صوت الصرصره اثناه التشغيل لم يذهب

**عجولي** · 01-10-2009, 07:53 AM

السلام عليكم
كيف حالكم يا اخواني

انا ياجماعة طلع عندي فجئه صوت صرصره خفيفه اثناء تشغيل السيارة (( الصوت يخرج فقط في الصباح عند تشغيل السيارة للمره الأولى فقط)) قلت انا شكله السير يبغى له تغير. جيت وشريت سير جديد من الوكالة بقيمة 132 ريال لكن الصوت ما راح. امس انا كنت في الرياض مريت ورشه خاصه لهوندا قالي هذا صوت يطلع من الشداد لا تغيره خله. جيت ومريت بعده ورشه الشمال وقال لي هذا الصوت من الطرنبه بعدها مريت ورشة الجنوب وبرضوه قال لي صوت الطرنبه يقول لأن فيه هواء يطلع منها.
وانا والله محتار ما ادري ايش اسوي ما ادري من أصدق
علما ان قيمة الطرنبه 1500 على كلام ورشة الجنوب
وقيمة شغل يده 150 ريال.
ياجماعه الي عنده حل يفيدني او على الأقل انصحوني اصلح او لا.

**HaTiM1** · 01-10-2009, 11:59 AM

السلام عليكم ورحمة الله
هلا بك اخوي
طبعا انا توي عضو جديد بس بقولك ايش صار معي
نصيحتي ودي السيارة الورشة اللي يمدحوها الشباب بصناعية العروبة
لانه صار فيني نفس اللي صار معك كان عندي رجة عند التعشيق وديت السيارة ورشة الجنوب قال لي تحتاج .كرسي قير و كرسي ماكينة خلفي وكرسي ماكينة جانبي (وقال لي كرسي الماكينة الجانبي ماراح تلاقيه بس انا اقدر اوفره لك اصلي وجديد)
قلت خير انشاء الله واروح اسأل على قيمة القطع وطلع كلامه صحيح فعلا الكرسي الجاني غير متوفر في السوق
دخلت هنا وقلت اشوف ولقيت الاعضاء ماقصروا يمدحون ورشة هوندا اللي في صناعية العروبة رقم 20
واروح لهم واقول له عندي رجه في السيارة قال افتح الكبوت ويطالع ويقول لي تحتاج كرسي ماكينة خلفي وكرسي قير قلت له شييك على كرسي الماكينة الجانبي قال لي الكرسي عندك جديد وما يحتاج تغيير طبعا انا

وفعلا جبت الكرسيين وغيرهم والحمد لله السيارة صارت

مع العلم سيارتي أكورد 2006

**عجولي** · 02-10-2009, 11:21 AM

مشكور اخوي وماقصرت على مرورك
بس وين ورش العروبه ممكن توصفها لي

**yy66zz** · 03-10-2009, 01:43 AM

انا سيارتي لسه جديدة وماشية 1800كم وعندي صوت تصفير خفيف غير ملحوظ من الكبوت عند التحمية بس .. طبعا لمن تحمى يختفي الصوت.. المهم هل هوا طبيعي عشان جديدة ولا كيف .. المشكله الصوت ما يطلع اذا سخنت السيارة

**عجولي** · 06-10-2009, 11:17 PM

والله يا yy66zz
احنا ننتظر من اعضاء المنتدى الموقرين انهم يشوفون لنا حل انا واياك لأني والله ما اطيق اي صوت صرصره

**فيلسوف** · 07-10-2009, 12:07 AM

أنا كمان عندي نفس الصرصرة عند التشغيل إذا كانت السيارة باردة ولكن لما تحمى بيروح
شكله من عيوب الاكوردالله يعينا عليها

**كشكول** · 07-10-2009, 09:38 AM

كم موديل سيارتك ؟

**meshoo** · 07-10-2009, 11:53 AM

ياشباب هالشي طبيعي

لما تشغل السياره يطلع الصوت لكن لما تحمى يختفي هذا طبيعي

اما اذا غير كذا الله واعلم

**عجولي** · 08-10-2009, 09:41 PM

ياجماعة المشكلة الحين الجو بارد بالقصيم والصوت بدى يكثر طلعاته

ياجماعه نبي الحل الصوت هذا يجنني وينرفزني
وينكم يا أهل الخبرة

**ارص4180** · 09-10-2009, 04:01 AM

ياجماعة الصوت طبيعي في موديل 008/2009 لاحد يفتي من عنده هذا كلام الوكالة الله يكافيهم اسؤا صيانة عندهم

