هل ابيع الاكورد واشتري اكورد نسسها فل كامل

**اكورد 2006 وبس** · 15-09-2009, 05:09 AM

مرحبا اخواني
طرحت لدي فكرة لانه عندي اكورد 2006سبشل يعني فتحة وقير اتوماتيك مطلعها وكالة بيدي وابي ابيعها واشتري اكورد 2006 فل كامل
لان الاكورد ماشية معي 62 الف وصراحة العيب الوحيد الي فيها انها اسبشل يعني الدخلية مافيها منظر واستحي اي احد يطلع معي ففكرت بدال ما اشتري مقاعد جلد وازبط ديكور السيارة اني ابيعها واخذ فل كامل بنفس السعر لان الفل سعرها تقريا تفس السبشل في الحراج
او ابيعها واشتري سيفك فل كامل 2008 واحط باقي الفلوس بجيبي لانه السيفك عاجبتني الدخلية فقط
او ارسى على سيارتي ........وشكرا

**ghazi** · 15-09-2009, 05:13 AM

فل ولاتــــــــــــــــــــــــــــــــــــــــــــــ ـــــــدوووور

**اكورد لولي** · 15-09-2009, 05:15 AM

حبيبي تبي وجهه نظري يقولك ريال فجيبي وعارفه ولا 1000 ريال فجيب خوي وما ادري مشقوقه والا لا

انصحك تخلي سيارتك لأنها على يدك وانت عارف وش فيها ومن ايش تشتكي ولا تطيح بسياره تتعب بعدين من الاشياء الغريبه ان كان اصوات والا حراره والا والا والا ....

هذا رأيي وانت لك القرار

تقبل تحياتي ...

اكورد لولي

**.: AFAQ :.** · 15-09-2009, 06:59 AM

والله يا غالي من مجرب

الأكورد الفل لا تقارتن بالسبشل بالنسبه للشكر القديم طبعأً

و إذا كنت تعرف واحد معاه فل أبشن ببيع أشتري ولا تتردد

ومو شرط إنك تعرفه بس الأهم نظافة السياره

و لك الإختيار

**اكوردات** · 15-09-2009, 07:12 AM

انا اقول خلك على السبشل ياخوي ,, !

تبيع نفس الموديل وتشتري نفس المديل فل !!!!!

وش استفدنا !

خلها معك بس ولو انا منك ومقتدر ماديا شريت لي 2009 سبيشل

**اكورد 2006 وبس** · 15-09-2009, 07:14 AM

المشاركة الأصلية كتبت بواسطة ghazi

فل ولاتــــــــــــــــــــــــــــــــــــــــــــــ ـــــــدوووور

:d ابشر بالي يرضيك الف شكر على المرور :d

**اكورد 2006 وبس** · 15-09-2009, 07:19 AM

لا

المشاركة الأصلية كتبت بواسطة اكورد لولي

حبيبي تبي وجهه نظري يقولك ريال فجيبي وعارفه ولا 1000 ريال فجيب خوي وما ادري مشقوقه والا لا

انصحك تخلي سيارتك لأنها على يدك وانت عارف وش فيها ومن ايش تشتكي ولا تطيح بسياره تتعب بعدين من الاشياء الغريبه ان كان اصوات والا حراره والا والا والا ....

هذا رأيي وانت لك القرار

تقبل تحياتي ...

اكورد لولي

صحيح كلامك في عين العقل ومشكور على النصايح واحترم وجهة نظرك الغالية .... بس انا ما باخذ اي اكورد قبل ما افحصها في الوكالة وباخذ ممشها قليل وبتأكد انها خالية الرشوش والصدوم واحسنت النصيحة .....والف شكر على المرور ولاتحرمنا من طلتك الحلوة

**عــلاج** · 15-09-2009, 07:21 AM

انتبه تسويها إذا كنت فاكها وكالة ؟؟

صدقني ما راح ترتاح لسيارة مستعملها واحد غيرك. . وخصوصا لما يكون معاك قبل سيارة فاكها انت وكالة ومرتاح فيها

**اكورد 2006 وبس** · 15-09-2009, 07:24 AM

المشاركة الأصلية كتبت بواسطة .: Afag :.

والله يا غالي من مجرب

الأكورد الفل لا تقارتن بالسبشل بالنسبه للشكر القديم طبعأً

و إذا كنت تعرف واحد معاه فل أبشن ببيع أشتري ولا تتردد

ومو شرط إنك تعرفه بس الأهم نظافة السياره

و لك الإختيار

اكيد اذا اقتنعت اني اخذها باخذها نظيفة وبفحصها في الوكالة يطلعوا كل المشاكل الي فيها ...وشكرا

**اكورد 2006 وبس** · 15-09-2009, 07:30 AM

المشاركة الأصلية كتبت بواسطة اكوردات

انا اقول خلك على السبشل ياخوي ,, !

تبيع نفس الموديل وتشتري نفس المديل فل !!!!!

وش استفدنا !

