدام
نظام بلوتوث داخلي مع تنظيم الاتصالات
GPS داخلي و خآرجي ( أنا طلبت انه يكون خآرجي أفضل )
التحكم عن طريق الدركسون
نظام IPOD
قائمـة متعددة اللغـآت (العربية،الإنجليزية،الفارسية ... و غيرها)
و غيرها من ميزات في طور الإكتـشـاف!

ملاحـظة: النقاط باللون الأحمر تعني اني استغنيت عنها لعدم حاجتي لها!

|| ثـآلثـاً : لمـاذا اخترت هذه الشاشــة؟؟ ||

السبب بسيـط و هو قد يختلف من شخص إلى الآخر .. أنا من الأشـخاص الذين لا يحبون الاستغـناء عن شاشـة الوكالة و قد أشعر بالغصـة اذا تركتها و ركبت بديل رخيص. مع ان هنالك العديد من الأنواع و خاصـة الشاشة الشهيرة Road Rover، و التي تتميز بعرض جميـع الخيارات مثل الراديو و المكيف الإلكتروني في الشاشة!

أستطيـع تلخيص الأسباب في النقـاط التآليـة:

لا أحتاج إلى استخدامها دوماً و خاصـة في قيادتي إلى أماكن قريبـة، لذا لا داعي لتشغيلها
شاشة الوكالة أوضح في عرض الوقـت و معلومات أخرى مثل المكيـف و لا تحتاج إلى وقت حتى يقوم النظام بعمل الـ Load
شاشة منفردة تماما عن السيارة، لا حاجة للقلق فيما يخص بأمور الوكالة
واضحـة جداً، و سهل التحكم بـالـ Brightness
تكلفـة رخيصة مقارنة بالشاشات الأخرى
مطيعة و تقبل تركيب أي برنامج خرائط عليها
مخرج الصوت يعمل على نظام AUX و يتميز بالوضوح التآم و بإمكاني فك الواير الموصل إليه في أي وقت أشاء لتركيب مثلا المسجل الصغير Cassette مع واير الـ Line-in

|| رابعـاً : على ماذا تحتوي العلبـة؟ ||

شاشة مقاس 7" انش
الكاور بالأسفل مخشّب
كاور الشاشة في الأعلى
أسلاك توصـيل
لاقـط الـ GPS
الكـاميرا مع أسلاكـها

|| خآمسـاً : ملخص سريع عن خطوات التركيب ||

بالنسبة لتركيب الشـاشة:
- فك الديكور
- فك السدة السفلية
- اخراج شاشة الوكالة و تركيبها في الكاور المخشب
- تركيب الشاشة الجديدة بالأعلى
- توصيل لاقط الناف و تركيبه باستخدام 3M حتى لا يتحرك من مكانه
- تركيب الكاور المخشب بالأسفل الذي يحتوي على نظام DVD و زر الناف
- ارجاع الديكور بعد تسليك وايرات الكاميرا
بالنسبة لتركيب الكاميرا:
- فك تلبيسة الشنطة
- اخراج اللمبة اليسارية و تركيب الكاميرا التي تحوي على لمبتان
- تسليك الوايرات من الشنطة إلى أسفل مدخل السيارة ثم إلى كاور الشاشة

|| سادسـاً : خطوات التركيب بالصـور ||

|| سابعـاً : تصوير الشاشـة ||

|| ثآمنــاً : معلومات سريـعـة ||

السعر: 3600 درهـم شآمل (الشاشـة + الكاميرا + التركيـب + خرائط محدّثـة + أماكن الرادارات الثابتة في الإمارات)

زمن التركيـب: من السـاعة 9:30 حتـى 10:25 صبآحـاً (سـاعة كاملـة)

التقـييم:
الشاشة: 9/10
التركيب: 8/10 (لأنه واجهتم بعض المشاكل في فك الديكور)
الجـو: 1/10 (رطوبة و حرارة تتعدى 38ْ و بالصبـح !!)

هل عانيت من مشآكل؟ حتـى الآن جوابي هو لا و ان شاء الله ما أبتلي فيها ;)

أتمنى إن التقرير أعجبكم و هذا اللي قدرت عليـه.

أخوكمـ M i c a – A c c o r d

عند الرد على الموضوع الرجـاء عدم اقتباس المشآركـــه !!

