مشكلتي مع اللوحه المسامير والاسود حق الاكورد

**اكوردات** · 26-09-2009, 12:36 AM

السلام عليكم ,,

كيف حالكم طيبين شباب

انا بكره ناوي اطلع لوحات طويله ,, ! ومدري وش الاوراق المطلوبه :d ,, !

يعني اللي باخذه معي استمارة الموتر + ورقة التامين والكرت + اللوحات + اثباتي الشخصي :d

اذا فيه زياده علموني ,, وبالنسبه للميه ريال كيف ادفعهـآ !؟

الحين نجي للمشكله :( ,, !

المسامر حقت لوحتي غريبه اول مره اشوفه مدببه للخارج!!

وماقدرت افكها رحت لـ محل زينه قال مااقدر افكها ماعندي مفتاح يفتحهـآ ؟؟ ! فـ وش السوات شبـآب !!

الله يعطيكم العافيه

**أبو نـواف** · 26-09-2009, 12:45 AM

هلا بك أخوي
بالنسبة للأوراق خذ معك الاستمارة وبطاقة الاحوال وصورة منها واللوحات القديمة وإن شاء الله إني مانسيت شي

وبالنسبة للمية ريال فيه صراف عند القسم اللي بتغير فيه اللوحات بس روح سلم اللوحات أول وهو بيقولك روح للصراف

وبالنسبة للمسامير .. لاتشيل هم بيعطونك مسامير مع اللوحات

وإن شاء الله أكون أفدتك أخوي

**اكوردات** · 26-09-2009, 12:53 AM

8

اخوي ابو نواف مافهمتني انت !!

فك اللوحات الحين ماقدرت افكها المسامير مدري وش مفتاحها ,, مدببه للخارج !!

وبالنسبه لبطاقة الاحوال تقصد اللي بـ آسمه السياره ؟؟

لان السياره بـ آسم الوالد !

**البــــــاشا** · 26-09-2009, 01:02 AM

اولا قدم الاوراق وادفع عن طريق الصراف

وبعدين لمن توصل اللوحات طبعا بعد اسبوعين او 3 فك القديمه وركب الطويله

من الهنود الي تحصلهم بجنب المرور يفتحو لك اللوحات

**أبو نـواف** · 26-09-2009, 01:05 AM

ياخوي بالنسبة لفك اللوحات رح أقرب محل حق زينة سيارات (لو يكون قريب من القسم أفضل) ويفكه لك ب5 ريال

وبالنسبة للتصوير اقصد اللي مكتوب فيه ملكية السيارة وبطاقة الاحوال(الاثبات الشخصي) إحتياط

**اكوردات** · 26-09-2009, 01:17 AM

اخوي الباشا وش 3 اسابيع !!!

اخوي مطلعها بيومهـآ متأكد انت من هالمعلومه !؟

**amer09** · 26-09-2009, 02:12 AM

اسمع يا يالغالي

افتح شنطة السيارة وخذ الزرادية واكسر البلاستيكة البيضاء اللي على المسمار بعدين امسك المسمار بالزرادية وفكه

لانو هذي المسامير حقة المرور اللي يقولون عنها تركب وما تنفك :d

وبالنسبة للأوراق الاستمارة وصورة منها وسدد عن طريق الراجحي او الرياض 100 ريال وروح بدري يعني قبل الـ 10 علشان يطلعونها بعد الظهر

بس نصيحة اخو ركبها بلصق 3m يطلع شكلها احلى << لانو خرمت بعدبن فكرت :(

**اكوردات** · 26-09-2009, 02:17 AM

8

اللصق وشو ؟؟

وقوي هو؟!

يعني مااخرم والا وشلون ,,

وبالنسبه لمسامير المرور اللي تقولها اللي ماتنفك شلون افكها بالزراديه ؟ !

يعني اسحبها سحب والا كيف!

اخاف اتلها بقوه تنكسر السودا اللي على الصدام !؟

وبالنسبه للتلزيق كيف يكون ؟ اخاف تطيح اللوحه

**amer09** · 26-09-2009, 02:30 AM

اللصق قوي واغلب الشعب مركبها بس انا راحت علي من الفرحة ما فكرت زين :(

تلقاه عند ساكو اسمه لصق 3m يجيك بوجهين << لعاب :p

ولا تخرم ولا شي

اما المسمار امسك راس المسمار بالزرادية ولفة كاأنك بتفكه بالمفك

**اكوردات** · 26-09-2009, 02:47 AM

8

طيب واذا خرمت وش المشكله يعني

لا اللصق ماينفع بخرم انا ,,

الله يعطيك العافيه اخوي , !

بس حبيت اسألك اخوي بالنسبه للاوراق اللي اخذها معي بكره

الاستماره الاصل ,, وصوره منها بس ؟؟ واسدد عن طريق الصرافه ,, !

طيب بالنسبه للوح القديمه اخذها معي الصبح والا وقت استلام اللوح الطوال !؟

**amer09** · 26-09-2009, 02:58 AM

اذا خرمت ما في اي مشكلة كل واحد ومزاجه

والاوراق بس الاستمارة وصورتها

واللوح اذا جيت تستلم يعني سلم واستلم :d

**اكوردات** · 26-09-2009, 01:01 PM

المشكله الحين ياشباب بـ مسمار المرور ذا اللي ضد السرقه !!

عجزت افتحها !!!

