عبدالله هاشم على بداية الطريق الذي سلكه عبداللطيف جميل!!

**Saleh87** · 02-01-2010, 02:55 PM

السلام عليكم ،،،
الموضوع بخصوص خلفية الأكورد الستة سلندر و الي كلنا نعرف إنها خلفية بي ام.
الصراحه أصابني إحباط شديد لما عرفت(من ممثل مبيعات الوكالة و تأكدت بنفسي) أنها مجرد ديكور يعني ما تشتغل ما فيها شمعات !!
قعدت أدور في المواقع الأجنبية و موقع الشركة الأم و ما لقيت أي شيء يدل على إنها جاية وكالة!!!
الصراحة بديت أشك أن عبدالله هاشم على بداية الطريق الذي سلكه عبداللطيف جميل !!
و الحين بديت أشك في الحساسات بعد يكون هو الي مركبها و إذا ثبت إنه هو الي مركب الحساسات فأكيد إن الزينون هو الي مركبه بعد !!!! و إذا صارت الدعوى كذا يعني 123 ألف ريال على السيارة تعتبر سعر مرتفع !!!!!!

و كذا ما تصير هوندا متميزه زي ما عهدناها !

الصراحه الي محببني هوندا أني كنت واثق أن عبدالله هاشم أسعاره مرتفعه فقط. يعني ما عنده نصب و لعب عبداللطيف جميل.
أرجوا إنكم تشاركونني همي أو تقنعوني إن عبدالله هاشم ما راح يلحق عبداللطيف .

**Mr.Goldy** · 02-01-2010, 02:57 PM

والله يااغاالي ماعتقد لان خلفيه السته ناازله بشررق اسياا من 2008

وتراااا كل شي جاااااايز

**أبو نايف أكورد 2007** · 02-01-2010, 02:58 PM

الله يستر بس

والله كل شي جايز

**اكوردsky** · 02-01-2010, 02:58 PM

ياخوي في زمننا هذا كل شي جايز
الله يستر بس
ولاتكدر نفسكـ .. على هالمواضيع
لو بننظر لكل صغيره وكبيره ماراح نعيش

اذا الوكيل ماخاف الله في هالاسعار ... من مين بيخاف .؟؟!

**abAdy.777** · 02-01-2010, 02:59 PM

اي والله شكلها جذي
يتعاقد مع مصنع يسوي له القطع يرشهم ويركب
ويقول وكاله
يخسر بلكثير 500 ويزيد 5.000

**بلال العلمي** · 02-01-2010, 02:59 PM

السبب الوحيد اللي يخليني اخذ هوندا هو انها تجي مثل ما هي من المصنع وياخذ المواصفات الامريكية عندنا

الزيادة اللي موجودة في الخلف مافيها لمبة وحتى النوعية اللي تنزل في تايلند تنزل بنفس الخلفية ومافيها لمبة والزينون قيمته 8000 ريال اصلي نفس نوعية مرسيدس والحساسات تجي نفس الشي من برة وتقدر تشوفها على ميناء الدمام وميناء جدة

الحساسات كما هي من المصنع واللمبات كما هي من المصنع

وهذه صورة الكامري جي ال اكس فل كامل بدون حساسات وقبل التركيب من وكر عبداللطيف جميل

وحتى الاشارات عند المرايات تستبدل وتوضع داخل الوكر ولو تلاحظ فيه اشارة جانبية على الرفرف وايضا على المرايا وهذه الميزة غير متوفرة على النوع الياباني ولا الامريكي وهذه فل كامل ايضا جي ال اكس

**accordyon** · 02-01-2010, 03:04 PM

هو ممكن مركب الخلفية والحساسات
لأكنها موجوده من 2008 بالصين باهالخلفية و الحساسات
شوف هالرابط لواحد من الأعضاء لما زار وكالة هوندا بالصين
http://www.hondaarabia.com/club/showthread.php?t=19985

**Saleh87** · 02-01-2010, 03:06 PM

أنا همني إنها تولع أو ما تولع أو إن الزنون أصلي و إلا تقليد.

الي يهمني إن اخذ السيارة زي ما هي من خط الإنتاج الرئيسي مهب تطلع من المصتع بعدين تروح لمكان ثاني (حتى لو خارج السعودية) عشان يتم عليها بعض التعديلات.

و أخوي إذا عندك شيء يثبت إن الاكورد الأسيوية تجي نفس الخلفية --- أسألك بالله إنك تريحني و تخلني أرجع الثقة بهاشم !!

