الموضوع: اسباب الرجه في السياره

السلاااااااااااااااااااااااااااااام عليكم ورحمه الله وبركاته
اولا وقبل كل شي بتكلم معكم عن الرجه في السياره وانت تسوقها يعني من يوم تتحرك
اسبابها (1)اكشف على كراسي المكينه
(2)اكشف على كراسي الجربكس
(3)تاكد من الكفر انه سليم مو معدوم +الترصيص ويفضل انه ارضي اذا الجنط مو تمام
(4)اكشف على البواجي طبعا تغير بعزم السياره يعني تزيل هزه المكينه من ضعف الكهربه
(5)اكشف على العكوس لان داخلها زي الشحم اذا ساح يسبب رجه يوم تحرك السياره
ان شاء الله رح تروح الرجه اذا تاكدت من ذي الحاجات

وفيه رجه اذا ضغطت على الفرامل هذي سبب من الهوبات لازم تخرطها وتتاكد من صلاحيه الفحمات
اللي هي الاقمشه

وفيه هزه بالسياره وانت واقف حلها
(1)تاكد من البواجي اول شي انها كويسه
(2)مداخل ومخارج الهواء للمكينه
(3)تاكد من ان الحساسات كلها شغاله بالكشف عليها بالكمبيوتر


***************************************
انا صارت مع مشكله الرجه وانا ماشي بالسياره طلعت من شحم العكوس لقيته سايح وحط لي شحم حراري جديد طلعت عيني لين زبطت لانه كان اخر حل
**********************************************
وصارت معي مشكله الهزه وهي شغاله وواقفه السياره طلعت من حساسات طفت بسبب تغييري لبطاريه السياره ببطاريه اعلى امبيرها وكشفت عليها بالكمبيوتر وعاد تشغيلها عن طريق الكمبيوتر وصارت ميه ميه
***********************************************
وان شاء الله اني افدتكم باللي اقدر عليه وان شاء الله تروح الرجه اللي بسيارتكم اما رجت عقولكم مالي دخل :d
اللورد عاشق الاكورد