صوت غريب مع تشغيل السيارة

**شلهوب سدير** · 16-10-2009, 08:15 PM

السلام عليكم

حياكم الله حبايب قلبي

انا عندي مشكله بالسيارة فيه صوت يطلع غريب اذا شغلت السيارة وخاصه اذا مشيت بعد صوت كآن السيارة لعبه

يعني صوت الدعسه غير عن الهوندات الثانيه

غيرت كل الزيوت ولااستفدت شي ، غيرت علبة المكينه ولااستفدت شي

الصوت لازال موجود ، والوكاله يقولون مافيها شي

بس والله الصوت واضح وقوي ومكان الصوت عند السير

وواحد قالي انه من البكرات < ترى مدري وش هالبكرات

وبالنسبه للمكيف مو قوي مثل اول يعني الهواء خفيف وش المشكله يمكن ض1

المهم الي عنده خبره يعلمني :d

والسيارة شوفوها بالتوقيع

**King** · 17-10-2009, 01:05 AM

افحص السيارة عند محلات الفحص هم يفيدونك

بس افحصها ميكانيكا ً

او روح على اكثر من ورشة وقوله الصوت هذا ومن وين جاي وكيف احله , اهم شيء تطلع بفائدة

ومر على اكثر من ورشة لأن كلامهم متفاوت وبعضه غير صحيح ..

**شلهوب سدير** · 17-10-2009, 02:12 AM

المشاركة الأصلية كتبت بواسطة king

افحص السيارة عند محلات الفحص هم يفيدونك

بس افحصها ميكانيكا ً

او روح على اكثر من ورشة وقوله الصوت هذا ومن وين جاي وكيف احله , اهم شيء تطلع بفائدة

ومر على اكثر من ورشة لأن كلامهم متفاوت وبعضه غير صحيح ..

جزاك الله خير

والله رحت بس كلهم يقولون مافيها شي

وبعض الاحيان كل واحد يعطيني شي الي يقول من المكينه والي يقول علبة الدركسون وطفشت والله

الصوت عند السير تقريبا ً

**King** · 17-10-2009, 02:41 AM

طيب روح لورشة ام الحمام إذا تعرفها انصحك فيها رقم 20

**شلهوب سدير** · 17-10-2009, 02:47 AM

المشاركة الأصلية كتبت بواسطة king

طيب روح لورشة ام الحمام إذا تعرفها انصحك فيها رقم 20

ان شاء الله ابروح

وبالنسبه للمكيف الهواء خفيف مو قوي مدري ليه

**King** · 17-10-2009, 02:53 AM

تأكد من فلتر المكيف مركب كويس

لأنه لو ركب بالعكس راح يجي هواء ضعيف << ممكن مو هو السبب الرئيسي لكن شيك عليه

ولو تلاحظ انك إذا شلت الفلتر يجي دفع الهواء قوي وودك يصير كذا دائم لكن الأفضل انك تركب الفلتر عشان يصفي لك الهواء ولا تطلع لك روائح مالها عادي

**شلهوب سدير** · 17-10-2009, 04:04 AM

المشاركة الأصلية كتبت بواسطة King

تأكد من فلتر المكيف مركب كويس

لأنه لو ركب بالعكس راح يجي هواء ضعيف << ممكن مو هو السبب الرئيسي لكن شيك عليه

ولو تلاحظ انك إذا شلت الفلتر يجي دفع الهواء قوي وودك يصير كذا دائم لكن الأفضل انك تركب الفلتر عشان يصفي لك الهواء ولا تطلع لك روائح مالها عادي

تسلم يابعدي ، ماقصرت :o

**شلهوب سدير** · 17-10-2009, 11:52 PM

محد يدري الصوت من وين :d

**شلهوب سدير** · 19-10-2009, 03:05 PM

الي يعلمني الصوت من وين له 100 ريال مني بس يالله علموني :d

**K H A @ L I D** · 19-10-2009, 03:22 PM

اخوى الصوت على سرعت كم ؟؟؟؟

اما المكيف صار ضغيف تحصل الفلتر معدوووووووووم نظفوو وركبو

**المايسترو77** · 19-10-2009, 05:44 PM

والله ياحبيبي ارجع للوكالة وامتحنهم وانشبلهم لين يشوفولك حل
حلوه ذي يصرفونك والسيارة ع الضمان
لو ان الضمان منتهي كان قالولك وش المشكله عشان تدفع بس

