شريت اكورد اصفار وش رايكم بالسعر و العرض ؟؟

**khaled_2010** · 10-02-2010, 09:07 AM

السلام عليكم شباب

امس الحمدلله شريت سيارة و للاسف احس انه انضحك علي و السعر مبالغ فيه
سعر السياره 88500 ريال ( فل كامل مخمل 2009 اصفااار لون اسود و هو المتوفر فقط )
صيانة مسبقة الدفع 4000 ريال ( شامله الفحص و تغيير الزيوت و الفلاتر و بعض قطع الغيار ماعدا القماشات )
يعني ادخل السيارة صيانة الـ 5 الاف و 10 الاف الى 100 الف مجانا
المجموع 92500 ريال
بالاضافه الى كوبونين من شركتين لتظليل السياره واحد خصم 40 بالميه و الثاني خصم 500 ريال

عموما انا امس دفعت دفعه و اليوم ان شاء الله استلم السياره باستمارتها

وش رايكم بالسعر و العرض ؟؟؟

الغبنه لو واحد قالي فيه ارخص من كذا و متوفره بس و الله مالقيت

**بلال العلمي** · 10-02-2010, 09:13 AM

مافيه ارخص من كذا وان شاء الله تكون زينة السيارة

**kakashi-san** · 10-02-2010, 09:17 AM

وعليكم السلام ..

فوق كل هالخصم وتقول انضحك عليك :d

لا يا عزيزي العرض ولا أروع اللي معطينك اياه ..

موفق خير اخي الكريم ..

**abAdy.777** · 10-02-2010, 09:19 AM

وعليكم السلام ورحمه الله وبركاته..
مشالله..
او كان ي العرض يوم شريت سيارتي خذته

ويكفي انك مرتاح الى 100الف
كل شي مجااني;)
والله يعطيك خيرها ويكفيك شرها

**khaled_2010** · 10-02-2010, 09:45 AM

الله يجزاكم خير

رفعتوا معنوياتي

اشغل المكيف ال1000 كيلو والا لا؟؟؟؟

شباب سيارتي سوداء ومعرضه للغبار كثير
ممكن احصل نوعيه اسفنج ناااعمه اعطيها حارس العماره يمسح فيها السياره كل يومين

لانه مستحيل اغسلها يوميا

اللي معه سياره لونها اسود كيف يهتم فيها ويحافظ على لونها و لمعتها ؟؟

**mqudaih** · 10-02-2010, 11:16 AM

الظاهر انت اللي ضاحك عليهم :d

**ya$$er** · 10-02-2010, 11:20 AM

مبرووووك مقدما
وبالعرض مره حلو .. وان شاء الله يعطيك خيرها
وبالنسبه للمكيف شغله مافيش مشاكل
طبعا في الغسيل حاول اتنظف السياره من الغبار والاتربه بالمويه مضبوط اول شي
عشان لما تجي تدعك البودي بالصابون ولا في التنشيف ماتتخدش ويظهر الخدش ع البودي من الاتربه<<اتمنى اتكون فهمت

وتحيااتي

**Silver Aurion** · 10-02-2010, 11:39 AM

يا شيخ تدري

والله انك شريت راحه الباااااااااااااااااااااال

الواحد صار يخاف من مسئلة الضمان و مدري ايش

وانت الان لا سمح الله و كان في عيوب مصنعية ماراح تشيل همها ابدااااااااا

واختيار موفق

ويعطيك ربي خيرها و يكفيك شرها

**aziz93** · 10-02-2010, 11:57 AM

مبروك عليك الموتر بس في رايي لا تضللها الحين

اولا : الجو بارد
ثانيا : عشان لو زهقت من شكلها روح وضللها بتطلع غيير

**هلآلي للآبد** · 10-02-2010, 11:57 AM

ماشاء الله تبارك الله الله يعطيك من خيرها ويكفيك شرهآ يآرب
أجل وش تقول عنى أنا مطلعها بـ 98 فل كامل 4 سلندر جلد
لا تتردد سعر حلو واختيار موفق والله .

**henry السعودي** · 10-02-2010, 01:35 PM

اخوي ما يحتاج تشغل المكيف ، الجو في هالفترة بارد
يعني اذا حسيت انك شوي احترّيت ففتح الدرايش

**ف هـ د 1** · 10-02-2010, 08:27 PM

هلا وغلا فيك حبيبي

والف مبرووووك على السياره

لون سيارتي مثل سيارتك بس اللي يفرق اني 2010 و 6 سلندر <<<< مسوي مغرور يعني :p

اولا: اذا بتغسل رش البدي بمويه قويه شوي عشان ينزل الغبار وبعدهاا عليك بالصابون افرك الين ماتخلص وبعدها نزله بالمويه والتمسيح بمويه حلوه (( بيذر)) مو بمويه عادي وبالتمسيح انصحك بخرقه جلد اسمها (( شمليذر )) وسعرها حول 70 ريال تحصلها في محلاة الزينه بس انتبه لايضحكون عليك ويعطونك صغيره ولونها يجي اصفر مو ابيض

ثانيا : عادي المكيف شغله وقت ماتبي ماراح يأثر

وهذا اللي عندي واسف على الاطاله

**ماهر الوافي** · 10-02-2010, 09:11 PM

والله سعر مرة حلة ياريت العرض حق الصيانة كان موجود يوم ماشريت السيارة

اختيار موفق وسعر ولا اجمل
يعطيك خيرها ويكفيك شرها

**JREIH** · 10-02-2010, 10:14 PM

الله يعطيك خيرها ويكفيك شرها

والله الله بالملكه شوي شوي عليها هههه

**f a w a z** · 10-02-2010, 10:28 PM

السعر ممتاز ما شاء الله

والله يعطيك خيرها ويكفيك شرها

انا ياطويل العمر شاري اكورد فل مخمل بـ 96 الف بدون عرض الصيانه بس قبل 9 شهور تقريباً

يعني سعرك مره ممتاز

**Ab Techno** · 11-02-2010, 12:55 AM

ماشاء الله لا قوة إلا بالله، سعر رائع، لكن اللون "لك عليه". الأسود لونٌ إمبراطوريّ، لكن خدمته صعبة للغاية، خصوصاً في بلاد الرمل والشمس وغسالي الشوارع "أبو خمسة".

أسأل الله أن يهبَك خيرها وخير ما جُبلت عليه، وأن يقيَك شرها وشر ما جُبلت عليه.

من أين اشتريت سيارتك ياطيب؟

عبدالله،،،