الموضوع: استفسار بسيط عن كراسي المكينه

شوف يالطيب " إذا حركت القير لازم المكينه تتحرك .. يعني لاتخاف هذا شئ طبيعي في كل السيارات ..

أما الرجه الله وأعلم .

إذا الكراسي يحتاجون تبديل

* راح تشوف الربر متشقق في الكرسي نفسه ( إذا تقدر تشوفه )
*راح تسمع صوت طقه أو إهتزاز غير طبيعي

لكن إنك تشوف المكينة تتحرك فهذا طبيعي جدا في سيارات الدفع الامامي

هذا أتوقع كرسي المكينة يمين

ما اقول الا الله يعينك بس

انا ياطول العمر نفس مشكلتك لاحطيت القير ع d تحس برجه

طبعا رحت لـ الورشه وقالي غير كراسي المكينه وتضبط معاك السياره وغيرت الكراسي يمين الراكب // ووامامي وخلفي

المهم اني اتذكر غيرته 3 شريت القطع من الوكاله طلعت لي تقريبا 2500 هذا السعر لين ماتذكره بضبط لاني شريت قطع واجده

المهم ماطلعت من الوكاله الا بـ 4500 بضبط .

فـ مشكلتك كراسي مكينه.

فعلا يا اخوان اليوم وديتها ورشه مكنيكي فنان فحصها وقال لي كرسي امامي وخلفي ويمين فوق:(
وقبل كذا رحت الوكاله قال لي رقم الهيكل حقك مهب من ظمن السيارات الي عليها ضمان كراسي المكينه وسيارتي ماشيه 91 الف
فما ادري لو نشبت لهم يغيرونها لي
علما سالت عن كراسي المكينه عند النعماني قال لي ب1100 اصلي مثل حق الوكاله
فايش رايك

نصابين فـ عيونهم الوكاله ,,,

انا يوم رحت الوكاله قلت ابي اغير كراسي المكينه قال كم سيارتك ماشيه قلت 152 الـف ..

رد على المهندس قال لا لو إنها 120 الف سيارتك ماشيه كان دخلنها على الضمان بس الحين مانقدر ,,

فـ الشغله الآن بيدك ولاتتفاهم مع المهندسين خش فـ عين المشرف وذا تقدر رح الإداره ومنها بعد تركبها فـ راس اللي قالك سيارتك

موب من ظمن الضمان ,,

المهم لاينصبون عليك ,,

وع فكره هالكلام مو من عندي من شي صاير لي انا بنفسي وحبيت اني افيدك فيه .

سلملم

وع فكره ابعدو ياعالم عن المحالات هاذي اللي يقولك مثل الوكاله اصلي تراهم نصابين

ولو رحت الوكاله تلقى الفرق 30 الى 40 ريال يعني ماتقدر تتدفعها ووصلت لـ 1000 ماتقد ع 40 ريال

اذا عندك قطع غيآر خذها من الوكاله نصيحه.

حبيبي هذي كراسي المكينه
والوكاله نصابين ادخل في عين المهندس اللي قلك ذا الكلام او رح لفرع ثاني
انا مدخل سيارتي قبل امس الوكاله وماشيه108000
وغير الكراسي على الضمان والله لا قلي رقم شاص ولا قلي رقم الشاص يشمله الضمان والا لا
2007 كلها اذا كان ممشاها 120000وتحت يشملها الضمان بدون استثناء
وازيدك من الشعر بيت اخر صيانه دخلتها صيانه 40000
اذا كنت من سكان جده ودها فرع طريق المدينه
واذا رفضوا يسونها على الضمان بلغهم انك بتشتكي على الشركه وراسل هوندا على ايميلهم سوا في اليابان او دبي
اهم شي لا يصرفونك بكلام فاضي سولهم جنان
من حقك تسويها على الضمان بدون استثناء وانا مسؤول عن كلامي

ان شاء الله بروح يوم السبت وبشوف الحل معهم لاني فعلا احسهم يصرفون
اشكركم على المساعده يا اخوان

أرجع للوكالة رقم الشاص مالة دخل وأنا سيارتي 2006 وماشية 115000 أدخل بعيونهم وكلك ثقه لاتدخل وتحسس المهندس أنك تطلب منه معروف لنه أول مايحسون انك متردد والا شاك أن سيارتك مايشملها الضمان يصرفونك

الله يعينك يا خوي والله انا ما عندي خلفيه لا كن الاخوان ما قصرو ان شا الله

الله يعطيكم العافيه ما قصرتو ان شاء الله بروح يوم السبت وبرجع والانتصار معي هع