رد مع اقتباسفي محلات عندكم بجده متخصصه بهذا المشكله
يداك أوقدت وفوك نفخ
في البداية كل عـــام وانتم بخير أخواني أعضاء النتدى ..
عندي مشكلة مسببة لي أزمة نفسية .. رغم حرصي على سيارتي الله يحرسها . الا ان المشاكل ما تفارقني والحمد لله الذي لا يحمد على مكروه سواه ..
مشكلتي التي تسببت أنا بها هي : انني كنت مسافـر وقلت أرش فيري على مقدمة السيارة عشان الغبار اللي مسوي قلق لكل المسافرين .. المهم أشتريت الفيري ورحت ع البنشري عشان أرش . قال لي البنشري الفيري ما يفيد ( طبعا اللي في جده يعرفوا غبار خط الجنوب السريع ) قال لازم تدهن مقدمة السيارة (( شحم )) وشفت أكثر من سيارة عنده قاعدين اصحابها يدهنو شحم . قلت له أدهن يا عمي أدهن ... ودهن وياليته ماااااااااااااااااااات وما دهن ..
بعد كم يوم جيت أشيله ....
والمفاجأه .......
/
/
/
/
/
/
/
/
/
/
/
/
/
/
/
/
/
/
/
/
/
باقي مكانه أصفر .
واااااااااااااضح ..
جربت كل شيء ورحت عند كم سمكري ومحلات تلميع بس مو في جدة قالو لي أنسى يا حبيبي هذا الأصفرار ماراح يروح من سيارتك بس أمسك أعصابك وقول الحمد لله .
وكمان القزاز الأمامي مرررررررره مخدش وبقوة . وما أدري وش الحل في المشكلتين ..
الاقي عندكم حل ؟؟؟؟؟؟؟؟؟؟؟؟؟
والله يحفظكم ويرعاكم يارب ..
في محلات عندكم بجده متخصصه بهذا المشكله
شوف محلات التلميع المعروفه في جده
وان شاء الله اهل جده يشطفون موضوعك و يعلمونك بالمحلات الزينه
الحمد الله على كل حال كل شي اهون من اللي أشد منه ولا يضيق صدرك أبدا الحمد الله انها جت على كذا. . .
أنا أرى انك ما تستعجل وتستشير ورشات ومراكز تلميع كبيرة ومعروفة وعندهم ناس كبار ومختصين في هالاشياء واتوقع انك راح تلقى لها حل
ألا في حال ا كانت البوية نفسها محترقة ورايحة وانقلب لونها اصفر هذا شيء ثاني. . . لكن لاتستعجل واستشر مثل ما قلت لك
اصلا معروف التشحيم تشيله على طول لما تنتهي من السفرية ... غريبة ما قال لك هذا الشيء
فما دام لونها قلب ما يقدر يفيدك إلا محلات التلميع شوف " التلميع الساطع " مثلاً واسأله إذا يقدر بيسويها لك
ما أحد يفيدك في المشكلة الأولى إلا محلات التلميع
أما المشكلة الثانية حلها تغير قزاز ما فيها كلام .... يمكن صدمتك بالحقيقة لكن وش تبغاني اقول
أنا زيك وكنت بغير حق الوكالة وأشوى إني ركبت صيني لأنه الحين يبغاله تغيير وباركب صيني
إذا أنت حق خطوط زيي حط في بالك القزاز سنوياً يتغير وركب برقع عشان تحمي الواجهة
بقية الحلول كل حل له عيب حتى البرقع لكنه الأقل مشاكل وشوف أكبر مشكلة إذا تقطع وأنت في الخط
ويجي بعده التغبيره والتشحيم لكن لازم تشيلها على طول والفيري ابعد عنه بشيل لمعة البويه
ميزة البرقع في أي وقت تركبه
يمكن تنحل المشكله بمنظف دهانات ميجوايرز ستيب 1 وبعدها بولش ستيب 2 وبعدها واكس ستيب 3
نظام ديب كرستال deep crystal system
3 خطوات ,,, 3 step
1 : تنظيف الدهان
2 : تلميع
3 : تشميع
غريبه!!!
انا اتذكر اول ما شريت سيارتي كنت مسافر للشرقيه وحطيت شحم بس شحم ثقيل مو سايح
ومافيها اي شي بالعكس يقولي صاحب البنشر انه ازين للبويه الشحم...
والله انا استخدم الشحم ادا باسافر والحمد لله حمايه جيدهـ و ماله اضرار بس ما يروح بسرعه لازم تغسله بديزل وتلمع السيارهـ بس
والله لواني في جدة كان عرفت وش الحل .. جدة ما يضيع فيها حل أبد ..
عموما أشكركم جميعا يا أخوان على تفاعلكم الجميل ..
الله يعينك
لكـن روح التلميع الساطع واسال
شوف مافي العن من الشحم و الفيري و طقتة
بس انا جربت الفيري من جدة للمدينة 3 مرات و الحمد لله ما اشتكيت
روح لمحل اسمه " نيو لوك " في حي النعيم و ان شاء الله تلاقي الحل عنده
وانت نازل من تقاطع طريق المدينة مع شارع حراء .. بإتجاه ميدان التاريخ ، بتلاقي محة لونها احمر ( اول محطة ، وهي الوحية )
تلاقي المحل في نفس المحطة جنب المغسلة
روح و ان شاء الله تدعي لي
لاتشيل هم اخوي
انا صار الي اعظم من كذه
حطيت شمع ع السياره كامله لمدة اسبوعين
وماغسلت السياره والا البدي متغير ورايحه لمعتها بالمره
وديتها محل تلميع وجرب اقوى نوع عنده وبالمكينه ولا فاد وورشة من الورش قال لازم رش السياره كامل
وبعدين رحت لورشه محترمه وسوا لي صنفره كامله وطلعت بوية السياره اطلق من اول بسم الله ماشالله
صرت ما استخدم مرايه في البيت,,,بدي السياره صار يوفي>>>>>>خخخخخخخ
اتمنى تحصل ورشه تفيدك
ضوابط المشاركة
مواقع النشر (المفضلة)