**hamato0o 6050** · 12-08-2009, 05:53 PM

يااااهوووو مقدرر ع الحركااات هذي الله يعطيك خيرها ويكفيك شرهاااا
ممكن تقولي في اي محل بدبي

**7boob** · 12-08-2009, 06:20 PM

ما شاء الله عليك اخوووي

الله يعطيك خيرها ويكفيك شرها ...

انا خلاص ركبت شاشه Roadrover

وبصراحه لك عليها شوي .. مرات تعلق ..

والخرايط نوعها تعبااان .. اما باقي المواصفات حلوووه ما عليها كلام

من الصوت والوضوح والدقه ..

وانا ما ركبت الكام .. لأنه بيقص وااير الريوس وخليته لصاحب المحل هديه

بس ما شاء الله عليك اخوووي اول شي تصوير حلو

وشغل احترافي ..

والله يعطيك خيرها ويكفيك شرها ..

وعن السرعه الزايده ... في مكان رادارات ..

والشوارع متروسه ردارات متحركه

**Mr-AlJoKeR** · 12-08-2009, 06:42 PM

ما شاء الله

حلوة الشاشة .. عيبتني الصراحه ..

الله يعطيك خيرها ويكفيك شرها ان شاء الله

7boob

انا عندي الشاشة .. ما فيها اي مشاكل وما علقت عندي غير مرتين او ثلاث لاني انا كنت العب بالشاشة واجرب اشيا شوي صعبة ..

وكيمرة الريوس .. ما يقصون وايرات .. بالعكس ... الوكالة يركبون الحساسات .. لازم يوصلونها على الريوس ..

**Serendipity** · 12-08-2009, 07:03 PM

كل شي حلو, التقرير والشاشة والاهم الكاتب. شكرا لك

**الحظ الميت** · 12-08-2009, 07:14 PM

تقرير رائع والشاشه اروعه

ما شاء الله ... مبروك عليك ...

**abu khaled** · 12-08-2009, 07:17 PM

ماشاء الله ... مبرووك
الله يعطيك خيره ويكفيك شره

**7boob** · 12-08-2009, 08:17 PM

المشاركة الأصلية كتبت بواسطة Mr-AlJoKeR

7boob

انا عندي الشاشة .. ما فيها اي مشاكل وما علقت عندي غير مرتين او ثلاث لاني انا كنت العب بالشاشة واجرب اشيا شوي صعبة ..

وكيمرة الريوس .. ما يقصون وايرات .. بالعكس ... الوكالة يركبون الحساسات .. لازم يوصلونها على الريوس ..

على كلام راعي المحل قالي لازم نقص

مع اني قلت بخاطري ترا الوكاله ركبت لي الحساسات ... فأكيد لعبوا بالوايرات

وحتى في موضوع التلفزيون قالي نفس السالفه ..

والله ما ادري هاللي ركبه لي ما يعرف ولا ما يبا يسوي بالاساس

ومن ناحيه التعليق .. بصراحه تعلق لي مراات يوم ادق Aux وعقب Cd وعقب Fm وعقب ارده Aux مال بسرعه بسرعه والشاشه ما تستحمل اضغط عليها والرام شكله شوي تعبان .. فتعلق
ومرات تعلق لي يوم اطوف بالخطوط الصفر اللي تارسه الشارع والموتر يهتز وعلقت(بس مره وحده علقت لي على هالموقف)

وما ترد عادي الا يوم ابند الموتر وارد اشغله

بس بغيت اتخبرك ... بكم ركبتها .. ووين .؟؟

**King** · 12-08-2009, 08:20 PM

جزاك الله خير على هذا التقرير الرائع

يثبت لمدة 10 أيام + إضافة الموضوع بالفهرس

**amer09** · 12-08-2009, 08:29 PM

ما شاء الله
ا
لله يعطيك خيرها ويكفيك شرها

تكسرها بالعافية

**gogo** · 12-08-2009, 09:55 PM

بسمه تعالى :

مبارك عليك الشاشة المتطورة و حقآ تطورت صناعة الشاشات و قلت الأسعار عما هي بالسابق ...و حركة عدم إزالة الشاشة الرئيسية و وضعها أسفل الكونسول تعتبر علامة فارقة قل أن نراها بالنسبة لتركيب الشاشات الاخرى ...و قد أبهرني وضوح و معالم الشاشة و التي تبدوا مميزة و جميلة بجميع الوجوه ...و عذرآ لو تكرمت أخي الكريم بالإجابة لبعض من الأسئلة و التي ستساعد على طمأنة المقبلين على هذه النوعية المميزة من الشاشات شاكرآ حسن تعاونكم و كرم أخلاقكم :

