اخيرا حل مشكله صوت الهواء بعد سرعه 100

**momo** · 02-09-2009, 07:44 AM

السلام عليكم ورحمه الله وبركاته

كيف الحال وش اخباركم

طبعا اذا مو الكل اغلب الاعضاء يشتكي من الصوت اللي يطلع بالسرعات العاليه والصوت يكون واضح بعد 100

تقريبا واحد من اخويانا قال فيه حل وسويته عند محل وراح الصوت معه جمس هو عاد رحنا للمحل انا وخووي قبل

امس وشفنا اللي عندهم وعلمنا وش يسوي وش مايسوي المهم خوي حط سيارته امس عندهم وقعدت نص ساعه ومرني

والله فرق واضح واللي يسوونه هم يشيل لك الـربله اللي على الباب ويحط فيه تسليك مدبل ويرجعها ويوزن الباب

يسويها على كل الابواب الاربعه والمحل شغله كويس وفيه رجال سعودي تحطه ع الجرح يبرى وانا ان شاء الله ابسويها

هاليومين واعلمكم بالفرق

نجي للوصف والسعر

وصف الورشه اللي بيجي من الدائري الشرقي مخرج 16 سيدا اول اشاره عدها ثاني اشاره عدها تنزل من النفق

بعدها يجيك كوبري لاتطلع معه خلك بالخدمه تجيك اشاره رح يسار امش 400متر تقريبابنك البلاد ادخل بعده يمين

وبعدين ثالث لفه او ثاني لفه ع اليسار تجيك على يدك اليسار رابع ورشه هي اسمها المنصور ولهم خبره وقديمه مره

اللي بيج من الدائري الجنوبي بعد ماتعدي اشاره السالم للزجاج اول اشاره يمين بعد بنك البلاد يمين ثاني او ثالث لفه

ع اليسار تجيك الورشه الرابع ع يدك اليسار

سعر الشغل للاكورد الابواب الاربعه كامله من 250الى 300

اللي يروح له يقول له جايك من طرف راعي الكرولا والبرادو اللي جو عندك قبل كم يوم

والا يقول له جايك من طرف عبدالله راعي الجمس وماله الا اللي يرضيه وبينزل له السعر الى 200 ريال

وان شاء الله يعجبكم شغله ويروح الصوت طبعا خوي مركب كفرات تورنزا GR80 والحمد لله السياره

**كوكو2009** · 02-09-2009, 08:31 AM

يعطيك الف عااااااافيه ... بس هل فيه ورشه في جده تسوي ذا الشي..وبنسبه لسعر لو يبي 400 بعطيه بس اهم شي يروح الصوت ...مع اني فكرت اسويها بنفسي بس ماني عارف وش احط بالربله .... وخايف لاتخرب على .

**momo** · 02-09-2009, 08:45 AM

هلا اخوي

انا بجي جده يوم السبت تبيني امر المحل واخذ منه القطعه اللي يحطها وتركبها بأي محل

ع العموم شف اللي يريحك وانا في الخدمه

**slaitr** · 02-09-2009, 08:55 AM

يعطيك العافيه
بس فيه طلب
نبيك تصور باب السياره قبل وبعد

ولا اقولك ليه ماتنزل تقرير

واذا تبي مساعده ولا شيء تراني ساكن على مخرج 16
ولا يردك الا الكيبورد

**مطنشهم** · 02-09-2009, 11:40 PM

مشكور ماقصرت

**gray2008** · 03-09-2009, 12:33 AM

يعطيك العافيه اخوي ماقصرت

بس ياليت توضح اكثر

مافهمت ايش بالضبط اللي يحطه لك في الربله ؟؟؟

هل هي اسلاك مقويه يعني عشان تثبت الربله وتكون قويه او انها قطعه تكون عريضه

ياليت توضح لنا اكثر

ولو تكملها بتقرير مصور خصوصا انك ناوي تسويها نكون شاكرين لك

ومشكور مقدما

**اكورد5511** · 03-09-2009, 12:52 AM

يعطيك ألف عآآآفيه
والوصف سهـل

**Solo** · 03-09-2009, 02:22 AM

طيب وكيف وضع الباب..

يعني هل تحس انه ما ينصك مثل اول على طوول ولا .. شلون..؟

**alolhan** · 03-09-2009, 04:34 AM

اخوي لو تنزل صور بالشرح عشان بعض الاعضاء

مايقدر يجي مثل من جده او الشرقية وصف لهم شكل الربله بالصور

وشاكرين لك اهتمامك في الموضوع;)

**هلالي (اكر)** · 03-09-2009, 06:16 AM

مشكور اخوي ويعطيك العافية
بس الصوت يطلع بسيارتي (اكورد 2009) بعد 140 تقريبا
وياليت تسمع كلام الاخوان وتصور السيارة قبل وبعد

**الهنادي راس مــالــي** · 03-09-2009, 06:20 AM

والله ياحبيبي هذا مع الزمن راح تروح معك وزنية البيبان هذا شيء ,,, الشيء الثاني مع الزمن راح يقل سمك الربل إلي انت مركبه وراح تسمع اصوات اكثر من اول وهذا يعني انك راح تركب ربل ثاني وبديهيا راح تخسر قرنقش <<< (فلوس):d كثيير

وخل الهواء يفجر اذني دامه من الوكاله ولا اخسر نفسي بشغل مو من الوكاله ..