**كبرياء فارس** · 26-09-2009, 03:30 PM

مادامك عجزت عليها روح اقرب محل زينة وهو يفتها لك وبالك مرتاح

**ماهمه** · 26-09-2009, 09:04 PM

مشكله اكسرها ;)

**mr.lonely147** · 26-09-2009, 10:05 PM

بعد اذن اخوي كاتب الموضوع ولا يهنينون الباقي ياليت اخوي amer09 تعلمنا زود عن اللصق اللي تكلمت عنه وياليت طال عمرك نشوف صورة:o

**المباشر** · 27-09-2009, 12:26 AM

المشاركة الأصلية كتبت بواسطة amer09

اسمع يا يالغالي

افتح شنطة السيارة وخذ الزرادية واكسر البلاستيكة البيضاء اللي على المسمار بعدين امسك المسمار بالزرادية وفكه

لانو هذي المسامير حقة المرور اللي يقولون عنها تركب وما تنفك :d

هذا الحل عطاك اياه بس شكلك مافهمت وش يقصد :d

انت اذا كسرت البلاستيك الأبيض اللي فيها البراغي راح يصير عندك فراغ وجيب صبانة كبس وأفتح المسامير

والحل الثاني

نسيبي في المرور ويقول المسامير لها مفتاح خاص موجود عند بعض الكهربائيين أو الورش وأكثر شي تلقاه عند محل يركب لوحات وهذا تعرفه من الشباب بالمرور

مثل عندنا يسلمون لوحات جديدة والمرور يرسل راعي اللوحات على ورشة معينة يركب عندهم وأكيد المفتاح يكون موجود

وقبل كل شي اسأل المرور اذا كان عندهم مفتاح اذا جات لوحاتك الجديدة يفكون القديمة

**amer09** · 28-09-2009, 02:12 AM

المشاركة الأصلية كتبت بواسطة mr.lonely147

بعد اذن اخوي كاتب الموضوع ولا يهنينون الباقي ياليت اخوي amer09 تعلمنا زود عن اللصق اللي تكلمت عنه وياليت طال عمرك نشوف صورة:o

المشاركة الأصلية كتبت بواسطة mr.lonely147

والله يالغالي ما لقيت له صورة

لكن هو اسمه لصق 3m هو يجي وجهين كلهم فيه غرا

تفك الوجه الاول وتحطه على اللوحة وتفك الوجه الثاني وتركبه على السيارة ويطلع شكلها

تلقاه في ساكو والمحلات الكبيره بس لا تاخذ الى الاصلي

معليش الرد متأخر :o

**gray2008** · 28-09-2009, 08:28 AM

المشاركة الأصلية كتبت بواسطة اكوردات

اخوي الباشا وش 3 اسابيع !!!

اخوي مطلعها بيومهـآ متأكد انت من هالمعلومه !؟

في جده اللوحات الطويله انا طلبتها ووصلت بعد اسبوع لأنه الاوراق لازم تطلع الرياض واللوحات تتصدر من الرياض عشان كذ ا تتأخر واحيان تطول اكثر على حسب الزحمه عندهم
لكن في الرياض في يومها واذا مره مره ثاني يوم وانت مستلمها

وبالنسبه لفك اللوحات تلاقي عند قسم المرور ناس يركبون لوحات ويفكونها

انا اللي ركبها لي فكها بمفك عادي بس انه قعد ضاغط بكل حيله على المسمار وهو يفكه عشان يمشي معاه

**D O M E** · 28-09-2009, 12:47 PM

8

وش الي في يومها يالحبيب آنا مقـدم عليها من 22 رمضان والى الان ما خلصت

بروح بكرة اتاكد .. تاخذ تقريبًا اسبـوعين

**المـــــلكـ اكـــــورد** · 28-09-2009, 12:58 PM

اتوقع ان النظام تغير ..

الان مافي تقديم الا في مرور الناصريه ومرور عليشه ماعاد فيه اصدار لوحات

وانا قدمت على تبديل لوحات وقالوا لي بعد 15 يوم تستلمها <<هذا الكلام في مرور الناصريه

وطلعت بعدها على مرور الدرعيه وقدمت من هناك واستلمتها بعد 9 ايام <<احسن شي مافي زحمه

انت رح لمرور الناصريه اول وتأكد... واذا طلع بعد 15 يوم قدمها في الدرعيه اسهل وبدون قلق الزحمه

بالتوفيق

*معلومه :استلمت لوحات موتري في 8 رمضان الماضي

**B Useful** · 28-09-2009, 01:54 PM

اللي فهمتة ببساطة .. عندك لوحات قصيرة تبيها نفسها بس طولية ومتوهق:

١- المسامير : ياخي حاول بنفسك واخترع اي طريقة بزرادية ولا اي شي مثلة ولا اقرب محل زينة ويتصرف بـ ٥ ريال اذا كثرت

٢ـ الاجراءات : التسديد عن طريق الصراف ، تروح فرع التموين بعليشة وتاخذ رقم ..!

٣- دامك في الرياض رح قسم التموين بعليشة هم المتخصصين باللوحات الطويلة وبدل الفاقد .. طبعاً تكون مسدد مخالفاتك ، جب معك الاستمارة واثبات صاحب السيارة واللوحة اللي تبيها طويلة وسلامتكـ ..

^^^ الكلام اعلاة حصل لي شخصياً قبل كم شهر وطلعت في نفس اليوم خلال ٣ ساعات ، وكانت العملية على لوحة سيارة احد الاعضاء ولم احتاج الى تدقيق في اسم صاحب السيارة او الاثبات << واثق الخطوة يمشي ملكاً ،، واذا تعرف احد في مطابع الحكومة <<< اللي يطبعون كل شي من الجواز حتى الاوراق الحكومية واللوحات فقط سدد مخالفاتك + قيمة اللوحات + عط الواسطة ارقام لوحتك وحروفها وتجيك خلال ١٠ دقائق وهو ما حصل لي شخصياً في سيارتي قبل سنة ^^

وبما ان فية اثنين في الرياض يقولون الاجراءات تغيرت .. الله يعينكـ اجل .. اعتبر الكلام اعلاة من الماضي الجميل ..