**badr** · 21-10-2009, 04:13 AM

اخوي المشكلة صايره معااي انا بعد صوووت حنه معى الدعسه صح
الصراحه كرهتني السياره وياليت احد عنده حل للصوت هااذا

**تشلساوي2009** · 21-10-2009, 09:04 AM

المكيف هين سهلة اكيد من الفلتر الي بالدرج فكة ونظفة واغسلة وسو في الي تبي الين بنظف

اما الصورت شيك على الفلتر المكينة

**اكورد سدير** · 23-10-2009, 03:11 AM

حي الله ولد حارتنا ----> النزهه ;)

شف هي اذا كل مادعست زادت شوي معناها علبة الدركسون على ماضن عبها وعلى طووول يختفي الصوت.

**بلال العلمي** · 23-10-2009, 08:58 AM

صور فيديو ونزله لنا

لازم تفتح الكبوت وصور وخلي واحد يدعس فرامل وقول لنا ان الصوت هذا اللي يطلع

كذا يمكن ان شاء الله يبان لان فيه اكثر من سبب يخلي الاصوات هذه تطلع

من مجرد وسخ في السيور الى مشكلة في المحرك نفسه

لو تصور لنا فيديو وتنزله نقدر نعرف بالطريقة هذه

**شلهوب سدير** · 24-10-2009, 02:42 AM

مشكورين

والي يسأل عن الصوت يطلع اذا مشيت لو امشي 20 يطلع وحتى اذا دعست بقوه يزود

ويااكورد سدير انا مو بالنزهه ، لكن كل العالم تقول اني بالنزهه بس انا مو هنآك والله :d

**ميسو الرياض** · 08-07-2010, 02:27 PM

في وراشه والصناعيه القديمه اسمه ورشة الجنواب على شارع القطع مافي غير هي على الشارع والله ممتازه رحاله ماراح تاخسر واذا ضبعت او شي هذا جوالي واتصل علي 0557075042 ونازيك ماخليت وراشه مارحتله بس بعد ماواحد من اخوايي وصفلي هذي الوراشه والله يطلعلك العيب لي بسيارتك ويعلمك وحسن والله انه من الوكاله

**ابراهيم2008** · 08-07-2010, 02:49 PM

جرب تسوق السيارة بدون ما تشغل المكيف >> لمدة ربع ساعة
اذا ما طلع صوت يعني طلع عندك الكمبرسر حق المكيف خربان لان الكمبرسر موجود بالقرب من السير
واذا طلع الصوت يمكن يكون عندك شيء خربان >> بس مدري شنو هو :d

**الوهم الاخير** · 08-07-2010, 03:02 PM

^^^^^^^^^^^^^^^^^

حبايبي الموضوع قديم من 2009 سلامات ليش ترفعوه انت واياه

**ابراهيم2008** · 08-07-2010, 06:41 PM

خخخخخخخخخخخخخخخخ اي والله صدقت
من 2009

يعطيك العافية

و مرة ثانية لا تحط علم امريكا في توقيعك حط علم اسبانيا
خلاص امريكا برة المونديال

**شلهوب سدير** · 08-07-2010, 07:20 PM

الموضوع قديم
والمشكله صارت من رمآن القير :d

**تركي 888** · 08-07-2010, 11:14 PM

صارت لي نفس المشكلة تقريبا وهبلوا فيني الورش كل يفتي

والحمد لله طحت لي في واحد اجودي وابن حلال صلحها لي بعشرة ريال بعد ما بغوا كم واحد ينهبني 2500ريال

وحل مشكلتك ممكن يكون في ردي في هذا الموضوع
http://www.hondaarabia.com/club/show...548#post414548

**الشقاوي** · 09-07-2010, 04:01 AM

حبيبي أنا أتوقع وأحتمال كبير أنه يكون رمان خربان صوته مثل الصفير وكل فتره تلقه يزيد أكثر , وممكن يكون حق ميزانيت السير ولا رمان الكمبرشر حق المكيف إذا هو ضعف التبريد , وإذا طلع كلامي صحيح قلي أرسلك رقم الحساب هههههه