وياليت يعذرني اخوي الغالي صاحب الموضوع بس هذا مجرد رأي لا اقل ولا اكثر ,,,

**اكورد 98** · 03-09-2009, 07:20 AM

شباب ممكن اعرف اسم القطعه بالضبط ؟؟
انا والله جنني هالصوت بعد 100 يطلع لي

وممكن اذا احد يعرف محل في جده ؟؟

**الهوندا معشوقتي** · 04-09-2009, 01:29 AM

هل يصلح على الاوريون

لاني اعرف واحد معه اوريون ويشتكي من الاصوات اللي تطلع بعد ال 140 كيلو

**مجنون اكورد 07** · 04-09-2009, 03:21 AM

طيب ابسألك المحل وش مهنته بالضبط هو محل متخصص بالفيبر جلاس ولا ايش بالضبط وهل في محل بالشرقيه يسويه

**broken-heart** · 04-09-2009, 06:08 PM

يعطيك العافيه اخووي وان شاء الله اروح له قريب .. :d

**Accord_2009** · 04-09-2009, 06:14 PM

ياليت تقرر كامل . .

نبي نشوف الصور . .

قبل و بعد ...

وترى الصوت خلاص شبه تعودت عليه هع

**NaioooFi** · 04-09-2009, 06:24 PM

شكرا لك

**عشقي هنادي** · 04-09-2009, 07:14 PM

الله يسلمك ويعافيك ومشكور ع هالمعلومه

**A R N** · 05-09-2009, 05:04 PM

ودي أعرف وش المقصود [ انه يطلع صوت ] !!

أنا معي كورد 2008 ، وما لاحظت شي غريب ولله ألحمد ؟؟!!

**momo** · 06-09-2009, 04:22 AM

والله للاسف مريته امس اخر الليل ولا امداني والان انا بجده

بالنسبه لوزنيه الباب الباب ماينفك من مكانه علشان تخرب الوزنييهـ

على العموم ان شاء الله اجيب لك تقرير باقرب فرصهـ

**lovar_bandar** · 06-09-2009, 05:51 AM

السلام عليكم حبيت اخبرك اخوي انا كان معي جيب قبل وكنت مسوي صح راح التنسيم على قولتك بس بعد فتره وزنت البيبان كامله والطريقه هو كالتالي يفك الربله ويركب جوى لي مكيف صحراوي بس تاخذون النصيحه مني لاتعملون الحركه علشان مع مرور الوقت تنحاس الوزنيه ويوتسع وتظطر توزن الباب بعيدن صح اانا معي 2008 تنسم بعد ايش اسوي اروح احوس وزنيت الباب وزنيت الوكاله الى خلها كيذا وش زينها عندي خذ النصيحه مني ترى سيارتك جديده لاتلعب فيها كل وشكراً

**م ك هـ 2009** · 09-09-2009, 01:47 PM

السلام عليكم ورحمة الله وبركاته
كاني داخل عند شيوخ
اسف

والله يا اخوان انا اشتكي من نفس الموضوع
واليوم سيارتي بالوكاله عشان صيانه 10000كم
بس مهندس الاستقبال قال بنغير الجلدة الخاصة بالباب
على الضمان
وراح يوزن الابواب
واول ما تطلع من الصيانة ابلغكم
تحياتي لك يا هنادي
والله مشتاااااق

**gray2008** · 09-09-2009, 11:06 PM

المشاركة الأصلية كتبت بواسطة م ك هـ 2009

السلام عليكم ورحمة الله وبركاته
كاني داخل عند شيوخ
اسف

والله يا اخوان انا اشتكي من نفس الموضوع
واليوم سيارتي بالوكاله عشان صيانه 10000كم
بس مهندس الاستقبال قال بنغير الجلدة الخاصة بالباب
على الضمان
وراح يوزن الابواب
واول ما تطلع من الصيانة ابلغكم
تحياتي لك يا هنادي
والله مشتاااااق

واحد من الشباب مغير الجلد مرتين على الضمان ونفس الشي ماتغير فيها اي شي

وعلى حسب كلام واحد ثاني يقول انه سأل عنها وقاله واحد من الوكاله هذي مالها حل حتى لو غيرت ابواب كامله هذي مشكله في التصنيع وحتى وزنيه الباب ماتنفع معاها

**●• Ĵυṡт ḶΟиlẏ •●** · 10-09-2009, 04:22 AM

انا 2009 .. يطلع الصوت بعد 140 ..

اول ماشريتها كنت اتضايق منه
بس الحين خلاص تعودت عليه

لكن اذا فيه شغله تريحنا منه .. حلووو
فـ ياليت اللي مجرب .. ينصحنا قبل نسوي اي شي ..

والف شكر لك مومو ع الموضوع .. ماقصرت ..