الموضوع: صوفه القير !

السؤآل هنآ :

س1: مآهو السبب المتوقع الي خلهآ تهرب زييت لآبد يكون فيه سبب والعلم عند الله

أكيد صاحبها الاول يعرف مشكلتها وايش كان فيها

س2: كم تتوقعون بتكلفني في ورشه وكم بتكلفني بالوكآله

احسب القطع مع شغل اليد وعلى حسب إذا انت من النوع إلي تدور ورش كثيرة وتسأل يفرق معاك السعر لكن سعر القطعة ثابت << إذا كان اصلي

س3: هل هنآلك خطر في الموضوع يعني أقدر أطنشهآ شهر أو شهرين ليمآ أفرغ ولآ المسأله خطيره ؟

ممكن ينعدم عليك القير ولا يعشق والسيارة ماتمشي إلا بالقير ! , حاول قدر من المستطاع انك تصلحها بأقرب وقت ولا تأخر

س4: إذآ كآن تعرفون لي ورشه محترمه شغله شغل وكآله

انا من رأيي انك تروح الوكالة بما انها على الضمان وراح يحلون لك المشكلة إلا في حال ان المشكلة صارت بسبب سوء إستخدام !

المشكلة انك ماتعرف وش سببها , المهم قبل لا تدخلها الوكالة اسئل المهندس قبل لا تحجز وتدخل السيارة إذا قال لك يشملها دخلها وإن شاء الله تنحل المشكلة

,

سلام عليكم 00 غيرت صوفة القير وصوفة المكينة الخلفية ،طبعا صوفة المكينة الخلفية لازم ينزل القير وهذا هو المزعج في الموضوع 00 طبعا الصوفتين وحده 23ريال فقط والثانيه 53ريال فقط من وكالة عبدالله هاشم على طريق العروبة ، بالاضافة 3 علب زيت قير .
وشغل اليد كلف 350ريال عند ورشة عشرين في صناعية ام الحمام ومن تيسير العزيز الحكم ان الشغل كان موفق 00
نصيحتي لك تأكد من فحص السياره في اكثر من ورشة وفيه ورش متخصصه في الهوندا كثييييره في الرياض 00 الى اللقاء

^^ اية .. قصده فرع قطع الغيار بالعروبة .. ^^

الاخ صاحب الموضوع ، صلحها بالوكالة على الضمان ولا رح نقنق ١٠٠٠ ريال برا الوكالة ، القطعة رخيصة بالعشرات وشغل اليد بالميات ..!

فيه صوفتين للقير

1- خارجي ويكون من عند العكس

2- داخلي ومشكلة كبيرة في تصليحه


الخارجي ما فيه مشاكل من ناحية تغييره فهو سهل مجرد كفر وعكس يطلعون


لكن الداخلي هنا اكبر مصيبة لان الصوفة الداخلية تكون بين القير والمكينة يعني بالعربي لازم تنزل القير تنزيل كامل وتفك الطنجرة وبما انك فكيتهم الافضل تغير صوفة المكينة الداخلية وصوفة الطنجرة الصغيرة وصوفة القير نفسه وبعده لما تركب راح تلقى انك تعبي مابين 7 الى 9 علب زيت للقير وهذا كله مكلف


هذه نتيجة انك تعبي زيت في ورش عادية لانه لو عبى زيت زائد عن الحد كذا بتصير مشكلة في السيارة من ناحية الضغط اللي يتولد ويضرب الصوف لك