وش الفرق لما تشتري من الوكاله او المعرض؟؟
السلام عليكم ورحمة الله وبركاته
كل عيد وانتم بخير اخواني وحبايبي :o
بصراحه انا مع معجب بالمنتدى كثير وانا من زمان موجود بس كنت اتصفح بدون مااشارك
وحتى قبل مااسجل عضويتي ايام ماكان التصفح الزوار :d حلال
بصراحه انا ناوي على أكـورد 2009
ماراح اسالكم اسئلة عن الاكورد لانكم مكفين ومؤفين
لكن انا عندي سؤال بحكم ان ولا مره شريت سياره
الحين يوم رحت الوكاله السعر اغلى من المعارض
والمعارض سيارتهم اصفار!!
طيب ايش الفرق لما اشتري من الوكاله وادفع زياده فلوس؟؟
مادام الضمان حتى على سيارات المعارض...!!!
يعني هل المعارض تكون في سيارتهم في مشاكل او شي
؟؟؟؟؟
الفرق ان السيارات الموجودة بالوكالة نفس إلي بالمعرض
كثير من الناس تطلع سيارات من المعارض والحمد لله مااشتكى احد
وفيه ناس طلعت من الوكالة وإلى الآن وهي تشتكي
طبعا ً قبل لا تشتري السيارة من المعارض تأكد إذا كان عرض الصيانة متوفر فيها او لأ
لأنك انت المستفيد لما يكون عرض الصيانة متوفر فيها راح تسوي لها صيانات مجانية وعلى مدة 3 سنوات او 100.000 ألف كم
( مدري إذا صح المعلومة او غلط )
* نصيحة : اصبر كم شهر وراح تنزل 2010 التي بدون اي تغييرات هيكلية او ملحوظة . بالتوفيق
:(
ما اتوقع فيه اختلاف بس ركز على وجود الضمان
وانتضر 2010 ^_^
وانا رائي من رائي اخوي الكنق
انتظر حتى تنزل 2010 وخذ 2009
مع العلم انها ما تفرق ابدا عن الي قبلها
الفرق الوحيد في السعر
ومبروك مقدما
وعليكم السلام والرحمة
اخوي الفرق بس في السعر وعلى فكرة الكفاح اللي بالاحسا او بالاصح حتى المعارض اللي بالصناعية تعطيك كتيب الضمان حق الوكالة وحتى صيانة الالف كيلو تسويها بالوكالة مجانا
انا اكثر اخوياي مسوين نفس الحركة والموتر هو هو نفسه حق الوكالة
يعني ما عندك مشكلة بس مثل ما قال اخوي الكنق انتظر للـــ2010
المشاركة الأصلية كتبت بواسطة King
الفرق ان السيارات الموجودة بالوكالة نفس إلي بالمعرض
كثير من الناس تطلع سيارات من المعارض والحمد لله مااشتكى احد
وفيه ناس طلعت من الوكالة وإلى الآن وهي تشتكي
طبعا ً قبل لا تشتري السيارة من المعارض تأكد إذا كان عرض الصيانة متوفر فيها او لأ
لأنك انت المستفيد لما يكون عرض الصيانة متوفر فيها راح تسوي لها صيانات مجانية وعلى مدة 3 سنوات او 100.000 ألف كم
( مدري إذا صح المعلومة او غلط )
* نصيحة : اصبر كم شهر وراح تنزل 2010 التي بدون اي تغييرات هيكلية او ملحوظة . بالتوفيق
الكنق الله يوفقك
ماقصرت يالغالي
لكن عندي كم سؤال
س: في المعارض السيارات ماتكون فيها مخووش؟؟
س: لما تشتري السياره هل تعطيه كاش ولا تحويل بالحساب ؟احس السؤال غبي
لكن من جد اعذرني اول مره اشتري سياره بحياتي
س: هل الوكاله تعطيني شي مميز يعني هديه مثلا؟ :d
س: هل الوكاله تصلح مشاكل الاصوات على الضمان حل جذري ما يرجع بعدين ؟
والله يوفقك مجهودتك بالمنتدى متميزه الله يستر عليك ويوفقك
رحال مشكور على رد الله يعطيك العافيه
تسلم يالغالي ماقصرت
الله يعطيك العافيه
ماقصرت سلمت يديك
انا انصحك انك تاخذ من الوكاله....
واذا اخذت من المعارض انتبه لان اكثرها يجي فيها صدى بسبب الوقوف...
و مبروك مقدما على السياره......
