رحت الوكاله وسألت عن تنجيد (جلد) وجاني الرد صاعق

**green devil** · 08-12-2009, 12:48 PM

السلام عليكم

كيفكم ان شاء الله بخير

المهم السالفه اني ابي اركب انجد الداخليه جلد :d بس ما ابي مثل حق المحلات هذي الي شهر ويطلع لونه ويصير كئيب ويفشل :p

المهم قلت بشوف الوكاله يمكن تسوي ( واحد يقولي الوكاله كل شي تسويه دام فيه فلوس) :d
المهم رحت فرع الدمام الظهر..وكانو بيسكرون وخلاص
شفت واحد كل ما اروح اشوف وجهه هو حق الصيانه تقريبا سألته وكذا
قالي ما نسوي بس تبي نغير لك كراسي كامله :d( ولعنه اجل ما اغيرهم )

بس قالي شوف في واحد في المبيعات داخل اسمه ( عبدالرحمن الصيخان ) مدري الأسم صح ولا نسيت
قال هو عنده هوندا ..ومركب جلد في محل ..نفس حق الوكاله 99% قلت له طيب وين المحل ( قالي في الأحساء) وشغله ماعليه كلام بس ما اعرف اسمه
روح داخل لو لسه فاتحين المعرض يمكن تحصله اسال عنه وسأله ويقولك ..

بس حسافه :( المعرض سكر وكنت مضظر امشي
السؤال هناا
هل احد يعرف محل يسوي نفس كذا ... ابغى جلد نفس الأصلي مو اي كلام
ما ابي محلات الي تنجد ب 450 ولا 500 وبعد شهر يتشقق ويطلع لونه ويتقشر

الي يعرف يقولي لاني معزم اركب جللللللد :d

**يامطنش** · 08-12-2009, 01:54 PM

الكثيري في الرياض شارع الغرابي حط في بالك حول 2500 ريال تزود تنقص مدري بس شغل وكاله

**green devil** · 08-12-2009, 02:04 PM

مشكوور اخوي
بس في الرياض

ابي في الشرقيه

**salamify** · 08-12-2009, 02:56 PM

والله يا غالي أفضل طريقة هي إنك تشتري لك مراتب من التشليح وتكون جدا جدا جدا نظيفة وبكذا ترتاح لأن جلد الوكالة أفضل من أي محل ثاني.. وحتى لو توفر الجلد في الوكالة راح يكون السعر خيالي..

**scorpion_13** · 08-12-2009, 03:05 PM

هلا اخوي
اذا بغيت اتصل على ذا الرجال اسمه رائد 0551873041
اسمه الشركة تعديل
انا منجد عند فرعهم اللي بالرياض وشغلهم تمام
علما اني منجد فولكس فاجن باسات 1700
وسألته عالاكورد نفس الوكالة بالضبط حول 2000 ريال
واي خدمة انا جاهز

**just ACCORD** · 08-12-2009, 03:07 PM

هلا اخوي اتوقع يقصد محل تنجيد في شارع الملكي في الاحساء اسمه عالم التنجيد

والله مدري عنه بس معروف انه شغله تمام بس عن السعر مدري والله

ان شاء الله افدتك

**ماهمه** · 08-12-2009, 03:08 PM

انا مركب جلد نفس حق الوكالة بالضبط ونفس النقشة والتكاية اللى في النص 100%100

والله في الغرابي عند محل الأسماعيل وله الحين سنة مع العلم ان سيارتي نفس سيارتك بس

أكيد كل شهر امسح الجلد بماء والله ولا احلى ولا تشقق ولا شي

**اكورد الخرج** · 08-12-2009, 04:58 PM

انصحك اخوي ...شارع الغرابي.. محل الأسماعيل
.
.
ترى يستاهل الدزه عشانه ...:p

**يامطنش** · 08-12-2009, 05:34 PM

اما الاسماعيل والله ما انجد سيكل عنده حرام المشوار له وخسارة فلوس

**S.M.A.R.T** · 08-12-2009, 05:48 PM

الكثيري وانت مغمض وبصراحة نوعية الجلد اللي عنده احسن من الوكاله وشفتها بنفسي

**green devil** · 08-12-2009, 06:19 PM

مشكورين شباب افدتوني صرااحه

بس اكثر المحلات في الرياض

افضل انا محل في الشرقيه بشوف الي في الأحساء

والله يا غالي أفضل طريقة هي إنك تشتري لك مراتب من التشليح وتكون جدا جدا جدا نظيفة وبكذا ترتاح لأن جلد الوكالة أفضل من أي محل ثاني.. وحتى لو توفر الجلد في الوكالة راح يكون السعر خيالي..

