اقلطوا الله حيهم !!

**العدواني** · 31-01-2010, 04:57 AM

السلام عليكم ورحمة الله وبركاته
كيفكم اخواني انشاء الله بخير

طبعا غثيتكم بها الموضوع والمعذره

حبايبي وبتفيدوني انشاء الله

لقيت لي هوندا اكورد 2009 اسبيشل 4 سلندر

مقاعد مخمل جنط 17

وكلمتكم عنها وماقصرتو قلتو ماتسوى

طبعا الاكورد لواحد من الشباب بس شريطي << يكره الشريطية

طبعا قالي 73 الف

وييييييييييين

السالفه انها بدل بين سيارتي وسيارته

سيارتي فورد 2007 سعودي نظيف وعلى يدي وكاله
بس اعذرني يافورد ماغير الاكورد سياره

وهذي صوره للفورد

المهم سيارتي نظيفه وعلى يدي

جاها دقه في الرفرف الامامي

وغيرته بالوكاله ورشيته

وجاها دقه في الرفرف الخلفي وعدلته ولا رشيته

طبعا اخوي اغار ياهوندا يعرف السواقه في ابها كييييييييييييف

جونان مره يجيك الشاص يدقك ولا حسبلك حساب :p:p:p:p
والسياره ماشيه 88 الف كيلو

وسيارته ماشيه 60 الف كيلو

وقال زيدني 22 وانا رفضت قلت 20

المطلوب منكم حبايبي

اللي له خبره

يقولي كم تسوى سيارتي وهل المبلغ اللي بزيده فيه واجد وكم الزياده المعقوله

علما ان سيارته مرشوش فيها الصدامات

واللي عنده اكورد نظيفه ببدل معاه

ولكم جزيل الشكر

**الاكورداني** · 31-01-2010, 05:21 AM

سيارتك2007 وماشيه 88الف تسوى (55الف)

**العدواني** · 31-01-2010, 05:26 AM

الله يوفقك ولا قصرت

نورت موضوعي ياغالي

مدري يا شباب اعرض سيارتي للبيع هنا مو مشكله

شكل الاداره بتتفاهم معي
ههههههههههه

**كرهتك يااكورد** · 31-01-2010, 06:40 AM

السلام والاكرام وبلح الشام

مـــن ماركيز عز وقوه وشموخ الى اكورد؟؟

طحت من عيني

ترا موترك مريح جدا

وحرام ياخي مطلعه على يدك وتبي تبدل بااكورد ولا 4 سلندر وتزوده

حط قريشاتك بمخباك وافتحلك مشروع ازعل عليك

( ازعل عليك الفين مره من غلاك)

نصيحة اخ لاخوه

سيارتك وعارف بلاويها وتعرف وش فيها

على فكره ياقلبي ترا بيزعجك الفرامل

وكل يوم بتغيره

مو مثل عطية الله الماركيز والا الفكتوريا مدبله القماشات يعني بعد سنه تغيرهم مو كل شهرين

قطع غيار رخيص الفكتوريا والماركيز مو مثل الاكورد نار جهنم

طيع شور اخوك اللي مايبغى يغشك

حط دراهمك بمخباك

وقل الحمد لله والششكر لله

واذا مااقتنعة بكلامي

تعال للرياض ولمعارض النسيم دغري

شفهم مقطوطات بكل معرض فيه 5 او 10

تعال اختر الموتر اللي تبيه واطلع فيه لفحص الكمبيوتر واذا دخل مزاجك توكل على الله

بس نصيحه حاول تغير رايك ولا تستعجل

الله يوفقك ويكتبلك اللي فيه الخير

( الاختلاف بالاراء لا يفسد للود قضيه)

**العدواني** · 31-01-2010, 06:52 AM

اخي كرهتك يا اكود

والله ماقصرت وردك ووافي وكافي
بس الناس رغبات

وانا احب الهوندا :o

عموما ياغالي ماقصرت ووجهة نظرك احترمها

مره اخرى الف شكر لمرورك الراقي

وشكلي بصرف نظري واخذلي افالون والله مدري
احس ان راسي صدع

**f a w a z** · 31-01-2010, 06:57 AM

والله شف على الي براسك

انت وش تبي بالضبط

بالنسبه للاكورد الي معك سبيشل مركب عليها جنط 17 وتقول جايتها صدمات

و بـ 73 واجد مره

تعال الرياض تلقى اكورد فل 4 سلندر ممشاها يكون تحت 60 الف ونظيفه بـ 72 وحولها

اما السبيشل الي تقول عنها اتوقع تجيب 62 لانها مقبوعه

والفورد حقك يجيب هنا بالرياض 50 وحولها

بالتوفيق لك ..

