احترت أكورد أو ألتيما

**الدكتاتور** · 29-10-2009, 01:19 PM

السلام عليكم ورحمة الله وبركاته

احترت ياشباب وش اشتري
اكورد اوالتيما
الكل فل كامل
6سلندر
وابي رايكم ياشباب علماً اني سمعت ان الاكورد فيها اعطال كثيرة
وخويي معه التيما 2009 ماشيه معه زي الحلاوه
وانا محتار الاكورد حلوه بس مافيه مواصفات
والالتيما حلوه بعد وفيها مواصفات رهيبة

واللي استغرب عليه انتشار الالتيما بشكل كبير

ابي كل واحد يعطيني رايه وليه اختار
اكورد اوالتيما

**kakashi-san** · 29-10-2009, 01:26 PM

وعليكم السلام ،

تم تجربة ألتيما 6 سلندر 2008

بصراحة يا هي عليها مواصفات بططلة من جد ..

ما شاء الله ، تبارك الله ،، أشوي بقول عنها لكزس ..

لكن بصراحة في 3 أشياء ما اعجبتني فيه الالتيما ..

- الثبات ، ثبات الأكورد أفضل منها ، الألتيما تحس مع كل شاحنه تمر عليها ، بتروح يمين ويسار !
- بدي الألتيما خفيف مرة ، وأقل صدمة راحت عليك من السيارة اشياء كثيره ، !
- وكيلها بصراحة في الصيانة ما له داعي ،
< واحد من ربعي معه التيما 2005 مدري وش كان مخترب فيها ، وقعدت في االوكالة أكثر من شهر عشان الطلبية !

اذا انت مهتم بالمواصفات والسرعة ، بصراحة انا ارشّح الألتيما ..

لكن اذا انت مهتم بالجودة وسعر البيع والصيانة ، خذ لك اكورد ..

بالتوفيق ..

**KSU** · 29-10-2009, 01:34 PM

انا كان ودي بالتيماء بس قالوا مافي مخلصة....
واخذت الاكورد صراحة الاكورد شكلها من الخارج مره حلوه
والاكورد تلعب معاي في الخط

**open window** · 29-10-2009, 02:19 PM

المشاركة الأصلية كتبت بواسطة ksu

انا كان ودي بالتيماء بس قالوا مافي مخلصة....
واخذت الاكورد صراحة الاكورد شكلها من الخارج مره حلوه
والاكورد تلعب معاي في الخط

ما شاء الله مافيه الا انت الي يقول الكلام هذا
شكلك ماتدري وش معنى تلعب فيها الهوى مع احترامي

**اكورد 2006 وبس** · 29-10-2009, 02:40 PM

الالتيما بطلوها روح شوف المكسيما 2010

**Y.k.A** · 29-10-2009, 02:43 PM

2010

الالتيما بيغيرون اشياء في الوجهيه و من داخل

اما الاكورد نفس مااااهي عليه

**abdulmajid** · 29-10-2009, 02:58 PM

بصراحة انا متحير بعد ..ولكن صوت للأكورد

راسية في الخط مالها خرابات نهائياً..صناعته قوية شكلها حلو رسمية ولكن قطع غيارها غالية جداً مافيها مواصفات وأغلى من الألتيما بيكون فيها تغير في الأسطبات الخلفية بالنسبة للـ 6 سلندر.

اماا التيما شكلها شبابي أكثر من الرسمية مقاومات مساقط مواصفات و استرالية الصنع قطع غيار أرخص من الأكورد ولكن إذا صدمت راحت عليك (الله يعوضك) خفيفة جداً والمكسيما طلعت بتخرب عليك وسعرها رخيص.

المكسيما من101 إلى127 ألف ريال
السياحي يجي فتحة وجنوط..!!!

وأتوقع باقي موديلات 2010 مانزلت لين الحين ..كرسيدا وأكورد والتيما...
استخر ..وتوكل على الله

**Silver Aurion** · 29-10-2009, 03:06 PM

^^^^^^^^^^

يالحبيب .. الالتيما امريكي مو استرالي

~~~~~~~~~~~~~

انا اقولك خذ الاكورد اريح لك .. شكل احلى من الالتيما اللي ما دري ايش يبغى خصوصا الخلفية

الوكيل الحمراني سيء جدا ..

خفيييفة خصوصا بالسرعا العالية .. يعني راح تضحي بالرساوة

**ABO.YOUSEF** · 29-10-2009, 03:21 PM

شوف اخوي انت حاط الموضوع بمنتدى هوندا وقسم الاكورد يعني لا تتفاجئ انا الاكورد راح تاخذها ولا بالفرق << عادي يعني
وثانيا ..اذا تبي تشوف وش افضل عموما الاكورد بدون لف ودوران ..بس ع حسب اذا انت تبي مواصفات وسعر جيد جدا ولا همك الشكل ولا الرساوه ولا الفخامه الداخليه والخارجيه ولا الصيانه و البيع ..خذ التيما !!

**ABO.YOUSEF** · 29-10-2009, 03:22 PM

المشاركة الأصلية كتبت بواسطة Silver Aurion

^^^^^^^^^^

يالحبيب .. الالتيما امريكي مو استرالي

~~~~~~~~~~~~~

انا اقولك خذ الاكورد اريح لك .. شكل احلى من الالتيما اللي ما دري ايش يبغى خصوصا الخلفية

الوكيل الحمراني سيء جدا ..

خفيييفة خصوصا بالسرعا العالية .. يعني راح تضحي بالرساوة

<< شهادة محايد :d

**ulv** · 29-10-2009, 05:11 PM

بختصااااااااااار تبغه رساوه وفخاااامه وجوده خذلك اكورد
تبي سرعه ومطارحاات وجنااان وبدون رساوه طبعا خذلك التيما

وريح دمااااغك وشكراااا

**sul6an** · 29-10-2009, 05:34 PM

اكورد وبس

**م ج رد حلم** · 30-10-2009, 11:17 AM

اذا تبغى سيارة قويه لاتفكر في الاكورد نصيحه

**ACCORD 167** · 30-10-2009, 03:43 PM

كجودة وافضلية اكورد
مشكلة الالتيما انها تتفكك لكن دلع من الداخل وشكل ولااحلى
واذا بتاخذ 6 سلندر صدقني
الاكورد كمكينة وسرعه افضل من الالتيما (انا مجرب 2007)v6مع التيما v6و كانت الافضلية للاكورد بس تبي سواق
ولاتنسى ان الاكورد حاليا بوديها اثقل من الالتيما