شاشة الملاحة في الأكورد مالها وماعليها!!!!

**أكـورد** · 06-02-2007, 06:44 PM

السلام عليكم اليوم راح يكون موضوعنا عن شاشة الملاحه الي هي نيفيجيشن لان صراحه ماشوف احد مهتم بهالموضوع في المنتدى وهو موضوع مهم بالنسبه لنا.

هذي نظام الملاحه الموجود في الاكورد الامريكيه:

لو الوكيل مو عبدالله هاشم كان الحين كل واحد معه اكورد فيها نظام ملاحه:d

طيب حنا ماراح نطمع ونقول نبغى زي الي فوق, نبغى نشوف لنا حل ونشوف نيفجيشن يتركب مكان الدرج الي تحت بس تكون بديكور انيق ومايخرب منظر السياره نشوف أرائكم؟

**الـــظـــل** · 06-02-2007, 10:47 PM

أشكرك أخوي على هالموضوع الحلو ويا ليت يتحقق إللي في بالي و بالك........ لكن الله كريم

**ياسر الشمراني** · 06-02-2007, 11:01 PM

والله انك صااااااااااادق

يجيب الله خير :(

**BLK** · 07-02-2007, 02:02 AM

أهلاً بالمتميز الجديد

على العموم أنا قد قرأت عن الكثير من أنواع الشاشات و أغراض ال GPS

بالنسبة للأكورد الموجود عندنا :

1- تركيب شاشة تخريم
2-شاشة في الدرج <<<<<< محلها مو كويس لأن قريب القير
3- تركيب شاشة ( تكون واقفة = ثابتة ) <<<<< يوم ثاني الله يعينك على سعر الزجاج الي انكسر !!!

هذا بالنسبة للشاشة !!!

أما نظام الملاحة غير مفعل في السعودية بشكل واضح ...

ياخي أنا أعرف ناس كثير عندهم شاشات ملاحة بس ما يستخدمونها ولا عندهم السيدي بعد .....

باقي أقول إن اتوقع إذا بغيت شاشة ملاحة تزيد 10000 ريال ..... يعني ما تسوى من الأساس :d

تخيل أكورد 4 سلندر فل كامل ب 97 ألف ;)

**BLK** · 07-02-2007, 02:07 AM

نسيت ما أقول ....

في نوع شاشات ملاحة يلصق على الزجاج الأمامي و سعره 3500 أعتقد ...

معاه Usb و أعتقد إنه يشغل Mp3 و الشغلات هذي

و ينشبك على الولاعة ....

هذا الي عندي و شاكر لك عزيزي

**The Stig** · 07-02-2007, 09:24 AM

اخوتي ...
انا شفت شاشه تركب محل المسجل فوق يعني تستغني عن المسجل ... وتركب dvd شينجر ...

والبقيه لاحقا

**أكـورد** · 07-02-2007, 05:20 PM

أخ الأنس واخوي الظل مشكورين على ردودكم.

الغالي BLK والله هي انسب الحلول يكون مكانها حلو ولا يخرب شكل الديكور يعني الي تكون واقفه على قاعده هذي ماتنفع ابد وشكلها قبيح ونظام الملاحه لو نشوف نظام ملاحه شغال في السعوديه ويركب على الشاشه يكون حلو لان فيه انواع بدون سيدي تكون عن طريق الاقمار الصناعيه بس تكون تفاصيلها اقل دقه من النظام الي يجي بسيدي يعني يحددلك اقرب محطه واقرب مستشفى ومن هذي الاشياء بس مايجيبلك اسماءالشوارع كلها لانها بدون سيدي تفصيلي وشوف الصوره هذي لشاشه تركب مكان الدرج الي تحت وممكن نوصلها بنظام ملاحه لانها فيها مداخل اتوقع من ورى:

سعرها: 700 ريال

هذي الشاشه اتوقع مناسبه 100% ومكانها صراحه حلو وشكلها بنفس الوقت حلو..خلونا نشوف أرائكم