*

**العدواني** · 31-01-2010, 06:59 AM

الله يوفقك اخوي
وماقصرت
:(

**ABO.YOUSEF** · 31-01-2010, 10:14 AM

المشاركة الأصلية كتبت بواسطة a-c-c-o-r-d

والله شف على الي براسك

انت وش تبي بالضبط

بالنسبه للاكورد الي معك سبيشل مركب عليها جنط 17 وتقول جايتها صدمات

و بـ 73 واجد مره

تعال الرياض تلقى اكورد فل 4 سلندر ممشاها يكون تحت 60 الف ونظيفه بـ 72 وحولها

اما السبيشل الي تقول عنها اتوقع تجيب 62 لانها مقبوعه

والفورد حقك يجيب هنا بالرياض 50 وحولها

بالتوفيق لك ..

*

نفس كلامه بالضبط .. بس الاكورد الفل الي يقول عنها تحصلها 2008 مو 2009 لآن واحد من اخوياي توه شاري 2008 ماشيه 72 الف بـ 71 الف ريال !
<< يمكن قد قلت لك الكلام بموضوعك السابق ماني متذكر

**اكوردتي عشق لا ينتهي** · 31-01-2010, 10:20 AM

الاكورد لا تفكر تاخذها نصيحتي والله
لانها غاليه دورلك وبتلقى ارخص خصوصا ...شريطي

**الراقي24** · 31-01-2010, 12:22 PM

شوف اخوي الاكورد وبصراحة افضل من الفورد بمراحل وهذا كلامي من واقع تجربة الفورد في الراحه افضل
بس سعر الاكورد شوي مبالغ فية

**عز السعودية** · 31-01-2010, 12:26 PM

والله ياغالي انا انصحك اخو الى اخو انا امس بايع موتري الاكورد

وان شالله بخلص على الفرد اليوم

قديمك نديمك لو الجديد اغناك

انا كان معي فورد بعته تشليح عقب الحادث والله يبعد الشر عنك

وخذت اكورد 2009 سبشل وامس بايع

نصيحتي خلك على الفرد لا تتسرع

اخوك

عبد العزيز

**f a w a z** · 31-01-2010, 01:23 PM

المشاركة الأصلية كتبت بواسطة [font=traditional arabic

كرهتك يااكورد;350233][/font]

السلام والاكرام وبلح الشام

مـــن ماركيز عز وقوه وشموخ الى اكورد؟؟
سيارتي السابقه كراون فكتوريا سبورت واشوف الاكورد حالياً افضل بمراحل
طحت من عيني

ترا موترك مريح جدا
انا معك بهذي الفورد لين ومريح
وحرام ياخي مطلعه على يدك وتبي تبدل بااكورد ولا 4 سلندر وتزوده
بالعكس سيارة اقتصاديه وبنفس الوقت عزمها حلو
حط قريشاتك بمخباك وافتحلك مشروع ازعل عليك
انا اشوف انه يسوي كذا بما انه مو محتاج الاكورد ضروري
( ازعل عليك الفين مره من غلاك)

نصيحة اخ لاخوه

سيارتك وعارف بلاويها وتعرف وش فيها

على فكره ياقلبي ترا بيزعجك الفرامل
ما اتوقع اذا كان محافظ ع البريك وحنون عليه راح يمشيه حتى 70 الف ;)
وكل يوم بتغيره
تقريباً على سواقتي اغير الفحمات الخلفيه كل 30 الف بـ 230 ريال شامل التركيب من الوكاله
مو مثل عطية الله الماركيز والا الفكتوريا مدبله القماشات يعني بعد سنه تغيرهم مو كل شهرين
والله صح فراملها يطول اذا كان بيحافظ عليه
قطع غيار رخيص الفكتوريا والماركيز مو مثل الاكورد نار جهنم
الاكورد 08 + رخيص القطع
طيع شور اخوك اللي مايبغى يغشك

حط دراهمك بمخباك

وقل الحمد لله والششكر لله

واذا مااقتنعة بكلامي

تعال للرياض ولمعارض النسيم دغري

شفهم مقطوطات بكل معرض فيه 5 او 10
لنا اكثر من شهر ندور مستخدم نظيف مالقيني الا سوح وقبعات حقات تأجير
تعال اختر الموتر اللي تبيه واطلع فيه لفحص الكمبيوتر واذا دخل مزاجك توكل على الله

بس نصيحه حاول تغير رايك ولا تستعجل
استخر بعد لانه اختيار موفق بالعكس
الله يوفقك ويكتبلك اللي فيه الخير

( الاختلاف بالاراء لا يفسد للود قضيه)

اكيد

واستخر قبل كل شي

**ABO.YOUSEF** · 31-01-2010, 01:37 PM

^^^^^

حتى انا كان معي فــورد سبــورت :d

ونفس كلام A-C-C-O-R-D

الاكورد اقتصاديه وفي البيع افضل .. بس اذا منتب بحاجتها وش الي حادك تشتريها ترى الموتر الي معك جامد وخاصه انك مطلعه وكاله !

