صوت البوري تغّير (( أكورد 2009 ))

**iMac** · 13-02-2010, 05:23 AM

السلام عليكم ورحمة الله وبركاته

أهلاً بكم أخواني ..

قبل كم يوم كنت راكب مع واحد من أصحابي معه هونداء أكورد 2008 .. وكنا واقفين عند الإشاره ويوم ولعت ظرب بوري للي قدامه
انا استغربت صوت البوري عنده .. لأني معي أكورد 2009 وصوت البوري عندي يفرق عن اللي سمعته من موتر صاحبي
وفعلاً بعد التجربه صار فيه فرق بيني وبينه .. صوت البور عنده أثقل شوي

بعدها بكم يوم كنت طالع مشوار وكان فيه واحد قدامي سواقته لكم عليها

علقت عليه البوري لمدة 30 ثانيه تقريباً .. مادريت إلا صوت البوري تغير وطلع مثل موتر صاحبي بالزززززبط (( ثقلت النغمه شوي ))

رحت اليوم لكهربائي مزبوط عندنا .. وقال يبي وزن بـ 50 ريال

أبي رايكم .. هل فيه حل ثاني غير الوزن .. مو مشكله الـ 50 ريال بس أخاف يكون فيه حل أفضل من هذا
أو أروح للوكاله

**هيموالمسعودي** · 13-02-2010, 06:06 AM

قيمة البوري بالوكالة220 ريال
العالي ب120
اما الخفيف ب100
شوف الخربان عندك وغيره

**ياسر السبيعي** · 13-02-2010, 06:17 AM

عالي؟؟ خفيف؟؟ افيدنا اخوي

**هيموالمسعودي** · 13-02-2010, 06:49 AM

حبيبي عندك نوعين للبوري hi طبعا هذا فخم و li وهذا حاد

وشوف وش تطلع النتيجة فخم +حاد=تأخذ لك بوري فورد اصلي احسن لك
تقبل تحياتي

**King** · 13-02-2010, 06:50 AM

البوري عبارة عن :

High and low

عالي و واطي

إذا خرب عندك احد البواري يطلع الصوت مختلف ومثل ماذكر لكم هيمو صلح المتعطل

وعن تجربة بوري الوكالة بعض الأحيان يصير له مشاكل وتضطر انك تغيره بالكامل وشغلتها سهله مره

لكن عشان ماتواجه لك مشاكل لبس البوري شراب عشان مايخرب << ترى ماامزح من جد :d

لأن البوري عرضه للغبار خصوصا ً إذا كنت بخط سفر او بسرعات عالية وضربت بوري يدخل فيه غبار او يخرب

فا الشراب او قطعة القماش تحميه من الغبار او التراب , طبعا ً لو تلاحظون ان البوري موقعه مفتوح يعني اي شيء يدخل فيه ( حشرات - غبار - اوراق شجر ,,, ألخ ) مثل الفلتر

**كرهتك يااكورد** · 13-02-2010, 06:55 AM

يمكن غـآص شربـه آبو زهره حق آلبحـه

آمزح يآخي لآ تزعل آف

خلـه لآ تغيره كنك مسوي حركه جديدهـ بكرآ آي آحد يسمعك يقول آهآ حركه جديده ويسوي مثلك

خلك مع آلتميز ببوري وآحد هههههههههههههههههه

آنشآء آلله آفآدوك آلآخوآن

**مجوووودي** · 13-02-2010, 07:45 AM

انا مثلك البوري مش مضبوط ..

لان مرة كنت واقف ورى واحد ورجع علي واعلق ع البوري .. شوي صدمني ع خفيف ..

صار البوري يوم انا معلٌ عليه طططاااااططط عععع ووو عععشش << كيف التوصيف مايمديكم :p

بس البوري موقعه .. وين احصله .. ؟؟؟

عشان البسة فروهـ مو شراب ;)

**حميد** · 13-02-2010, 12:42 PM

سبحان الله وربي نفس المشكله عندى حسيت فيها قبل اسبوع سار موقف وهديت فجاءه واديها البور طلع مزكم ؟
بس تتوقعون الضمان يشمل البورى ولى لا .