هل يوجد مقياس لتغيير لون و خلفية الشاشة ؟

هل يتم التحكم بوضع برنامج مستقل لضيافة القائد و أعني بذلك التحكم برسائل الترحيب كظهور welcome أو علامة هوندا بعد تشغيل الشاشة ؟

أنتينا الشاشة هل يتم لصقه بالزجاج الأمامي أو يعتمد على نظام الوايماكس لإلتقاط البث الرقمي أو الفضائي ؟

هل يتم إيقاف عمل DVD الشاشة بعد تعدي المركبة سرعة معينة كنظام أمان لقائد المركبة ؟

هل يتم التعرف على درجة الحرارة و حالة الطقس إن أمكن حسب برنامج معد سابقآ أو يتم التحديث تلقائيآ حسب وضعية الشاشة ؟

و أخيرآ ..ما هو شعورك و أنت تجول بشوارع دار الحي بدبي و الشاشة بكامل أناقتها و رونقها و أنوار LED الفخمة ؟ يبدوا بأن أصحاب الرنج و المرسيدس و البي إم تحولت أعينهم عليك لرؤية نجم هوندا يسطع بكامل أناقته و فخامته ليكسر جبروت و سلطة الفخامة لضيف جديد خارج القائمة :d ...و شكرآ.

**مالك الأكورد** · 12-08-2009, 10:27 PM

^
^

ههههههههههههههههه عجبتني آآآآخر جمله ..

اخوي mica ..

ياليت يالغالي تذكر لنا كيف ومن وين طلبتها ..

وكيف اقدر اطلبها أنا .. موقعي الشرقيــة ..

صراحه عجبني فيها اهم ميزة اني ما أستغني عن الشاشه الصلية .. هذي لحالها تكفي ..

تسلم ع التقرير الأكثر من رائــع ..

**حبيب هنادي** · 13-08-2009, 12:43 AM

,’,’,’ ماشاء اللهــــــ ,’,’,’

,’,’,’ قمهـــ الروعهـــــــ ,’,’,’

,’,’,’ وانشاء اللهــــ تتهنا فيها ولا تواجهــ مشاكلــــ ,’,’,’

,’,’,’ مبروكــــ ,’,’,’

**اعطوني عين** · 13-08-2009, 01:07 AM

يامال التوفيق ياخوي جهد يذكر فيشكر

**الزيادي النفيعي** · 13-08-2009, 02:10 AM

الله يعطيك من خيرها ويكفيك شرها

**almaster** · 13-08-2009, 02:26 AM

مبروك عليك الشاشة وصراحة هالشاشة من أفضل أنواع الشاشات اللي شفتها بالمنتدى يعني مافي لعب بالسيارة كشركة ...... يغير لك المسجل كامل ويشيل لك الشاشة الأصلية يعني هي وجهة نظر لانه ممكن بعض الشباب حابين يكون الدرج موجود وكل واحد ينام على الجنب اللي يريحه عموما تشكر على التقرير والتصوير الأكتر من رائع

وياريت ترد على أسئلة أخونا gogo

تقبل مروري اخوك almaster

**ن ع ر السعودية 0005** · 13-08-2009, 11:31 AM

ما شاء الله تقرير رائع من شخص رائع وتصوير أحترافي ما شاء الله وشاشة مميزة تكمل وتعطي منظرا من الفخامة بس باقي ما صورت لنا كيف الكاميره من الشاشة ومن الخارج ..... الله يعطيك من خيرها ويكفيك شرها .......

**Hulk 2020** · 13-08-2009, 01:52 PM

السلام عليكم ..
كيف الحال اخوي ؟؟
بصراحه الشاشه عجبتني مره وانا معزم اركب نفسها للآكورد الكوبيه ..
سؤالي : هل هي نفس الشاشه تركب على اكورد كوبيه ؟؟ و وين المحل بالضبط

**M i c a - A c c o r d** · 13-08-2009, 02:25 PM

كل الشـكر لمن قآم بالـرد على الموضوع ..

بالنسـبة للسؤال اللي تردد أكثر من مرة عن مكان المحل .. أنا ركبته في إمارة الفجيرة في محل الأطلال للزينة عند شارع حمد بن عبدالله جنب السفـير ..

طلبه لي طلبية من دبي .. و تقدرون تحصلونها في دبي او الشارجة .. و بالنسـبة لدبي .. أتمنى أخوي الجوكر يساعدني لأنه من دبي ..