**بلال العلمي** · 02-01-2010, 03:08 PM

المشاركة الأصلية كتبت بواسطة Saleh87

أنا همني إنها تولع أو ما تولع أو إن الزنون أصلي و إلا تقليد.

الي يهمني إن اخذ السيارة زي ما هي من خط الإنتاج الرئيسي مهب تطلع من المصتع بعدين تروح لمكان ثاني (حتى لو خارج السعودية) عشان يتم عليها بعض التعديلات.

و أخوي إذا عندك شيء يثبت إن الاكورد الأسيوية تجي نفس الخلفية --- أسألك بالله إنك تريحني و تخلني أرجع الثقة بهاشم !!

خذ هذا الرابط

تاريخ كتابة الموضوع
عام 2009

http://www.hondaarabia.com/club/showthread.php?t=19985

**henry السعودي** · 02-01-2010, 03:11 PM

والله ما اتوقع انه وصل لهذه المرحلة الى الان.
اتوقع في موديلات قادمة غير هذا الموديل راح يوصل لهذه المرحلة.

**Saleh87** · 02-01-2010, 03:27 PM

المشاركة الأصلية كتبت بواسطة بلال العلمي

خذ هذا الرابط

تاريخ كتابة الموضوع
عام 2009

http://www.hondaarabia.com/club/showthread.php?t=19985

صاحب الموضوع ذكر إن المصنع بالصين، لكن نقول إن شاء الله إنه يكون هاشم طالبها من المصنع كذا.

**الهوفو** · 02-01-2010, 04:19 PM

والله متوقع كذا الله يهديه

بس يقلووووون مدري اشاعه او لا ان 2011 بحطون شاشات وراء

**AHN** · 02-01-2010, 04:37 PM

لو انها صدق .,
ماتفرق ., ترا كلها خلفيه .,

لكن عبد اللطيف ., يلعب لعب ., موب صاحي ., ومع ذالك الناس تحبه ., << وانا أولهم

**gogo** · 02-01-2010, 05:23 PM

بسمه تعالى :

إذا كنت تركز على عبدالله هاشم فهذه هي المشكلة و إن كان تركيزك على شراء سيارة هي خلاصة جودة هوندا على مر الأعوام فهي المحصلة ...سواء وضع الإكسسوارات لدينا أم في الصين أم تايوان فما هو الفرق إذن إذا كانت القطع تحت ضمانة هوندا ....إذا كنت مترددآ لشراء هذه السيارة فلم الإقبال عليها و من ثم التشكيك أو التخوف من إمتلاكها إن كان هاشم كعبد اللطيف جميل أو غيره من الوكلاء ...و للعلم الإكسسوارات التي يجلبها و إن كانت بغير بلد المنتج فهي أفضل مقارنة بمنشأها إن كانت بضعف الثمن و لك أن تدرك بأن أموالك بمحلها و إن زادت قيمة السيارة قليلآ و إذهب إلى وكالات السيارات الأخرى و أنظر إلى الأسعار النارية و التي يندب لها الجبين .....إستخر و بالله التوفيق.

**tfah** · 02-01-2010, 07:03 PM

المشاركة الأصلية كتبت بواسطة بلال العلمي

السبب الوحيد اللي يخليني اخذ هوندا هو انها تجي مثل ما هي من المصنع وياخذ المواصفات الامريكية عندنا

الزيادة اللي موجودة في الخلف مافيها لمبة وحتى النوعية اللي تنزل في تايلند تنزل بنفس الخلفية ومافيها لمبة والزينون قيمته 8000 ريال اصلي نفس نوعية مرسيدس والحساسات تجي نفس الشي من برة وتقدر تشوفها على ميناء الدمام وميناء جدة

الحساسات كما هي من المصنع واللمبات كما هي من المصنع

وهذه صورة الكامري جي ال اكس فل كامل بدون حساسات وقبل التركيب من وكر عبداللطيف جميل

وحتى الاشارات عند المرايات تستبدل وتوضع داخل الوكر ولو تلاحظ فيه اشارة جانبية على الرفرف وايضا على المرايا وهذه الميزة غير متوفرة على النوع الياباني ولا الامريكي وهذه فل كامل ايضا جي ال اكس

اتحادي العصو هنا في المنتدى جايبها من المصنع اللي في اليابان عن طريق واحد يقالة ابو صالح
والخلفية هذي فيها لمبة اما اللي هنا عند ابوهاشم بدون لمبة ؟؟؟
فسرلي