والفورد خرابات بصراحه :p
مدري الي معي لاعنها ولا وش السالفه

وتناقز بالخط تسمع بالرساوه

..
وبس

**Doabil** · 31-01-2010, 03:58 PM

اخوي
خللك على اللي عندك و الله احنا بحاجة للريال اليومين ............ اتمنى تكون فاهمني!

**aziz93** · 31-01-2010, 04:20 PM

المشاركة الأصلية كتبت بواسطة abo.yousef

^^^^^

حتى انا كان معي فــورد سبــورت :d

والفورد خرابات بصراحه :p
مدري الي معي لاعنها ولا وش السالفه

وتناقز بالخط تسمع بالرساوه

..

وبس

تناقز لان يايات السبورت رياضية غير عن العادية واما من جهت الرساوة يعني لابأس بها تمشي افضل من القديم 98-2002

**fofo-10** · 31-01-2010, 04:47 PM

ياخووووووووووي ليش تبيع الفورد مادام على انه على يدك حرام تبيعه وتشتري الاكورد

وواحد من العيال اشترى نفس سيارتك نفس اللون وكمان 2007 شعر 12 اللي فات بـ 56

نصيحتي لك لاتبيعه 8 سلندر وتطيح لـ 4 سلندر

**احبك يالاكورد** · 31-01-2010, 06:42 PM

[quote=كرهتك يااكورد;350233]

ترا موترك مريح جدا
هذي ميزة الفورد وزد عليه الرساوة وانها 8سلندر بس مشكلتها تشرب بنزين كثير

على فكره ياقلبي ترا بيزعجك الفرامل

وكل يوم بتغيره

مو مثل عطية الله الماركيز والا الفكتوريا مدبله القماشات يعني بعد سنه تغيرهم مو كل شهرين
يااخوي لا تبالغ ولد عمي معه اكورد 2009 معه من 7 شهور ما غير الفحمات الى الان

قطع غيار رخيص الفكتوريا والماركيز مو مثل الاكورد نار جهنم

وييييييييييين قطع غيار الاكورد ارخص من الفورد والماركيز

**درب الالم** · 31-01-2010, 06:59 PM

فورد سعودي 2007 يالبى قلبه ماشاء الله والله فله حرام عليك أخوي تبدل بأكورد والله فرق ترى بالراحه والفخامه ...
أفضل الفورد لأنه سعودي وعلى يدك وكاله لاتستعجل نصيحه...

**كرهتك يااكورد** · 01-02-2010, 12:07 PM

احبك يالاكورد

يعطيك العافيه

ابغاك تروح للوكالتين وتمسك ورقه وتسال عن الاشياء الاستهلاكيه

وقارن يالغلا

وترا الرجال باابها

جبال يعني معلق على البريك حبتين من ناحية التضاريس جبال وطلاعات ونزلات لا تنسى

لكن حرام بالله يالغلا اني من البيت للدوام ومن الدوام للبيت ان كل شهرين ونص مغيرهم

بعدين قل ماشاء الله على سيارة ولد عمك لا تصكه بعين يقعد يمشي على التنده هع هع

بس سوي اللي قلتلك عليه وشف الفرق

كان معي فكتوريا اسبورت

اس هدروليك والكلام ذا حبنيلها الله يذكرها بالخير تدرين ليش بعتهآ ..؟

ابغاك تسالني هالسؤال واجاوبك

تحياتي

**العدواني** · 01-02-2010, 02:57 PM

الف شكر يا اخوان على ردودكم
وماقصرتو ابد
والله اني وسوست اشتري ولا لا:(
بس بنتظر شوي وادرس الوضه واشوف >> تكفا :d

الف شكر للجميع

**Accord love** · 02-02-2010, 01:38 AM

ياخي انا اكره الفورد واكره بشكل عام الأمريكي خرابات وبهدله وحراره وتهريب زيت وبنزين وشكل كبير وتصميم غبي غبي غبي وبعدين يكفي ان الفورد من اول ما انولدت وهو شكله واحد انا ابي اعرف بس متى والله الواحد ما يفرق هي موديل 98 ولا 2010 شنو هالسياسيه الغبيه في هالشركه وانا اتكلم عن واقع تجربه مع جميع الأمريكي الله لا يعيده ويييين الياباني وين الأمريكي والأكورد يا لبى قلبها تجنن شكل شبابي وجوده والحراره انساها والله يوفقك