رد مع اقتباسوالله ياخوك مرة حلةو يعني بتطلع القيمة الاجمالية لك 103.000 ريال مرة حلو انا مطلع من البنك الاهلي اسبشل 2008 وطلعت 123000 ريال
مافي حل الا عندكم ومنكم ...
السلااام عليكم ورحمة الله وبركاته
كيفكم شباب انا عضو جديد في منتدااكم الاكثر من رائع الذي يمتلك احلى ااعضاء لما يملكونه من خبرة ورأي جميل وصائب
ابدا ..
اخواني انا حاب استشيركم وماندم من استشار حيث وجدت انكم افضل من استشيرة بحكم التجربة والخبرةالمهم لا اطول عليكم
اولا /
انا بشتري هوندا لقيتها اسبيشل 2009 بـ 81000من معرض طبعا المهم قلت اروح اطلعلي قرض واشتري السيارة به لكن الفايدة الي ياخذها البنك تقريباا 22 الف ايش رايكم هل الي بفعله هو الصح والفايدة معقوله ام لا والا عنده حل افضل تكفون انتم اهل للخبرة والي عندة معلومة تكفون لا يحرمنا منها
ثانيا/ هل اذا اشريتها من المعرض بيكون نفس الشركة يعني مافي فرق من ناحية المواصفات والصيانه والضمان
ثالثا/ تكفون لايضحك علي المصري الي بالمعرض اذا رايكم اني اتوكل على الله واشتريها هل فيه اشياء لازم اشيك عليها يعني ترى اخوكم شوي اول مرة يشتري سيارة جديدة ...
والله يجعل كل رأي تطرحونه لي في موازين حسناتكم
اخوكم المحب لكم مشاري الحربي
والله ياخوك مرة حلةو يعني بتطلع القيمة الاجمالية لك 103.000 ريال مرة حلو انا مطلع من البنك الاهلي اسبشل 2008 وطلعت 123000 ريال
افا وينكم يااحلى اعضاء ويين مشاركتم وارائكم والله عشمي فيكم اكبر
ابغى تفاعل اكثر
من ناحيه السعر ما عندي خلفيه
بس من ناحيه الاشياء الي تشيك عليها
يمكن تكون السياره مصدومه او فيها حادث لازم تشيكل على البدي تشيك كامل او ادا تعرف احد خبره خليه يروح معاك ويشيك على السياره
او وديها ورش وشيك عليها
ويبي لك تشيك على سياره كومبيوتر و يعني القير والمكينه
وتشوف ادا في خراب
اهم شييء ما تكون متعرضه لحادث و يكون القير والمكينه سليمين
وادا طلع كل شيء اوك
توكل على الله
اما من ناحيه السعر لا اعلم حاول تشوف وتسال وان شاء الله اعضاء المنتدى ييفيدونك
افا وينكم يااحلى اعضاء ويين مشاركتم وارائكم والله عشمي فيكم اكبر
ابغى تفاعل اكثر
شكراا اخوي على مرورك ومنورالمشاركة الأصلية كتبت بواسطة gallardolover
بس السيارة جديدة واصفار يعني ماشت ابداا من الشركة للمعرض يعني وكيل لهوندا
وش رايك بالسيارة بما انك مستخدم لهوندا من واقع تجربة هل بها عيوب او غير مريحه يعني الاكورد بشكل عام رايك فيها
سيارات المعارض الجديده ماتفرق عن الوكالة اي شي .... اهم شي شيك على الملحقات الي بالسياره تكون كامله .
وبالنسبه للفائدة اشوفها معقوله جدا هذا رأيي الشخصي
تحياتي
والله أشوف لو تروح المعارض وتأخذ أكورد مستعملهـ ماشيه 20000 أو 15000 ألف وراح تنزل من قيمة السيارة ..
فإنت تشوف السيارات المستعملهـ إذا أعجبكـ شي منها ... فأعطنا خبر ..