**f a w a z** · 13-02-2010, 12:48 PM

ما اظن بس ترى شسمه انت ساكن بالسعوديه انواع الغبار والقلق

بس تصدقون ذاك اليوم لقيت عصفور داخل الحمامه اقصد حمامه داخل العصفور

**Accord_Akkawi** · 13-02-2010, 12:53 PM

انا مجرب بواري السيارات الأمريكية على جميع السيارات اللي استخدمتها ACDelco
صوتها مثل اللي يجي عالفوردات والكوابرس وبصراحة صوت بوري الهوندا يشبهلها
فجربها وترا سعرها رخيص مادري كم تحديداً بس سعرها معقول جداً ويعيش وصوتها عالي ومو مؤذي

**iMac** · 13-02-2010, 04:32 PM

الله يجزاكم ألف ألف ألف خير .. بصراحه ردودكم تحرج الواحد

الواضح من ردودكم .. إن اللي خرب عندي هو البوري الحاد
لأن صوته هالحين ثقيل شوي .. مزكم على قولتهم :d

طبعاً هالحين هو صوته حلو مابه مشكله .. بس صوته الأول أحلى بكثييييييييييييييير

والسؤال اللي يطرح نفسه هالحين .. هل لازم تغيير أو يكفي وزن ؟؟

**متصفح** · 13-02-2010, 04:56 PM

المفروض يتغير على الضمان لان البوري مو قطعه استهلاكية مثل الفحمات والشغلات الثانيه

اقرب صيانة تسويها بالوكالة كلمهم عليه ويغيروه على الضمان .....

**المايسترو77** · 13-02-2010, 06:28 PM

ولا اقولك ركب بواري ابيكا تراها يابلاش وصوتها مثل بوري الاكورد

**iMac** · 13-02-2010, 07:38 PM

أخوي متصفح
الله يعطيك العافيه يالغالي .. متأكد أنت من هالمعلومه .. عشان اروح لهم على سنع
تدري وش المشكله اللي ماخلتني اوزن البوري وأريح راسي .. لأني مريت كهربائي وقالي يمكن ألمسه وأخربه لك
وكهربائي ثاني قالي ازبطه لك تمام التمام .. فخفت أتوهق معهم

أخوي المايسترو
تقصد الأبيكا .. الفروليت ؟؟
والله امس أخوي مستاجرها وصت البوري حقه حلوووو مره ناعم بالحيل
بس انا ما أحب أركب شي غير الوكاله .. هذا طبعي :o

**Doabil** · 13-02-2010, 11:27 PM

الله يرحم اكوردات الجيل السادس من ٩٨-٢٠٠٢
ازعااااج

**الـمـسـافـر** · 14-02-2010, 12:44 AM

الحل انك تغير البوري ع الضمان .. اكييييييييد ع الضمان

طبعا اذا هو خربات واذا انت موسوس ماراح يغيره لك الا اذا شافه خربان

**ulv** · 14-02-2010, 12:48 AM

حتى انا عندي نفس المشكله بس تعرفو شبااااب يبغالي اخرب البوري بزياده واروح للوكاله يغيروه على الضماااان ههههههههه وش رايكم

**accordyon** · 14-02-2010, 12:58 AM

<<<<هذا المستخدم غير البوري مرتين ع الضمان مرة في صيانه 20الف
والثانية في صيانه 60 الف وبدون رفع صوت ولا نشبه مجرد قلت لهم البوري خرب
غيروه

**iMac** · 14-02-2010, 03:19 AM

الله يجزاكم ألف ألف أف خيييير

بكرا اروح للوكاله بإذن الله

**iMac** · 14-02-2010, 05:34 PM

ياشباب رحت للوكاله وقالو مانغير لك البوري .. معقوله !!

**المايسترو77** · 14-02-2010, 06:08 PM

مو على كيفهم

**ف هـ د 1** · 14-02-2010, 06:25 PM

غصب على اللي جابوه يغره لك

احشرهم بلسانك وخلهم يغيرونه لك

**iMac** · 14-02-2010, 08:32 PM

قسم بالله مهزله .. قالي مته آخر مره شيكت على سيارتك قلت 20 ألف .. قال والحين كم ماشيه قلت 30 ألف
يعني مفوت تشييك غيار الزيت حق 25 ألف .. جيتهم مزحزمين وأخذت الزيت وغيرته برا

قال خلاص تغيره على حسابك
وقال مايحتاج وزن .. كلهن شغالات بس الصوت متغير .. لازم تشتري جديد

**ماهمه** · 14-02-2010, 09:28 PM

مساء الخير انشاء الله طيب انا حصلتلي نفس المشكلة لا غيرته يوم جي صيانة 35000 الآلف دخلت السيارة وغيروه لي على الضمان وبسرعة واشياء اخرى غيروها على الضمان وانا انصحك اذا جت سيارتك صيانة 5000 او 10000 او 15000 او غيره رح للوكالة وهم يغيرونه لك على الضمان

**ماهمه** · 14-02-2010, 09:31 PM

غربية أنا والله ما شيكت عندهم اللى صيانة 1000 و 35000 الف بس وغيره لى ولا تكلم وانا سالته قلت البوري يشملة الضمان قال ايه ودخلت السيارة ومن بكرا استلمتها ومغيرين اشياء كثيرة بالسيارة على الضمان

غررررررريبة