الجير يتأخر بالاقلاع في الأكورد 2002

**TheTeck** · 01-11-2009, 07:29 PM

السلام عليكم ورحمة الله..

حبيت اسأل عن سيارتي..

أكورد 2002

المشكلة لدي هي أني أول ما أعشق على الd
يتأخر الجير من 2 إلى 3 ثانية حتى يبدأ نظام الدفع بالعمل، عندما يبدأ بالعمل كل شيء طبيعي، ويغير الغيارات كلها بدون مشاكل والحمد لله..

فقط هي هذه الظاهرة، فهل هي طبيعية؟ أم أن هناك خلل ما؟

مع الشكر للجميع

**هوندا 0770** · 01-11-2009, 07:44 PM

والله ودي أخدمك بس ماعندي معلومة متأكد منها
أقول يمكن فلتر القير وسخ غيرة مع الزيت
أذا ما نفع فأنة القير ضعفان
تحياتي مجرد معلومة غير متأكد منعا
الشباب ما بيقصرون معاك

**بلال العلمي** · 02-11-2009, 08:45 AM

غير الزيت مع الفلتر وتكون ممتازة معك باذن الله

**HonDa 2o0o** · 02-11-2009, 01:31 PM

^^^^^^^

اخوي بلال الله يعطيك الف عافية

بغيت اسألك /

هل للموديلات 98 - 2002 لها فلتر للقير والا لا

يعني لو بغيت اغير زيت القير اقدر اغير معه فلتر

تحيتي

**بلال العلمي** · 02-11-2009, 01:39 PM

جميع السيارات فيها فلتر للقير والافضل يتغير مع الزيت لكن اذا سيارتك لها فترة طويلة وما غيرت الزيت حق القير ينصح انك تزيده بس مو تغيره

**HonDa 2o0o** · 02-11-2009, 02:05 PM

لي تقريبا شهرين وانا مغير زيت القير

لكن بالنسبة للفلتر توي اسمع ان للقير فلتر

طيب اخوي شكلي بتعبك معي

ممكن اعرف وين مكانه <<< اذا فيه صور

**بلال العلمي** · 02-11-2009, 02:25 PM

هي بنفس المكان اللي فيه الصورة

هذه صورة فلتر القير بالنسبة للنوع الامريكي 4 سلندر وهي نفسها اللي عندنا بس شكله غير

يجيك تحت فلتر الهواء

**متصفح** · 02-11-2009, 04:03 PM

شوف وانا اخوك وقت ماتكون رايق افتح كبوت السياره وشوف المنطقة بين المكينة والرديتر مثل الصورة

اذا لقيت الفلتر الي بالصورة عليه دائرة اجل روح للوكالة واشتريه وغيره في اقرب فرصة وهذا شكل الفلتر ورقم القطعة

وياليت تبلغنا بالمستجدات سواء لقيت الفلتر او مالقيته وايش يصير معاك في كل الاحوال

متابع الموضوع ......موفق ان شاء الله

**محمد بن عبد العزيز** · 02-11-2009, 07:18 PM

اول شي ,,
اذا تتاخر في التغييرات والقير حار يعني لما تكون ماشي بالسياره فتره طويله
..
فأعتقد من الكلتشات..
صارت معي مرتين .. بالاكورد حقتي 2002
طبعا المره الاولى غير الزيت ونفس المشكله واستمريت عليها الى ان ودع القير صار قير عادي من كثر المناكح الي شفتها ..
وجربتها للمره الثانيه .. وسالت عن الفلتر قالو مافيه وتعبت وبحثت ودخلت السياره للبيت ماحصلتها . وجزاك الله خير يامتصفح صدق انك اطلق شخص ^_^

...
بس مافيه مانع انك تبدا بالتجربه انك تغير فلتر القير + زيت القير
وتشوف اذا فيه تغيير كان بها اذا مافيه الله يعينكـ لازم فكـ قير

التجربه على2002

**HonDa 2o0o** · 03-11-2009, 01:36 AM

بلال العلمي <<< يعطيك العافية لكن الصورة هذي لأي موديل ؟

متصفح <<< يعطيك العافية سؤالي لك نفس سؤالي لأخوي بلال الصور لأي موديل ؟

محمد بن عبدالعزيز <<<< يا كويس غريبه ما تعرف اذا كان موديلاتنا فيها فلتر والا لا :d

**محمد بن عبد العزيز** · 03-11-2009, 02:33 AM

والله ياصديقي ..
يوم غيرنا فلتر القير انا وكوكو كورد بسيارته
دورت بموتري وتعبت وانا ادور

