ميشلآن& تويو & سوموتوم !!؟

**A R N** · 08-10-2009, 06:25 PM

السلام عليكم

يسعد مسآئكم جميعآ "

حبيت آخذ أرائكم بحكم انكم المنتدى المرجع لي في امور السيارات

بخصوص الكفرآت

كفرآتي ميشلآن فرنسي 215 / 60 / 16

و اشوفها صراحه :

قويه + صبوره + تتحمل سرعات عاليه

لكنها ازعاااااج في عيون القطط

و بالسوق يقول ماعاد فيه الا صيني

المهم

انا مو مغير الايام هذي الكفرات لكن ودي اعرف معلومات عنها على شان تكون عندي خلفيه
اثق فيهآ لما اجي اغير !

لقيت في المحل نوعين

تويو + سوموتوم

التويو هو اللي اعجبني صرآحه

تويو " ياباني " مواصفاته 225 / 55 / 16

يقولي راعي المحل انه عريض وراسي
و لين ويتحمل سرعات عاليه و صبور

فـ أنا ابشوف ارائكم بحسب تجاربكم وشنو الافضل

و ايش تعليقاتكم بخصوص الموضوع !

وهذي الصوره تحت لـ تويو + سوموتوم

اليسار تويو واليمين سوموتوم

أنتظرركمـ

و السموحه على الاطاله :o

**وسيم الاكورد** · 08-10-2009, 07:07 PM

مرحباا اخووووي انا مركب كفرااات سموتموو100% ممتاااااااااااااازه مررررره مرررره

**حبيب هنادي** · 08-10-2009, 07:14 PM

,’
,’

شفـــــ سوموتومــــ شكلـــــ بســـــ

بســـــ أداء ما عندكـــــ أحــــــــــد

,’
,’

**lonly style** · 08-10-2009, 07:18 PM

افضل كفرات تحمل واداء وقوهـ وصبر وشكل الميشلان بس عيبها قاسيه احسها واصواتها عاليه ...

تويو هادي ويتحمل شوي لكن مو مثل الميشلان

سموتومو ما انصحك ابد سموتومو نبدلها لسيارة سواقنا ارخص ههههههه

**راعي الحلم** · 08-10-2009, 07:22 PM

انحش عن السوموتوم
عن تجربه شخصيه على سيارة اخوي
( كابرس 2004 جنط 17 )
والله انه افشل كفر ويحبل بسرعه

والله يوفقك بالكفر الكويس :d

**A R N** · 08-10-2009, 08:52 PM

المشاركة الأصلية كتبت بواسطة وسيم الاكورد

مرحباا اخووووي انا مركب كفرااات سموتموو100% ممتاااااااااااااازه مررررره مرررره

والله ياخوي ماعدت ادري

بس يوم راعي المحل رتب بالافضليه / قالي التويو افضل مدري وش السبب !

والاخوان هنا ما يأيدون السوموتوم !!

شاكر لك اهتمامك ومرورك الغالي

**A R N** · 08-10-2009, 08:54 PM

المشاركة الأصلية كتبت بواسطة حبيب هنادي

,’
,’

شفـــــ سوموتومــــ شكلـــــ بســـــ

بســـــ أداء ما عندكـــــ أحــــــــــد

,’
,’

نسجل صوت أول ضد السوموتوم !

شاكر لك مرورك الغالي

**A R N** · 08-10-2009, 08:56 PM

المشاركة الأصلية كتبت بواسطة lonly style

افضل كفرات تحمل واداء وقوهـ وصبر وشكل الميشلان بس عيبها قاسيه احسها واصواتها عاليه ...

تويو هادي ويتحمل شوي لكن مو مثل الميشلان

سموتومو ما انصحك ابد سموتومو نبدلها لسيارة سواقنا ارخص ههههههه

اجل لسواقكم :(

بس يمكن سواقكم فرفرته واجد وهالكفر يأدّي معه :p

والميشلآن قلق مو مريحه

ولا ودي فيها !!

شاكر لك مرورك الغالي

**A R N** · 08-10-2009, 08:58 PM

المشاركة الأصلية كتبت بواسطة راعي الحلم

انحش عن السوموتوم
عن تجربه شخصيه على سيارة اخوي
( كابرس 2004 جنط 17 )
والله انه افشل كفر ويحبل بسرعه

والله يوفقك بالكفر الكويس :d

اجل اتضح الموضوع من ناحية السوموتوم :d

بس للأسف ماحد جاب طاري التويو !!

