سيارتي جننتني من كثر الإهتزازات وخسرتني

**دحوم** · 27-09-2009, 03:13 PM

السلام عليكم ورحمه الله وبركاته

كل عام وانتم بخير والعيد عليكم مبارك :

ياشباب عندي مشكله في السيارة في رجه تجي في السيارة تخلي الديكور ينهز داخل السيارة من بعد سرعة 120كم/ساعة ، رصصت الكفرات والجنوط كذا مره مافيه فائده ، الهزه من الجه اليمنى وإحساس كبير انها في الكفر اليمين الخلفي او الأمامي انا متعود على هدوء السيارة من الداخل رجه في الخارج بسلامتها لكن بدا الديكور يتهزهز عندي من الداخل ، ماادري هل هذه المشكلة مرت على احد منكم وش السبب مع ان الكفرات لسى جديدة مالها إلا اسبوعين والجنوط مافيها ولا ضربة ، طبعاً الموديل 2007 .

ومشكورين

**اسود accord** · 27-09-2009, 03:30 PM

وش نوووع الكفرآإت الي عندك . . ؟

**المهاجر333** · 27-09-2009, 04:07 PM

طيب اخوي دحوم شيك على الاذرعة يمكن تحتاج وزن

**Silver Aurion** · 27-09-2009, 04:12 PM

الجنوط تجاري ام اصلي ؟

الكفرات نوعيتها + كيف دعسه الكفر ممسوحه ولا موجوده ؟

اكلت رصيف او مطب على سرعه عالية ؟

جاوبنا ع الاسئله هذه وان شاء الله نلقى المشكله

**accord05** · 28-09-2009, 05:31 PM

ياهلا والله اخوي دحوم اخبارك يا الشايب وين الغيبه ؟ انت ونكد واحد اذا تذكره صورمقطع وهو في بي ام يقول الله يلعن ابليس(تم تشفير السبه) يانكد بنشرنا خخخخ ..
المهم انا عندي مثلك بس الرجه ماهي رجه تحس السيارة ماسكها كهرب تنتفض على سرعه 190 فما فوق .. بالرغم ان كفراتي جديده زيك .عسى نلقى حل.

**دحوم** · 29-09-2009, 10:27 AM

ياشباب كفراتي جديدة وميشلان الماني نفس نقشة الوكالة ، سليفر اورين الجنوط اصلية اكيد v6 من الوكالة وتجاري ^_^ ، بشيك على الاذرعه والمقصات بشوف ، وش رايكم اوديها الوكالة احسن ؟

**King** · 29-09-2009, 12:03 PM

الوكالة راح تاخذ دبل السعر إلي راح تدفعه على ورشة

انا معاك صح ان شغلهم كله جديد بجديد لكن السعر مايتحمله الواحد

روح ورشة ام الحمام إذا تعرفها , او دق علي انا اروح معاك نشوف سالفتها

**المـــــلكـ اكـــــورد** · 29-09-2009, 12:47 PM

مر ميزان العضيب يمكن في عندك مشكله في الكفرات او الجنوط

**ابو شهد** · 29-09-2009, 02:55 PM

يخوي مر ميزان العضيب تلاقاء الحل وبعد معاء الضمان والله شغلاهم يبيض الوج شغل نضيف وسعرهم معقول اتمنى للك التوفيق

**ابوخالد211** · 29-09-2009, 03:03 PM

انتبه انك تروح الوكالة زي ماقال مراقب قسم الاكورد في عندك في ام الحمام ورشة متخصص في الاكورد وعندك في الصناعية ورشه متخصص في الاكورد واكيد مرت عليهم مشاكل الاكورد وعرف يحلوها وبتوفيق انشاء الله