**عجولي** · 09-10-2009, 11:32 AM

ما اضنه طبيعي لأنه لو طبيعي ليش ماطلع الا هالوقت
ولو انه طبيعي ليش بعض الورشات الي قال لي طرنبه والي قال لي شداد

**أبو جوري** · 09-10-2009, 01:21 PM

المشاركة الأصلية كتبت بواسطة فيلسوف

أنا كمان عندي نفس الصرصرة عند التشغيل إذا كانت السيارة باردة ولكن لما تحمى بيروح
شكله من عيوب الاكوردالله يعينا عليها

سيم سيم وسيارتي أكورد 2004

قلت انا شكله السير يبغى له تغير. جيت وشريت سير جديد من الوكالة بقيمة 132 ريال لكن الصوت ما راح.

أنا مثلك أخذت السير من الوكالة ولكن لسه ما ركبته حتى أقول لك الصوت راح وإلا ما راح ...... لكن

نطلب منك طلب

وقول : تم ...

خبرنا بعدين بالسبب (المشكلة من فين ؟)

**أبو جوري** · 09-10-2009, 01:31 PM

المشاركة الأصلية كتبت بواسطة عجولي

ما اضنه طبيعي لأنه لو طبيعي ليش ماطلع الا هالوقت

ولو انه طبيعي ليش بعض الورشات الي قال لي طرنبه والي قال لي شداد

أوافقك الرأي

**أغـار يا هـوندا** · 09-10-2009, 02:14 PM

شـــــــبـــــــاب
لا تتوهقوا اللي موديل سيارته 2006 كاتب الموضوع انتبه معي
والشباب الآخرين اللي عنده صوت بزياده ومو طبيعي راح ينعرف
وكل واحد يعرف الصوت الطبيعي واللي مو طبيعي
لكن أكلم صاحب الموضوع,,,,,,
أنا طلعت لي نفس المشكلة ماكان موجوده من أول
لكن راح أخلي سيارتي عند الوكالة وقالوا لي الأسبوع اللي راح إنه من السلف وأنا والله كنت حاس
علشان كذا سمع الصوت الباكستاني حق الوكالة
لأني تركتها عنده من الساعه 6 ليلآ إلى 7 صباحآ
وسمع الصوت قال هذا من السلف بس تعال ا؟لأسبوع الجاي ونشوف الخراب ونصلحه
طيب حبايب قلبي أنا بروح له يوم الإثنين_بإذن الله_
وبأعطيكم الخبر اليقين يوم الأربعاء أو الخميس
وأنا خايف عليكم تتوهقوا بليزززززززز لا أحد يصلح سيارته حتى أعطيكم خبر
والله خايف على سياراتكم من الناس الاستغلاليين الباكستاني هذا مشهور وأعرفه
وما يقصر معي دايم
علشان كذا بصلح السيارة وأشوف وش الخراب وكيف يصلح
لأجل استفيد وتستفيدوا وتفيدوا غيركم
أخوكم المخلص/
أغـــار يا هــــوندا

**عجولي** · 12-10-2009, 10:25 PM

المشاركة الأصلية كتبت بواسطة أغـار يا هـوندا

شـــــــبـــــــاب
لا تتوهقوا اللي موديل سيارته 2006 كاتب الموضوع انتبه معي
والشباب الآخرين اللي عنده صوت بزياده ومو طبيعي راح ينعرف
وكل واحد يعرف الصوت الطبيعي واللي مو طبيعي
لكن أكلم صاحب الموضوع,,,,,,
أنا طلعت لي نفس المشكلة ماكان موجوده من أول
لكن راح أخلي سيارتي عند الوكالة وقالوا لي الأسبوع اللي راح إنه من السلف وأنا والله كنت حاس
علشان كذا سمع الصوت الباكستاني حق الوكالة
لأني تركتها عنده من الساعه 6 ليلآ إلى 7 صباحآ
وسمع الصوت قال هذا من السلف بس تعال ا؟لأسبوع الجاي ونشوف الخراب ونصلحه
طيب حبايب قلبي أنا بروح له يوم الإثنين_بإذن الله_
وبأعطيكم الخبر اليقين يوم الأربعاء أو الخميس
وأنا خايف عليكم تتوهقوا بليزززززززز لا أحد يصلح سيارته حتى أعطيكم خبر
والله خايف على سياراتكم من الناس الاستغلاليين الباكستاني هذا مشهور وأعرفه
وما يقصر معي دايم
علشان كذا بصلح السيارة وأشوف وش الخراب وكيف يصلح
لأجل استفيد وتستفيدوا وتفيدوا غيركم
أخوكم المخلص/
أغـــار يا هــــوندا