معقوله محد جربه ؟

و شاكر لك مرورك الغالي اخوي

**زووم6** · 08-10-2009, 09:22 PM

السموتومو ما انصحك بيه اقل من سنه الا محبل معى

والحين مركب تويو من 5 شهور وتمام معى ونفس الكفر الى مصوره واسمه بروكسي او قريب من هيك :d

**ارص4180** · 09-10-2009, 04:05 AM

تويو + سوميتومو كلها مصنع واحد خذ كلام موثوق والاداء واحد اهم شي تاريخ الكفر جديد والباقي على الله

**متصفح** · 09-10-2009, 04:15 AM

التويو ياباني واسعاره منافسة
الميشلان جيد لكن الصيني ماانصحك فيه بصفه عامة والسوموتومو كثير اشتكوا منها
واذا مايهمك السعر شوف البرجستون
وانتبه لتاريخ انتاج الكفرات قبل ماتشتري...اكثر مشاكل الكفر من سوء التخزين او من تاريخ الانتاج يكون قديم

**هيموالمسعودي** · 09-10-2009, 04:38 AM

بريجستون تورنزا جي ار 80
215/55/16 وبسسسسسسسسسسسسسسسسسسسسسسسسسسس سعره 525 من الطلائع
وغيره لاتدور

**تويتي** · 09-10-2009, 04:52 AM

^^^^^^^^^^

**maaj** · 09-10-2009, 04:52 AM

اخي التويو ماكمل سنة معاي حبل بسرعة
السوميتومو الأخوان ماينصحون فيه
البرجستون جي ار 80 افضل الكفرات الآن في السوق وغيره لاتدور نصيحة من واحد يقطع اسبوعياً 1000 كيلو
غمض على السعر شوية صح انه غالي ولكن راح ترتاح وتدعيلي

**saudiboy** · 09-10-2009, 12:54 PM

أخوي إذا مستعد تدفع زياده شوي
خذ بريجستون جوده عاليه وناعمه أقل إزعاج من الميشلان وربي يوفقك

**سهم الوفاء** · 09-10-2009, 01:02 PM

أنا توي مركب سموتمو قبل 3 أسابيع

صوت الزفلت خفييف وبعض الاحيان مااسمعه

وإلى الآن ماشفت منها عيب كبير

وشفت لي أكثر من واحد يمدحها

والخيار لك

**عاشق ترابها** · 09-10-2009, 02:16 PM

أنا للمره الثانيه في الهوندا أركب تويو ورائعه للغايه ولا غيرت الكفرات القديمه إلا بعد ما حبلت لمده سنتين

وعندي في البيت ثلاث سيارات مختلفه ليست هوندا أمريكيه كلها تويو

**FiReFiGhTeR** · 09-10-2009, 04:20 PM

انا معي اكورد 2007 وعلى هالخطوط (الرياض -الخبر-الخرسانيه -الحفر -نجران -جده) يعني في الشهر الواحد امشي ما لا يقل عن 6000 كيلو و مركب سوميتومو وما شاء الله الرحمن لا ازعاج ولا تحبيل ولا انسلخ على الكفر ورساوه وما تزلق في الطرق المبلله والمنعطفات وامان والحمد لله والحين لها معي 9 شهور تقريبا فانصحك فيها اذا فلوسك شوي خذها من مراكز السوميتومو لا تاخذه من عند ابو يمن واذا عندك امكانيه فمثل ما قالوا الشباب برجيستون لاني ما سمعت احد اشتكى من كفراتهم

**sa_md1014** · 10-10-2009, 08:20 PM

انحاش من التويو والله على طول يحبل انا ركبتو ماقعد معي سنة
ورجعت ركبت المشلان في رمضان وصراحة المشلان تعطيك ثبات مو طبيعي وضمانها مفتوح حتى تنتهي دعست الكفر

**المايسترو77** · 11-10-2009, 12:12 AM

وانا اقولك خذ التويو وتكل على الله
بس حاول قدر المستطاع انك تحصل عليه من الوكيل المعتمد

**اكورد الرياض2007** · 11-10-2009, 02:26 AM

انا مركب ميشلان الماني قبل شهرين

بس عيبه قاسي شوي لكن اتوقع انه يتحمل اكثر واقوى اتمنى من الاعضاء الافاده اكثر

**@الاواكس18@** · 11-10-2009, 05:01 AM

سلالالالام

ان مركب سوموتومو وسيارتي أكورد 2008 وبصراحة الكفرات ماشية معاية 100/100

انا اشوفها احسن من الميشلان لااني مجرم الميشلان على السيارة

أما بالنسبة ل تويو انا ماجربت اسئل الي مجرمو

باييي

**عمري الأكورد** · 11-10-2009, 08:39 AM

انا وربي اليوم بغير الكفرات بس مدري وش اخذ

مثلك ياخوي

بس شوف المكسس كنه يمدحونه

ولدعمي عنده لومينا والله يقول اول مره غير الكفرات ركب ياباني وحبل بسرعه

والحين مركب مكسس يقول 100% ماشين معه

بس انا متحير اركب مكسس او لا ؟؟