لاصحاب القير العادي

**الرجل الاخضر** · 31-12-2009, 09:00 PM

السلام عليكم ورحمة الله وبركاتة
ياجماعة الخير احد اصحابي ناوي على اكورد قير عادي واستشارني ويوم علمتة ان مشارك في منتداكم الرائع!!!غثني وامتحني وقل راحتي!!؟؟لان بعضهم قلل فيها ونصحة في التيما!!انقل لكم سؤالة وهو الاتي:
هل القير العادي تفصل!!لان اخونا مجنون سرعة وراعي مجاكرات!!ودي ردكم بسرعة لان الرجال كمل اوراقة وبيقدمها السبت ويبي مشورتكم........................................... ........................

**م ج رد حلم** · 31-12-2009, 09:06 PM

حسب الي سمعته تفصل

وبعدين فين يبغى يرووح بعد ال200

هذه روح ياجمااعه الخير

يعني معقول يبغى يشتري السيارة عشااان كل مشوار يصك طبلووونهاااا

**الرجل الاخضر** · 31-12-2009, 09:16 PM

شكرا حبيبي مجردحلم
الولد شبابي وسوااااق مرة ضرب علية كفر وهوماشي 220 في كامري قراندي وانعدمت علية
ومرة ضرب في نخلة!!
عدد الحوادث لاتعد ولاتحصى وكالها تسابق مع الشباب!!

**ح د ح الـسـعـوديـه 7** · 31-12-2009, 09:19 PM

لاحول ولا قوة الا بالله

تقول هالحوادث وكأنك تقول ان الصدام انخدش والمرايه انكسرت :(

والله جنون هذا ماراح تحسوا فيه الا لما يروح واحد عزيز على قلوبكم وأسألني انا مجرب هالشي مع واحد من الشباب

نسأل الله الهدايه لنا ولكم

**ya$$er** · 31-12-2009, 09:36 PM

انا لما صار علي الحادث صرت اشك في نفسي يكون مافيه سيارات لا ارجع مره ثانيه وثالثه اطالع
بس الله يسامحه ويهديه ... ولازم منكم كاخوياه انكم تهدونه بكل الطرق ولا يروح بين يديكم
وهذا الي عندي وبالنسبه لي موضوعك ماعندي علم

تحياااتي

**M H** · 31-12-2009, 09:56 PM

قد شفت واحد من اعضاء المنتدى معاه قير عادي ويقول انها تفصل ع 215 تقريبا زيها زي الاوتو بس ماذكر اسم الرجال والله

**اكورد قير عادي** · 31-12-2009, 10:50 PM

هلا وغلا اخوي
ابد والله القير العادي تفصل اكيد على تقريبا 217
وماشاء الله تجيبه بالرابع يعني الخامس ماادري ليه حاطينه عباطه الظاهر ..يعني حرام تفصل..

هذا شي
الشي الثاني انصحوا خويكم ترا هالشغل ماينفع ترا جربت العن من الي جربه لمبات شجر صبيات واكثرها من السرعه الزايده والهجوله..
ونهايتها اكلت هوا بمكان الله لايجعل احدكم يطبه وعرفت ان الله حق..
بالعربي السرعه والمجاكر على قولتك مافيها خير ..عقلوا خويكم وفهموه ان مو طول حياته راليات ..
مره مرتين اوكي بس مو كل مره
وعلى فكره لاتحسبني انصح مسوي نفسي شايب الا والله من حرقه بقلبي من مواقف وحوادث ووفيات عاصرتها وسببها الهجوله..عشان كذا قله يسلم عليك واحد اسمه بالمنتدى اكورد قير عادي وسابقا !!!!! ويقول لك اهجد واعقل..
واي استفسار عن القير العادي من موديل 2004 الى 2008 انا حاضر..

**متكرود** · 31-12-2009, 10:57 PM

نحتاج حلبات سباق في السعوديه,, ان شالله يحطونها بالربع الخالي:d
طيب القير العادي اقوى من الاوتوماتيك؟

**الرجل الاخضر** · 31-12-2009, 11:26 PM

تسلموا يا حبايبي على الردود انا الان دقيت علية وعلمتة بالردود وخاصة رد اخوي الغالي اكورد عادي وهو جاي يقراء الردود

**المايسترو77** · 01-01-2010, 12:28 AM

الاكورد القير العادي تفصل زيها زي الاوتو بس ترى القير العادي ستاندرد(سياحي)

**almaster** · 01-01-2010, 03:00 AM

^^^^ ستاندرد واسبشل

وبالنسبة لأخوي متكرود القير الأوتو بقوة الجير العادي في الهوندا أكورد من موديل 2003(في موضوع لأخونا بلال العلمي بخصوص هالموضوع)

وبالنسبة لصاحب الموضوع يس الأكورد عادي وأوتو على حد علمي تفصل للـ 217 كم ... وأنا أعتبرها سرعة كبيرة بالنسبة لي يعني أنا إذا وصلت الـ 160 أبدأ أرتجف :d وعن الألتيما مدري هي تفصل ولا لأ لكن إذا كانت ما تفصل فإنصحه يشتري الأكورد أئمن له..
والسلام عليكم .

**sul6an** · 01-01-2010, 04:20 PM

انا معايا قير عادي ويفصل على 217 تقريبا
ومن ناحية العزم القير عادي اقوى من الاوتو بكثييير

**أأأبو شرف** · 01-01-2010, 10:42 PM

اكيد العادي افضل
واحد من اخوياي معه اكورد 2008 عادي والثاني 2009 6 سلندر وتطارحوا طبعا الثنين سواقيين بمعنى الكلمه
المهم العاااااااااااادي طار في القومه والخط الى 190 كم وقفوا المطارحه