الصيانة القادمة هي الاخير قبل انتهاء الضمان! 60.000 km بماذا تنصحوني ؟؟

**B Useful** · 23-03-2007, 03:34 PM

السلام عليكم .. كيف حالكم شباب ؟؟

ابوي تعقد منى :( ... كل شهرين او شهرين ونص واذا كثرت ثلاث اشهر عندي صيانة دورية لسيارتي ...
ابوي من النوع اللي يعبي بنزين في سيارتة ويغير الزيت كل 200 الف كيلو .... جيب نيسان .

فلذلك ابوي لا يؤمن بدفع الفلوس على السيارة .. او على صيانة او اكسسوارات ...

المهم ..:o

صيانة 60 الف ... هي الاخيرة وينتهي الضمان بعدها ...
يعني اذا فية اي شي اي قطعة اي خراب .. على طول يبدلون الخربان بشي جديد ..
وش تنصحون اقول للوكالة ؟؟
العادة اقولهم ... تربيط دبل .. تشيك جيد على الفرامل .. وشد الجلنط ... وبس ...

تنصحوني بشي اخر ؟؟؟ لان كل شي على حسابهم ؟؟:p

**اتــشـــــ** · 23-03-2007, 04:04 PM

الفرامل اذا كانت تطلع صوت خلهم يغيرون الهوبات
وشيك على المساعدات اذا كانت تهرب زيت خلهم يغيرون المساعدات
واذا المكينه فيها رجه زايده خلهم يغيرون الكراسي
ولاتنسى المسجل لان سعره 4000 ريال

**Unlimit** · 24-03-2007, 08:40 AM

اهم شي الكويلات

والكراسي وجلب المقصات وكراسي المساعد ,, وووزن اذرعه داخليه وخارجيه , و تنظيف بخاخات ,, واذا يحتاج تغير بكرات السيور وطرمبه المويه

**B Useful** · 24-03-2007, 12:40 PM

اهم شي حبايبي ... هذي الاشياء اللي اول مرة اسمع فيها : جلب المقصات!َ كراسي المساعد ! بكرات السيور !
كلها يغيرونها على حسابهم ؟؟؟ ما ابي ادفع ولا قرش .... هو فعلا سيارتي الحمد لله مافيها شي سليمة ... بس ودي احلل عبدو هاشم ...:d

كنت استخدم بنزين 95 تمااام
غيرت لــ 91 البايخ ... حسيت فية رجة ملحوظة في السيارة .. في المكينة ..
رحت الشرقية وفي منتصف الطريق التانكي بح ... خلص ... خــــــــــــــــــــلـــــــــص من جد بغيت اصيح ...
واقرب محطة بعد حرق اعصاب ورجعت للــ 95 ...

#وش اقول للوكيل عشان الرجة ؟؟؟ وش اللي يبيلة يتغير ؟؟

#المساعدات ... وش العلامة اللي تبين انة يبيلها تغيير ؟؟ اذا تفقعت ؟؟ قصدي يطلع منها زيت ؟

اشكر جميع من شارك ومن سيشارك