المهم الوعد الاستراحه تعال هناكـ وازبط موتركـ

:d

**HonDa 2o0o** · 03-11-2009, 09:09 AM

وانت بس جيد في موتري :d

صارت حقل تجارب

**متصفح** · 03-11-2009, 01:22 PM

الصورة من منتدى اجنبي وصاحب الصورة سيارته اكورد 98-02

لكن للحين مو متاكد اذا الفلتر موجود في المواصفات السعودية او لا ياليت احد يشيك ويعطينا خبر للتاكيد عشان نعتمد الموضوع ويستفيد باقي الاعضاء

**HonDa 2o0o** · 03-11-2009, 01:32 PM

ان شا الله انا بشيك على المكان اذا كان فيه والا لا

ولا يهمك اخوي

**محمد بن عبد العزيز** · 04-11-2009, 03:15 AM

1- اعتقد يركب مكان الجلده الحمرا تحت بالصوره ويكون مستقيم
2- يركب بالطرق الايسر تحت الي بالصوره .. وولي الزيت يراح يكون منثني افضل من قصه والقص يبيله وزنيه واهتمام

وش رايكم .. طبعا سعر القطعه بالوكاله 184 ريال
طلبت 2 وحده لي وحده لـhonda 2000
ابو حقل تجارب ..:d

وانتظرووو التقرير .. وان شاء الله تكون متواجد بالوكاله ومايسحبون علي ..
وكوكوكورد اطلق شخص وهو الي صور وهو الي ساعدني وهو الي تكى معي
يكفي والا تبي زياده^_^

**B Useful** · 04-11-2009, 03:38 AM

^^ طيب ،،! بطارية الجوال خلصت وانا اصور ..! حط اسمي لو بالغلط في الحقوق على الصورة ،،! موب تزرفني وتو مالنا ساعة بالاستراحة <<< مصعب وينة .. في الاستراحة ..!

**متصفح** · 04-11-2009, 03:54 AM

ياشباب الصورة ماتظهر وجربت افتح المنتدى في الاكسبلورر وفايرفوكس واوبيرا :(
لاهنتوا احد يرفعها على المنتدى واكون له من الشاكرين

**محمد بن عبد العزيز** · 04-11-2009, 04:06 AM

زبطنا اسمكـ :d لاتاكلنا ..

وتم رفع الصور على البوم المنتدى ..

**HonDa 2o0o** · 04-11-2009, 11:43 AM

محمد بن عبدالعزيز <<< وين الصور ما شفناها .. انت حصلت الفلتر والا لا ؟؟ لاني ما شفت الفلتر على سيارتي
وبعدين شكرا على القطعة

وهذي الصور مثل ما وعدت اخوي متصفح

وانا ما حصلت الفلتر مدري من الوكالة ما فيه والا مزروف فيها :d

وان شا الله تكون واضحه

معليش السيارة مغبره من زمان ما غسلت الماكينه :d

**محمد بن عبد العزيز** · 04-11-2009, 06:36 PM

فسر الماء بالماء >>بينطق

ياصاحبي.. مكان الفلتر لي صغنون كما هو مبين عندك وعندي .. يبيلكـ فلتر تشبكه من ليَ للفتحه ..الي بالصوره الثانيه بالرد

فقط فلتر ويتم تركيبه

وبكره ان شاء الله .. تروح للمحل وتحاسب حق القطعتين.. وتجيني بالاستراحه خخخخخخخخخخ

ماعليك فيه خصم كويس..:d

**HonDa 2o0o** · 05-11-2009, 01:31 AM

والله اللي يمون بقوة خخخخخخ

اقول بكره بيننا اتصال عشان تروح معي طال عمرك

وبعدين ردي بالصور عشان ابين ان ما فيه فلتر وعلى كلامك يتم تركيبه

الموهم بكره بس

**متصفح** · 05-11-2009, 06:42 AM

محمد بن عبدالعزيز - HonDa 2o0o

يعطيكم العافيه على التوضيح

في انتظار التقرير ...

**TheTeck** · 12-12-2009, 09:32 AM

أشكر جميع من شارك في الاجابة..

بحثت عن فلتر للزيت ولم أجده..

ولكن الأسبوع الماضي قلت لنفسي لم لا أغير زيت الجير..

مع أني لم أستخدم الزيت الأول أكثر من 20000 كلم، وكان من نوعية ACDelco ATF III

ذهبت وغيرته، ولكن ركبت زيت ألماني الصنع (نسيت اسمه لكن سعر العلبة 40 ريال)
وهو من فئة DEXRON

والحمد لله المشكلة انحلت..

أول مرة أعرف انه في فرق بنوعية الزيوت بهذه الطريقة.