**الاخطبوط** · 08-02-2007, 12:09 AM

والله أنا مريح راسي من ناحية الـGPS

اخذتلي برمضان جهاز ETEN G500 طبعا هو بوكيت بي سي وجوال و GPS مدمج

البرامج والخرائط موجوده بالنت وبشكل كبير ومجانا وبالتفاصيل الدقيقة للشوارع والحواري بالاضافة لنقاط الاهتمام مثل المطارات والمطاعم والفنادق والمدارس الخ الخ

ماشي معاي تماام وجربته بالرياض والخبر والدمام وقطر والبحرين ومع طرق السفر والخريطة الموجودة عندي هي للخليج كاملة

فيه خاصية التوجيه الصوتي ايضا يعني تقول لك بعد 500 متر لف يسار مثلا بعدين لف يمين وعليها

صوره للجهاز مع التحيه

وهذي الشاشة حقت البرنامج اسمه destinator 6 والبرامج غيره كثير تخير انت بس

طبعا المعلومات والقائمة بالعربي لكن اسماء الشوارع ونقاط الاهتمام بالانجليزي

لو بتكلم الى بكره مابخلص لكن هذا باختصار شديد

وحل اخر اذا معاك جهاز بوكيت بي سي ممكن تشتري لاقط أقمار بلوتوث بمبلغ حول 300 ريال وبيمشي معك

انا اللي حاولت ادوره ولا لقيت شاشة اقدر اوصله بالجهاز بحيث تصير هي النافيقيشن ولكن المدخل صعب القاه والشاشة اللي عند القير لقيتها عند محل عالم السيارات بالغرابي لكن المدخل يختلف ولا لقيت ادابتر بعد

**922** · 08-02-2007, 12:28 AM

السلام عليكم

ماقصرت يالاخطبوط

وانا عندي نفس الجهاز والامكانيات فوق الخيال
واستخدم نفس البرنامج

وكذلك عندي قارمن 276C

جهاز لايعلى عليه وتقدر تعدل الخرايط وتضيف احداثيات وتحفظ الطرق ومسارك
ونفس الكلام ينطبق على البوكت بي سي

انظمة الوكالة محدودة ولايمكن التعديل على الخرايط وفيها اخطاء كثيرة كثيرة نصف الوقت تمشى داخل العماير
يعني اخطاء ب 10 امتار ومالها حل الا بااصدار جديد ولايمكن التعديل والمعايرة بنفسك ومن الكمبيوتر
عكس الاجهزة والبوكت بي سي
هي ممتاز في اوربا وامريكا لكن الخليج تحتاج وقت اكثر ومعلومات محدثة بشكل دائم

تحياتي
محمد

**الاخطبوط** · 08-02-2007, 12:48 AM

يامحمد انت ماتاخذ الا الاجهزه الرهيبه :d

احسن جهازين بالسوق

قبل مااخذ الايتين كان براسي القارمن 276c نفس اللي حاط صورتة ورحت الوكيل دارموجه وماكان بيني وبين الشراء الا شعره على قولتهم

بس يوم شفت الايتين تحولت النية لانه فيه ميزة فك الخرايط (الكراك) وجوال بنفس الوقت اما خرائط دار موجه بـ 800 ريال

**BLK** · 08-02-2007, 04:56 PM

والله الشباب طلعوا خبراء Gps

ليش ما تتحفونا بمواضيع حصرية

**922** · 08-02-2007, 05:26 PM

المشاركة الأصلية كتبت بواسطة الاخطبوط

بس يوم شفت الايتين تحولت النية لانه فيه ميزة فك الخرايط (الكراك) وجوال بنفس الوقت اما خرائط دار موجه بـ 800 ريال

ليش الخساير بس :d:d
فيه مواقع على الانترنت تعطيك اغلب خرائط مدن العالم وبنفس تفاصيل الاصلي وتشتغل بدون اي مشاكل
كل مشكلة برامج ولها حل في الانترنت ;)

BLK

قريباً ..