**Classic Design** · 02-01-2010, 07:49 PM

^^^^^

يعني عبد الله هاشم ركب أكسسوارات صينية علشان يمشي سوقه ( أصلا سوقه ماشي حتى بدون حساسات )

طيب ياحبيبي فسرلي أنت إذا ركب خلفية بي أم و حساسات و على زعمكم أنها صينيه ليش ماكملها وركب شاشة مع أنها متوفرة بالسوق وبكثرة وبجوده كويسه

أما تقولي أنه ما فيها لمبات ( هي أصلا شغلتها عاكس لا أكثر ولا أقل و اتحداي مرهم لمبات عليها و العضو Tony بعد و كل اللي مركبين فيها لمبات ترهيم

**D.H.o.O.o.M** · 02-01-2010, 08:45 PM

ما اتوقع مهما كان جشع وطمع عبدالله هاشم ماتوصل لها الدرجه

تحياتي لكـ

**Silver Aurion** · 02-01-2010, 09:23 PM

حساسات الاكورد 2010 صناعه تايوانية

بالنسبة للاضافه الخلفية فهي موجودة سابقا بدول شرق اسيا

**AHN** · 02-01-2010, 09:26 PM

^^^
كيف عرفت ., انا الا الحين ماشفت أكورد 2010 .,

**f a w a z** · 02-01-2010, 09:26 PM

المشاركة الأصلية كتبت بواسطة Silver Aurion

حساسات الاكورد 2010 صناعه تايوانية

بالنسبة للاضافه الخلفية فهي موجودة سابقا بدول شرق اسيا

حركات تعرف اشياء هوندات

**tfah** · 02-01-2010, 09:56 PM

المشاركة الأصلية كتبت بواسطة classic design

^^^^^

يعني عبد الله هاشم ركب أكسسوارات صينية علشان يمشي سوقه ( أصلا سوقه ماشي حتى بدون حساسات )

طيب ياحبيبي فسرلي أنت إذا ركب خلفية بي أم و حساسات و على زعمكم أنها صينيه ليش ماكملها وركب شاشة مع أنها متوفرة بالسوق وبكثرة وبجوده كويسه

أما تقولي أنه ما فيها لمبات ( هي أصلا شغلتها عاكس لا أكثر ولا أقل و اتحداي مرهم لمبات عليها و العضو tony بعد و كل اللي مركبين فيها لمبات ترهيم

انا شاريها من ابوصالح عنطريق عضو الاتحادي وقول اصلي 100%
وفيه لمبة حقة ابو هاشم بدون لمبة علل/

**Silver Aurion** · 02-01-2010, 10:13 PM

اللي يسأل كيف عرفت

صديقي اشترى حساسات 2010 و حصل ع الكرتو صناعه تايوانية

**tfah** · 02-01-2010, 10:20 PM

صور الكرتون خلينا نشوفة

**م ج رد حلم** · 02-01-2010, 10:22 PM

^

خخخخخخخخخخخخ شايفكم مهتمين بالاكورد بزياااده

ياراعين الاوريون

ولاتبغوا تخلوا الاكورد زي الاوريون بالقوة :d

**روحـي فـداك** · 02-01-2010, 10:33 PM

المشاركة الأصلية كتبت بواسطة gogo

بسمه تعالى :

إذا كنت تركز على عبدالله هاشم فهذه هي المشكلة و إن كان تركيزك على شراء سيارة هي خلاصة جودة هوندا على مر الأعوام فهي المحصلة ...سواء وضع الإكسسوارات لدينا أم في الصين أم تايوان فما هو الفرق إذن إذا كانت القطع تحت ضمانة هوندا ....إذا كنت مترددآ لشراء هذه السيارة فلم الإقبال عليها و من ثم التشكيك أو التخوف من إمتلاكها إن كان هاشم كعبد اللطيف جميل أو غيره من الوكلاء ...و للعلم الإكسسوارات التي يجلبها و إن كانت بغير بلد المنتج فهي أفضل مقارنة بمنشأها إن كانت بضعف الثمن و لك أن تدرك بأن أموالك بمحلها و إن زادت قيمة السيارة قليلآ و إذهب إلى وكالات السيارات الأخرى و أنظر إلى الأسعار النارية و التي يندب لها الجبين .....إستخر و بالله التوفيق.

هالكلام اللي دخل براســي ..