__________________

التشليح خلها على الله كذا مره اروح ..نادر اشوف حتى هوندا (في الشرقيه اقصد لك )

**f a w a z** · 08-12-2009, 07:01 PM

الكثيري نفس الوكاله 100% ويجيك اريح يحط لك اسفنج وضمان 5 سنوات

وسعره 2300 الظاهر

وشرط يقول لك اذا ماصار زي الوكاله لاتدفع

**AbuJawad** · 08-12-2009, 07:31 PM

اخوي اذا تبي في محل بالشرقية

موجود بالراكة شغل وكالة

يشرط عليك اذا موزي الوكالة لاتقبل وفي عنده جلد طبيعي وصناعي واللي تبيه

مركز كبير عندهم خبرة وشغلهم ترتيب

اذا تبغا اعطيك عنوانه ارسلي رسالة عالخاص واعطيك تفاصيلهم

تحياتي لك

**salamify** · 08-12-2009, 10:04 PM

المشاركة الأصلية كتبت بواسطة green devil

التشليح خلها على الله كذا مره اروح ..نادر اشوف حتى هوندا (في الشرقيه اقصد لك )

أخوي أنا قبل فترة لقيت أكورد 2008 في تشليح البلادي وكانت فل كامل جلد والجلد كان أخو الوكالة ونظيف جدا .. بس أعتقد تلاقي وإذا ما لقيت بتلاقي أكيد في تشليح الرياض (تشليح الحاير) وعسى ربي يوفقك..

**مشعل بن عبد العزيز** · 08-12-2009, 10:28 PM

لا تستعجل اصبر واسال وبتلقاء كل خير

رح اسال في التشليح وانشاء الله تبي تشوف انواع ولا شف محلات ومر عليها ذا فاضي

اهم شي تكون مرووق اذ جيت تنجد

**dr.3so0ol** · 09-12-2009, 03:10 AM

سلااااااام

والمقاااعد اللي بالتشليح كم تكلف ............طيب واذا لقيت كيف الابوااااااااااب ؟؟؟؟

تحيااااتي

**D.H.o.O.o.M** · 09-12-2009, 05:12 AM

ليش طيب ماخذيت فل كامل جلد من اول وارتحت

دمت بود

**d7oomy** · 09-12-2009, 05:58 AM

نصيحتي لك خلك على المخمل .. أريح من الجلد مية مرة ..

الجلد في الصيف ماينفع ولا برياااال ..

**saudiboy** · 09-12-2009, 06:35 AM

المشاركة الأصلية كتبت بواسطة d7oomy

نصيحتي لك خلك على المخمل .. أريح من الجلد مية مرة ..

الجلد في الصيف ماينفع ولا برياااال ..

أوافق رأيك

وإذا مو مقتنع اركب أكورد مراتبها جلد صدقني يتكسرظهرك المخمل أريح بمية مره
جرب وبتتأكد بنفسك

**green devil** · 09-12-2009, 12:39 PM

^^^
جربت ركبت جلد ولد عمي معاه فل جلد ... احسها اريح :d مدري .. والشكل احلى يطلع :d
المشكله مو بس على اريح .. البرزان خلو المخمل ما ودك تشوف بس مع العلم عليه عازل من زيبارت << الله و العازل الي سووه ..

انا ما راح استعجل وبشووف مشكورين شباب

**green devil** · 09-12-2009, 12:45 PM

اما الاسماعيل والله ما انجد سيكل عنده حرام المشوار له وخسارة فلوس

ههههههههه من امس كل ما اشوف ردك اضحككك هههههههههه

**ا ا ب السعوديه 6 6 5 5** · 12-12-2009, 11:36 AM

السلام عليكم
انا رحت للتشليح ولقيت الكراسي الجلد والابواب 8000 ريال ونضيفه بس والله ما ادفع فيها المبلغ هذا لو انها ذهب
ورحت للغرابي عند محل اسمه العذار شغله حلوو مررره وضمان وزي الوكاله

**مطنشهم** · 12-12-2009, 11:37 AM

انا مركب بالرياض جلد نفس لون الوكاله ونفس النقشه والجلد وكل شي ب 3500 تفصيل من محلات السماعيل المشهوره وقال في بالشرقيه بس اغلى يعني حسب منطقتك وخش ملفي تشوف صورة مجسمي داخل السياره شوف التنجيده