الفرق ان المعرض ارخص من الوكاله
لكن اذا خذت من المعرض تاكد انك المالك الاول للسيارة
غريبه الكل ما يعرف الفرق
طيب انا بقولك الفرق بين المعرض والوكاله
^_^
الوكاله تعطيك ضمان على البطاريه والكفرات اما في حالة شرائك من المعرض وواجهت مشكله في البطاريه او الكفرات
فبكل تأكيد ردهم راح يكون سوء تخزين في المعرض
والله يوفقك
أنا ناخذها من معرض .. والحمدلله ماشيه معي تمام التمام .. ومعاها كتيب الضمان بعد .. ولافيه خدوش ولا شي من هالقبيل الحمدلله
والله اللي أتوقعه إن النصب .. عند الوكاله فقط .. من ناحية التخزين
مريت الوكاله قبل أشتري موتري ودخلت الحوش ورحت لهم امس .. والله إن فيه سيارات على وقفتها تحت الشمس من شهر ٣
من متى صاارت الوكالة تضمن لك الكفرااات ؟
هههههههههه ، ذكرتني الله يهديك يوم ينفقع علي كفر ، اقول لهم غيروه ولا شوفوا لكم صرفه ،
رد علي المهندس ، لا يكون احنا فاتحين بنشري :d
سواء خذتها من معرض ولا وكالة ، ترى نفس الشيء ، !
انا ماخذها من معارض الكفاح ، ويطلع في صيانة الوكالة اني ماخذها من معارض الكفاح وماشيه معاااي زي اللوز ، !
هذا نظام الوكالات
اذا كان عبدالله هاشم يمشي ضد الغير هذا كلام ثاني
بس اللي اعرفه ان البطاريه والكفرات عليها ضمان سنه
واذا صار فيها شئ وانت مأخذها من الوكاله يعتبر سوء تخزين في الوكاله وهم المسؤولين عنه
وتقدر تسأل
^_^
^^^^
واحد من ربعي معاه اكورد 2008
وما كملت معاه سنة ،
ومرة طق فيها مطبه ، وانتفخ عليه الكفر ، وصار فيه دائرة كبيرة ، الزبدة راح الوكالة ، وقالوا له اذا تبي طس لـ ماشيلان ، احنا ما لنا دخل ،
ممكن البطارية عليها ضمان ، لكن الكفرات أول مرة أسمع أن عليها ضمان ،
.......
لكن عندي كم سؤال
س: في المعارض السيارات ماتكون فيها مخووش؟؟
راح تحصل إلي فيه صدمات وراح تحصل إلي مافيه اي شيء مثله مثل إلي بالوكالة
س: لما تشتري السياره هل تعطيه كاش ولا تحويل بالحساب ؟
لكن من جد اعذرني اول مره اشتري سياره بحياتي
على حسب المعرض ممكن تتفق معاه وتحول له وممكن تروح لشركة تقسيط وهي تتكفل بشراء السيارة إلي تبيها مهما كانت ومهما كان سعرها
س: هل الوكاله تعطيني شي مميز يعني هديه مثلا؟ :d
غالبا ً السيارات إلي تطلع من الوكالة يجي معاها شنطة للسلامة وطفاية حريق وخصم لمحلات التضليل فقط , ( انت لما تشتري السيارة من المعارض تأكد من دفتر الصيانات بالأخير او بالأول مكتوب تم تسليم شنطة السلامة , مختوم ختم ...)
س: هل الوكاله تصلح مشاكل الاصوات على الضمان حل جذري ما يرجع بعدين ؟
تصلحها ولا تقدر تعارضك مع اي مشكلة مصنعيه مشاكل السيارة قليله جدا ً وليس أمرها كبير !
التعديل الأخير تم بواسطة King ; 01-10-2009 الساعة 04:04 AM
:(
لافرق فيه
والتخـزين عند الوكالة هو الأسـوء بالغالـب وليس دائماً , وتاريخ الصنع مـوجود على الباب يوضـح كل شئ
اما سالفة ان الوكالة تضمن لك كفرات وبطارية زي ماتفضل أحد الأخـوان
وفيها موزعين , وانا رأيي انهم أفضل من الوكالة نفسها , ومن المعارض , تحصل يمكن فرق 2000 أو 1500 ريال عن الوكالة , وكـذلك استلام السيارة يكـون من الوكالـة , الفرق الوحـيد انه بالكتالوج مكتوب اسم المـوزع فقـط لا أكـثر
هذي أول مرهـ اسمع فيها
ضوابط المشاركة
رد مع اقتباس
مواقع النشر (المفضلة)