@gogo :

بالنسبة لأسئلتك ..

1) القائمة الرئيسة للشاشة هي عـادية و تحوي على خياراتها من مثل USB, Video, settings إلخ .. و أعتقد انه تقدر تغير الخلفية و اللون .. بس ما جربتها .. و ان شاء الله بحاول اشوف و ألعب بالـ settings .

2) بصراحة ، اول ما اشغل الشاشة تظهر شاشة زرقاء و من ثم يعمل load و بعده يدخل على القائمة .. و بالنسبة لعلامة هوندا فهي تظهر عند تشغيل الأفلام أو مقاطع الصوت أو الفلاش ميموري .. و هذه صورة:

3) نظام داخلي لا يحتاج إلى أنتيــنا خارجي .

4) لا .. و هذا الفيديو يكفي للرد على سؤالـك :

[ame]http://www.youtube.com/watch?v=EU719yBq-LQ[/ame]

5) لا .. أعتقد ان الشاشة تحتاج إلى sensor خاص عشان درجة الحرارة .. و بالنسبة لحالة الجو لازم يكون مرتبط بأقمار صناعية او حتى Wireless Internet.

6) هو بصراحة شعورين .. شعور بفخامـة خاصة انه الـ LED تجذب أنظار الجميع ما شاء الله .. و غير اذا فتحت الدريشة الكل يطالع الشاشة من بعيد .. و الشعور الثاني هو الخـوف من العـــين !!

و تسلم الغآآلي على الرد الطيّب ; )

@مالك الأكورد :

طلبيتها بالنسبة لي كانت سهلة .. لأني من الإمارات و الاختلاف من امارة فقط تبعد أقل عن 150 كيلو .. اذا بغيت أقدر أرسل لك رقم صاحب المحل و تتفـاهم معاه : )

@ن ع ر السعودية 0005 :

هاذي صـورة الكاميرا:

و بالنسبة لتصوير الشاشة أثناء الرجوع للخلف .. ان شاء الله المغرب أصورها لك عسب تكون أوضح !!

@Hulk 2020 :

نعم هي نفسها .. مافي اختلاف بين السيدان و الكوبيه من الداخل من ناحية ديكور الشاشة ..

و المحل بالفجيرة و ذكرته بأول ردي هذا ..

صورتين اضافيتين ..

و دمتم بحفظ الرحمن

**المباشر** · 13-08-2009, 02:59 PM

ماشاء الله تبارك الله

تصوير ممتاز وطرح رائع وتجاوب منك على الأستفسارات بشكل أورع

بارك الله لك في الشاشة ويعطيك خيرها ويكفيك شرها

**K.H.A.L.I.D** · 13-08-2009, 04:28 PM

هلا بديار زايد

الف مبروك يابعدي

بس يبيلها تصوير بالليل ولا ~

وسؤال برا الموضوع
وش نوع جوالك؟
يارب يكون نوكيا بس

الله يعطي العافيه على هالتقرير وهالمجهود وهالتنسيق
غير الشاشه والتعب

موضوعك يفتح النفس ...}

**مجنون اكورد 07** · 13-08-2009, 04:29 PM

ما شاء الله تبارك الله الله يعطيك خيرها ويكفيك شرها والله يهنيك فيها ويبعدها عن الخرابات :d

**المميز** · 13-08-2009, 04:39 PM

مبرووووووووووووووك

وعقبالي انا وباقي الاعضاء

**ماهمه** · 13-08-2009, 11:25 PM

مشاء الله روعة والله يعطيك خيرها ويكفيك شرها الصراحة منظرها مرة جميل والصوت واضح جدا

**false** · 14-08-2009, 12:19 AM

ماشاء الله تبارك الله

الله يعطيك خيرها و يكفيك شرها

الموضوع: [ تقرير ] تركـيب شاشـة Still Cool على الأكـورد 2009

أدوات الموضوع

عرض

[ تقرير ] تركـيب شاشـة Still Cool على الأكـورد 2009

المواضيع المتشابهه

._:-( still cool )-:_. تقرير مصور كامل (ان شاء الله )

للبيـع شاشـة اكـورد 07-03

[ تقرير ] × تــركـيب شآشة Still cool على الــسيفيك 2009

ســاعدونـي فـي أسعــار الأكـورد 2009 و ريـحوني !!

تقرير : سيفيك 2009 and اكورد 2009 و الألوان الخياليه

مواقع النشر (المفضلة)

مواقع النشر (المفضلة)

ضوابط المشاركة