رد مع اقتباسوين الردود :(
لمبة الماكينة و حوسة التغييرات بالقير
السلام عليكم
كيفكم شباب
من العايدين وكل عام وانتم بخير
سيارتي اكورد 2004 4 سلندر السيارة تصير عندي مافيها اي مشكلة بس احيانا تولع لي لمبة المكينة بالطبلون
يعني مثلا اذا كنت ماشي وهديت بوقف عند اشارة ولا شي تولع اللمبة بعدين احس السيارة تجي علي وجهها واحس فيها رجة ولما امشي وهي مولعه اللمبة القير يصير تغييراتة تتاخر بالتبديل يعني بيمشي بنمرة رقم 2 و 1 وزين يغير للتغيرة الثالثة واذا وقفت السيارة و وامنت القير وقمت اعطيها بنزين احس فيها تفتفة ثم تطفي السيارة
ولما اشغل السيارة اللمبة تختفي والسيارة تكون ممتازة بس من تولع تبدا مشكلتي والمشكلة ماتصير معي الا اذا كنت ماشي بشويش
السيارة قبل 5 شهور وديتها للوكالة وسويت لها فحص كامل قالوا لي عندك منظم الهواء والكمبيوتر غيرهم :(
ووديتها لمركز قير كو وفحصتها قال عندك حساس الدعسة خربان لازم نغيرة وهو المسؤل عن اللخبطة اللي بالقير بيغيرة مع البرمجة ب600 ريال
وفحصتها عند ورشة قال عندك حساس tpc اللي عند منظم الهواء خربان وقال ان الكهرباء اللي توصلة ضعيفة
:(:(:(
وين الردود :(
طيب سو الي قالوا عليه الوكالة ؟
الأشياء المحتمل تغييرها هي :
1- البواجي.
2-فلتر الهواء.
3-فلتر البنزين.
4-منظم الهواء.
5-عمل برمجة للقير.
6-تغيير زيت القير.
(هذه محتمل تغييرها وليست أكيده !)
ودها الوكالة وخلهم يشيكون عليها ( فقط تشييك,وليس إصلاح )
راح يطلع لك تقرير بالخرابات الموجوده , اشتر القطع من قطع الغيار ( سواء من النعماني او من الوكالة )
ودها عند ورشة ام الحمام بالعروبة , رقم الورشة 20 بما انها معروفة عن الشباب ويمدحونها كثير ..!
{تشييك الوكالة يكون بالميكانيكا , لأن لكل فحص له سعره الخاص !}
:(
وعليكم السلام
يا هلا أخوي وكل عام وأنت بخير أنا مرت علي أنه ولعت لمبة المكينة وأحسها مو صافية لكن تعشيقاتها تمام فحصت كمبيوتر وقالولي يبغالك بس تنظيف منظم الهواء وتغيير البواجي ولله الحمد بعد ما غيرت البواجي ونظف المنظم صار الموتر أحسن من أول ولا كأن شيء صار ....... وأنا أنصحك أول شيء تنظف المنظم وتغير البواجي وما راح تكلفك شيء واجد بعدها شوف وش يصير معك والله يكون في عونك ..
ترا موضوعك بسيط مره صدق انه مقلق ومحير لكن فالاخير بتكتشف ان السبب تافه جدا وحله سهل
انا مرت علي مشكله قريبه منك وهي اني اذا دعست العزم يكون بطيئ مره مره بعيد يبدا يتعدل شوي شوي شوي شوي لين يكون طبيعي وكانت لمبة المكينه شغاله رحت لورشه وقال لي غير حساس ورحت جبت حساس من التشليح وركبته المشكله خفت بس ما راحت قلت مانيب جالس اتعبث بالكهرب رحت فحصت كمبيوتر وطلع المشكله فالحساس نفسه الي اشتريته من التشليح طلع خربان هههههههههههههه
رحت وبدلته ومن بعدها والسياره صايره تمام التمام راحت لمبة المكينه السياره زان عزمها ومعد فيه تفتفه
نصيحتي لك اول شي تروح وتفحص كمبيوتر وراح يحدد لك المشكله بالضبط وانا اتوقع انه الحساس الي تحت الثلاجه بس مثل ماقلت لك افحص كمبيوتر قبل وراح تدعي لي انشالله
تحياتي
شيك على حساس الشكمان احتمال منه لانه كانت عندي مشكلة لمبة المكينة
حساس المكينه لان صار لي نفس مشكلتك وكل ماعشقت تطفي
ضوابط المشاركة
مواقع النشر (المفضلة)