وإذا ما لقيت ... وتحس إن السيارهـ ومبلغها مناسب لكـ فتوكل على االله والله يوفقكـ
وعمومآ حياكـ الله بين أحبابكـ .. وإخوانكـ
والله لو عندي خلفية عن القروض كان افدتك بس ماعندي
اما الفروقات بين الجديد من المعرض والجديد من الوكالة فما فيها فرق
أخوي ياهلا بك معنا في المنتدى وان شاء الله تفيد وتستفيد انا بقترح عليك اقتراح مادام ان الدعوه قرض وفيها فوائد ليه ما تاخذ فل كامل 2009 اتوقع ما راح يكون فرق كبير بالسعر وبالنسبه للمواصفات راح تفرق فرق السما عن الأرض بين الأسبيشل والفل اقصد الفل اربعه سلندر اما بالنسبه للمعرض فأنا ماخذ من معرض جديده اصفار وما يفرق عن الوكاله ولا برغي واهم شي تتأكد من ان كتيب الصيانه موجوده لأن هو الضمان والملحقات مثل الشنطه الي فيها وسائل السلامه والطفايه والدواسات هذي الأشياء الي تتأكد منها قبل ما تسلتم السيارة ان شاء الله وبالنسبه للسياره كونها هوندا اكورد انا ما بكلمك عشان هي معي لاكن قسم بالله سيارة بمعنى الكلمه رساوه في الخطوط الطويلة وقياده جميله ومريحه ولا تنسى انه ياباني 100% وجوده في كل قطعه وبالنسبه للسعر بعد البيع فهي ممتازه جدا وبالنسبه لخدمات الصيانه في الوكاله فهي ممتازه مقارنة بالوكلاء السعوديين وانصحك فيها جدا جدا ولاتنسى تاخذ فل كامل عشان لاتندم صدقني بما انك اول مره تشتري جديد
والله يوفقك يارب ويسعدك وعليك بالصدقات
ولاتنسى لا تحتار مالك الا الأسود ملك الألوان وعيش حياتك
اتمنى اني افدتك والف مبرووك مقدما
آآآآآآآآآآآآآآآآآآآآآآآآآآآآآآآآآآآآآآآآآآآآآه يالفل
^^
ماقصرو الشباب
اعتقد جاتك الأفاده
ننطر موضوع انك شريت الملكه
الله يعطيكم العافيه جميعا على ردودكم المفيدة بس والله محتار ومدري ايش السواة بس بسألكم سؤال!!
هل فيه احد منكم اخذ سيارته عن طريق البنك وكم اخذو عليه >> يعني بالتفصيل هههه
انا بانتظاركم يااحلى اعضاء تكفون لا تتركوني في حيرتي سوو خير من اجل الملكة هوندا ...
والله بصرااحه استشرت واحد من خويااي قالي كنسل الموضوع بلا قروض بلا هم وخلك على سيارتك >> كامري 2001ووفر قروشك والله وزادني حيرة حيرة زياادة
الله يوفقق الجميع ولا تحرموني من ارائكم التي اكل لها كل الاحتراام والتقدير
اخوكم المحتار مشاري الحربي
انا قدام اسبيشل جديدة وفلوسي جاهزة وربي مافكرت مجرد تفكير اخذها واخذت مستعمله فل ومريح بالي الحمدلله,,,
انصحك تاخذ فل مستعمل (نظيف) ولا اسبيشل جديد اذا كنت شبابي وتهتم بالسيارة ومواصفاتها ,,,
اتمنى لك التوفيق ياغالي ,,,
هلا والله اخوي ...طبعا الشباب ماقصروا ...
اول شي انا ماانصحك تاخذ سيارتك عن طريق البنك ( ايجارمنتهي بالتمليك ).../ترى موضوع الايجار مشتبه في حكمه ...لان فيه تلاعب واضح ..
اذا تبي تاخذ خذ قرض من البنك وطلع السياره كاش ..
بنك ساب ( البريطاني ) فائدتهم 3.40
بنك سامبا ( الامريكي ) فائدتهم 3.50 (((انا ماخذ منهم قرض 105.000 واسددهم 125.000 )))
اما الراجحي ففاتدهم قويه ....
اما بالنسبه للسيارات اللي بالمعارض فهي جديده 100% لان اغلب الناس يكون محتاج مبلغ فيشتري السياره بنظام التقسيط ويبيعها كاش عشان السيوله الماديه ...
هذا اللي حبيت اذكرك فيه ...اهم شي لا تاخذ ايجار منتهي بالتمليك ...بالتوفيق
والله ياخوك انا ماخذ من البنك الاهلي التجاري 2008 اسبيشل دافع الدفعة الاولى 20.000 ريال مع الرسوم و 1551 ريال القسط الشهري و10000 ريال دفعة اخيرة ولمدة 5 سنوات والمجموع ( 123.000 ) ريال صافيى
ماقصرتو ياشباب والله يعطيكم العافيه
بس ابي تفاعل واراء اكثرلعل احصل عندكم ماحيرني كثييييير وجعلني مااكلم الناس غير افكر واهوجس طول اليوم الله يعين بس >> تراك اذيتنا واشغلتنا هههههخ
ارجو التفاعل من احلى اخواان
ضوابط المشاركة
مواقع النشر (المفضلة)