خلها معك بس ولو انا منك ومقتدر ماديا شريت لي 2009 سبيشل

بستفيد انه اتمتع بالداخلية قدر ماتمتع بالخارجية وخاصة اصحابي واهلي وقاربي الي يطلعون معي يرتاحوا لان ديكور السبشل سئ جدا كله اسود في اسود و2009 مالي رغبة فيه لانه لو لي رغبة كنت طلعتها فل وكالة بس المشكلة مني رغبان في الشكل الخارجي ....والف شكر على المرور
;)

**اكورد 2006 وبس** · 15-09-2009, 07:35 AM

المشاركة الأصلية كتبت بواسطة شفاف

انتبه تسويها إذا كنت فاكها وكالة ؟؟

صدقني ما راح ترتاح لسيارة مستعملها واحد غيرك. . وخصوصا لما يكون معاك قبل سيارة فاكها انت وكالة ومرتاح فيها

انا فاكها وكالة بس سيارتي سارت مستعملة وبفكر اخذ مستعملة بس بفحصها في الوكالة فبل مااخذها اذا اقتنعت وننتظر باقي الاراء والف شكر على النصايح والمرور

**اكوردات** · 15-09-2009, 07:36 AM

ياحبيبي اعرف ناس معهم دداسن ومااستحوا من اخوياهم !!

انا اول مره اشوف واحد يستحي ان احد يركب معه بسبب الديكور !!!

انت ماخذ سياره تريحك ,, مب تريح اللي جنبك او تريح ربعك !!

ع العموم وفقك ربي

**اكورد 2006 وبس** · 15-09-2009, 08:10 AM

المشاركة الأصلية كتبت بواسطة اكوردات

ياحبيبي اعرف ناس معهم دداسن ومااستحوا من اخوياهم !!

انا اول مره اشوف واحد يستحي ان احد يركب معه بسبب الديكور !!!

انت ماخذ سياره تريحك ,, مب تريح اللي جنبك او تريح ربعك !!

ع العموم وفقك ربي

لا تفهم غلط طيب انت ليش انت معك اكورد 2009 ليه ماتركب ددسن ولا انت تستحي وليه كل الي معهم اكوردات وبي ام وبانوراما هذولا كلهم ليه ما يشترو ددسن ولاكمان هذولا يستحو اخوي لاتفهم غلط الفكرة عشان تبان فخامة السيارة من الداخل وعشان ارتاح نفسيا عندما امشي فيها ويرتاح الي يركب معي نفسيا مو استحي افهم قبل لاتناقش ...وشكرا على المرور

**اكوردات** · 15-09-2009, 08:28 AM

فاهمك ياخوي ,, !

انت تبي الفخامه والفشخره بس ,, وصدقني انا مطلع سبشل مع العرض + كشافات واجمالي المبلغ يجيب لي فل لكن مااخذت

لاني مقتنع فيها ,,

وصدقني ياحبيبي شي وكاله فاكه انت وربي احسن لك من الف اكورد فل مستعمل !!

استخر ربك وشاور زين

**اكورد 2006 وبس** · 15-09-2009, 08:40 AM

المشاركة الأصلية كتبت بواسطة اكوردات

فاهمك ياخوي ,, !

انت تبي الفخامه والفشخره بس ,, وصدقني انا مطلع سبشل مع العرض + كشافات واجمالي المبلغ يجيب لي فل لكن مااخذت

لاني مقتنع فيها ,,

وصدقني ياحبيبي شي وكاله فاكه انت وربي احسن لك من الف اكورد فل مستعمل !!

استخر ربك وشاور زين

صراحة كلامك اقنعني وانشالله بحاول ابقى عليها الين انشالله يغيرو شكل الاكورد 2012 واخذها اذا ربنا احيانا فل كامل والكامل وجه الله والله يعطيك العافية ماقصرت اخوي كفيت ووفيت

**R 7 a l** · 15-09-2009, 05:58 PM

الفل فل يالغلا

**أبان الطباع** · 15-09-2009, 06:21 PM

بسم الله الرحمن الرحيم
أضم رأيي لمن قال لك إياك أن تبيع سيارة مطلعها من الوكالة لتشتري سيارة مستعملة! مهما كانت نظافتها أو مواصفاتها!
ومن قال أن الأكور الفل لاتقارن بالسبيشل كلامه من وجهة نظره فقط!، ماهو الإبداع العظيم في الفل لاتستطيع أن تقوم بعمله بسيارتك (وإن كنت لا أنصحك)!
ثم أنت قلت أنك تنوي بيع سيارتك وشراء فل بنفس السعر (وهنا ستلعب النظافة دورها)، لأن الفل أغلى من السبيشل حتى بالمستعمل..

خذها نصيحة ولاتبيع سيارتك إلا لوكنت مقتدر تشتري وكالة أو إن كانت سيارتك مستعملة من الأساس.

وحتى لو فحصتها بالشركة! لأن الشركة ستعطيك المشاكل الحالية وليست المستقبلية (لا يعلم بها إلا الله)، ولو كانت السيارة ممشاها قليل غالباً لن تظهر المشاكل وإن كانت بسبب سوء إستخدام إلا بعد فترة.

بالنهاية الرأي لك ووضعت مشورتي بناءً على طلبك في عنوان الموضوع.