حنا بانتضارك
الله لا يحرمن من امثالك

**أغـار يا هـوندا** · 13-10-2009, 08:33 AM

شباب
حبيت أفيدكم علشان ما تقولوا سحبت عليكم
عامل الصيانة حدد معي موعد يوم السبت صباحآ
عرفتوا كيف
لأن جيته يوم الثلاثاء لقيته مشغول مره حاولت معه أدخل السيارة
قال بضحك عليك تدخلها وأنا بأبدأ ف إصلاحها يوم السبت
أتمنى ماتطفشوا وتتهوروا اصبروا علي شوي
والله ثم والله شي مو بيدي
تقبلوا تحيات أخوكم
أغـار يا هـوندا

**عجولي** · 15-10-2009, 01:14 PM

حنا بانتظارك يوم السبت
لا تطول علينا

**عجولي** · 16-10-2009, 10:20 AM

من خلال متابعتي لمواضيع المنتدى شدي موضوع الأخ محمد الجهني

http://www.hondaarabia.com/club/showthread.php?t=27896

والذي قام بالرد عليه
متصفح

المشاركة الأصلية كتبت بواسطة متصفح

ماعليك من كلام البنشري الحين افتح كبوت السياره وشوف الطرمبة اذا عليها زيت او لا مثل الصورة

الصورة من موضوع اخونا زووم6 بعد التعديل عليها

نلاحظ وجود كمية زيت على طرمبة الدركسون وفي الحاله هذي تحتاج الى اصلاح ونلاحظ صوتها يكون مزعج اثناء تشغيل السياره

المهم انا رحت بسرعه وشيكت على الطرنبه وصورتها لكم

1

2

3

فمن خلال الصور وش رايكم يا شباب اغير الطرنبه او لا

**متصفح** · 16-10-2009, 04:16 PM

اخوي عجولي انا قريت موضوعك اكثر من مره لكن ماقدرت احدد المشكلة عشان اجاوبك لكن بعد ماشفت الصور قلت اعطيك معلومات تفيدك

في البداية صوت الصرصرة ماله علاقه بالطرمبة على حد علمي .. اي مشكلة في الطرمبة تسمع صوت زنه بشكل واضح وملحوظ طول الوقت حتى صوت السياره يكون مختلف(مثل موضوع اخونا محمد الجهني)...وصوت الشداد يكون طق طق طق وتلاحظ اهتزاز واضح في الشداد اثناء تشغيل السياره

الطرمبة عندك واضح فيها ترشيح بسيط وبعد فتره تحتاج اصلاح طرمبة فقط واذا ماعندك نقص في مستوى زيت الدركسون بشكل واضح تقدر تمشي عليها بدون مشاكل

صوت الصرصره من بكرات السير وفي البداية روح مغسلة سيارات وغسل كبوت السياره ومن ضمنها سير المكينة بمويه وصابون فقط وبالمره يروح الزيت اللي على الطرمبة عشان تشيك بعد اسبوع اذا في ترشيح او لا وان شاء الله يروح الصوت...بلغنا بالمستجدات

تحياتي

**عجولي** · 17-10-2009, 09:29 PM

ان شاء الله بروح بكرا اغسل بستم واوافيك بالتفصيل

**أغـار يا هـوندا** · 24-10-2009, 12:34 PM

آسف على التأخير
بس ظروفي ما سمحت لي
عمومآ
صلحنا السيارة وانتهينا منها
المشكلة/
عند الصباح ولما تجي تشغل السيارة بعد توقف لأكثر من 9 ساعات
عند التشغيل يطلع صوت مثل الاحتكاك كأنه حديد يتصادم ببعضه بصوت خفيف ولكنه مقلق
الإصلاح/
ذهبنا لإصلاح السيارة واكتشفوا الخلل أن هناك أربع رؤوس لفحمات السلف وأن أحدها لم يعمل
والثلاث الباقية تعمل ولا فيها مشكلة
الحل/
قال لي المهندس لازم تغيير فحمات السلف قلت أنا مغيره قبل سنه تقريبا
أصر علي بتغييره
قال إذا تبي تصلح الخراب لازم تشتري فحمات سلف
وشريته ب 200 وغيرتها
والحمدلله ماصار فيه أي صوت,,,
واعتذر مره أخرى على الإطالة والتأخير

سعود,,,