برقع هوندا اكورد 2006
السلام عليكم ورحمة الله وبركاته
اخواني عندي استفسار
وش رايكم ايش احسن اركب برقع لسيارتي او ارشها لاني بسافر بعد العيد للامارات وتعرفون الطريق انواع الغبرات والتراب وهل فيه اضرار من تركيب البرقع واذا فيه موضوع بالمنتدى يتكلم عن هذا دلوني
واذا البرقع احسن كم قيمته وين موجود بالقصيم او الرياض
مشكورين
فيه واحد كان يتكلم عن البرقع .. مفصلة في الرياض عند محل اسمه الكثيري او شي زي كذا ؟!
انا افضل البرقع لانه اقوى و يتحمل الحصى و الضربات البسيطة اكثر من التغبيرة و الخرابيط
لكن اذا انت انسان مافيك حيل تفك و تركب و الخرابيط هذه وودك سيارتك تبقى بشكلها .. روح لمحل اسمه " بروفشنال " عنده طبقة حماية مع ضمان 5 او 7 سنوات .. و الطبقة ممتازة << عندي خطة خمسية اني اركبها على سيارتي
هذا عنوانهم بالرياض
الصناعية - حي العويضة
شارع زيد بن حارثة
هاتف : 4956903 - 01
تبي النصيحة لاتركب برقع والله انه مره ارتفعت علي الحرارة بسببه بغيتوالراي لك
انجن كنت مركبه وانا جاي من الدوام اصلاً انا قليل اطالع عداد الحرارة
ذاك اليوم عيني جات عليه واذا هو فوق النص بشوي
على طول وانا في الخط نزلت فكيته <<<الناس في الخط تركبه وانت تفكه
من البلى الي شفته وحرارة السيارة مافيها لعبه
توبه اركب برقع بعد ذاك اليوم
مشكورين على مروركم اخواني
بس والله حيرتوني
اخوي ااح2024 يمكن البرقع اللي عندك فتحات الهواء قليله عشان كذا ارتفعت حرارة سيارتك
اتطلع لمزيد من الاراء .
نصحيتي وهذا انا اللى بأسويه لاني ابروح جده
طبعا ابفصل برقع على لون السياره وازين الفتحات وصلى الله وبارك يطلع عال العال ويحافظ عالوجهيه
لاتركب برقع ولا يحزنون ... اهم شي تدخل الخرج وتمسك خط حرض آخر الليل.
هلا اخوووي كيف الحال ...؟؟
انصحك وبشده انك تفصل برقع .. يفيدك حتى في سفريات ثانية ... انا مفصل برقع تفصيل بطل .. وله عندي سنتين .. وكل ما جيت اسافر ركبته عند باب البيت باقل من خمس دقايق ولا تتعب نفسك وترش سيارتك من هالبويات اللي تخرب الوجه وتشهب البودي ..
سعره البرقع اذا كان تفصيل راايق .. يكلف من 250 الى 300 ريال ..ولا راح تندم .. بس انتبه لفتحات التهوية .. ولا تنسى تفصل للمرايات
شكرا لكل من رد على موضوعي او تفضل بالدخول
شكلي نويت افصل برقع بس وين احسن محل يفصل بالرياض او القصيم
يعطيكم العافيه جمعياً
والله اذا بتفصل ومادري وش بيكف عليك 300
نصيحه اطلب اصلي من النت وان شاء الله اسبوعين وهو واصل عندك
وراسل مشرفنا كوكو كورد لو تبيه واذا ماتبي تطلب عندك الكثيري بالغرابي شغله كويس
شكراً مومو ما قصرت
رح للغرابي بربع ساعة وهم مفصلين لك البرقع بــ250 ريال
ضوابط المشاركة
رد مع اقتباس
مواقع النشر (المفضلة)