الموضوع: شباب والله توهقت اكورد مستعمل ولا كرولا 2010 كرت؟؟

ياهووووووووو ياشباب المشكلة مالقيت دورت والله وحست المعارض كلها الذاات النسيم
حتى الشفا والله

اسعارها مابين 66 وانت طالع لا وكمان 2008 واسبشل وماشي حدود 60

تكفون دولوني اذا فيه شيء

على فكرة لي شهر وانا ادور
وايضا احد خابر معرض يبيع 2008 مخزن؟؟؟؟؟؟

مادام فلوسك ماتجيب جديد او شبه جديد فابعد عنها
بعدين وش رايك في سوناتا 2010 فل ب63 في جدة والله سياره في الخط وبتعيش معك 5 سنوات انا سقتها كذا مرة والله سيارة طيبة
وعليها مكيف ماشفت زيه في السيارات
وقبل كل شي استخير الله

اشتر سوناتا 2010

الفئه اللي اقل من نص الفل
جنوط وفتحه وكبوس وتخشيه ومثبت وتحكم صوت وشاشة معلومات مسجل
بـ 65
واللي بنفس المواصفات بـس بدون فتحه بـ 63

فكر فيها وشفهـآ واستخر ربك ..

والله يوفقك

الله يوفقك ويرزقك.

الاكورد اللي بالصورة

لكن نصيحتي لاتستعجل والجديد ما فيه مثله

طيب وش رايكم
ماحد قالي ياشباب مزايا ضمان الهوندا يعني افترضنا اشتريت اكورد ماشي 45 الف

هل تدخل الضمان ووش هي مزايا الضمان مثل ماقلت

اشكركم على نصايحكم وهي في الحسبان

^^
اي حبيبي تدخلـ الضمان اهم شي انها مو خليجيه

وماتعدت الـ 100الف

المشاركة الأصلية كتبت بواسطة abosara

السلام عليكم اجمعين



لي فترة وانا على هالحالة من التفكير الكثييرر


ابي مشورتكم بين اكورد 2009 ماشي 31 الف فيه دقات على الكبوت والكفر ممسوح
اللون اسود
بـ 62 الف
ولا اشتري كرولا 2010 كررررت جديد تحت يدي بـ 58 قير تماتيك واغلب الميزات فيها سيدي ووو الخ :(

وهل الاكورد الي ذكرته تخش في ضمان الوكالة ولا كيف؟؟

اقعنوني ياشباب والله توهقت من جد يعني الاكورد ممكن تخدم اكثر من الكرولا الي بشتريها ؟؟



ايضا اتمنى رابط الموضوع الي يقول طريقة تحويل الاكورد السياحي الى الاسبشل ضروري لاني بحثت عنه مالقيته :(

باختصار اذا تقدر على سعر الجديد خذ وانت مغمض...

اما اذا انك تبي اكورد مستعمل فلا تستجعل ابد , لف و دور وراح تلاقي افضل من الي في الصوره..مع اني افضل الجديد بلا شك...

لو كنت مكانك وكان هذي هي الاختيارات المتوفره اخذت الكورولا الجديده ...

والله ياشباب توهقنا مرررره
باستخير الله
وشكلي بحول على سيارة ثانية



رسالة الى الاخ abady777 ماشاء الله بسم الله عليك اانا شفت الصور الي مصورها ابداع ماشاء الله عليك
عمري ماقدر شفت عربي يصور مثلك عيني عليك بااردة موفق وواصل طريقك

^^
تسلم لي يالغالي
احرجتني
:o
من ذوقك الحلو

يا شباب السوناتا الي تكلمو عنها الشباب 2010 الشكل الجديد ولا القديم
لان اذا الشكل الجديد بفكر اخذلي سوناتا2010 صراحه السيارة روعه مره وعجبتني
بس ابغى اسال اش الفرق بينها وبين الفل
ومشكورين.

^^
الفرق جنوط 17 ومراتب جلد وحساسات و6 سيديات

واشياء زي كذاا

لكن الفل غااليه

بس اخوي الشكل الجديد ولا القديم
وكم تقريبا الفل كامل لاني راح اخذ قرض من البنك مع الفلوس الي معاي
وابغى سيارة ليه وللزمن بنفس الموصفات هذي وصراحه انا عندي ناس جربوا الهونداي ويمدحوه وولد خالتي كان يداوم بالازيرا من جدة لمكه من السبت للاربعاء ويمحها ويقول راسيه في الخط والسوناتا مثلها
ومشكور على الرد.

على طاري السوناتا ياشباب

اقل فئة في السوناتا 2010 كم قيمتها جديد
وهل فيها فتحة وتخشيبة
؟

جمع قريشات بعد واشترلك اكورد فل4جلد

اكورد موودي..
اذا كنت تقصد الشكل اللي منتشر صوره بالنت الحين..اللي سقفها بانوراما فـ انت غلطان هذيك 2011
السوناتا تغيرت بـ 2009 و 2010 غيرو الجنوط والاسطبات والصدامات ..
ومن الداخل تغيرت تغير جذري..
..
اخوي ابو ساره..

اقل فئه بالسوناتا بالخمسينات اتوقع 56 وبحدودها
ومافيها فتحه ولا فيها تخشيبه ولا جنوط .. فيها كبوس وقير عادي اوتو

ممكن صور لها

اقصد السوناتا 2010

ماأنصحك بالكوري
ترى مايمدحون الهونداي بشكل عام
قطع غيار غالية (نار)
سرعة الأستهلاك
رداءة المنتج
نزول سعرها بشكل مروع عند بيعها (يعني تشتري السيارة ب 85000 ريال) تبيعها بعد سنة ب 50000 ريال

^^
الرجال يقول يبي كرولا

نصحناه بالسوناتا بدل الكورلا

الكورلا الحين مو مثل اول..
طاح كرتهـآ..

صاررت تنفع اجار وبسس..
..
نصيحتي لك اما سوناتا ..أو اكورد سبيشل مستعمل

اقووول وهقناكم معانا

شكلها مازدا3 والرزق على الله

ان شاء الله الي في بالي الحين مازدا 3 او اذا ماكتب الله ابي اخذ النترا مافيه خيار بعد هذا كله لا كورلا
ولا شيء

الي ابي اعرف منكم ياشباب اسعار المازاد3 ومواصفات الستاندر (اقل فئة)

وعلى فكرة وشه الفرق بين انك تشتري من الوكالة ومن انك تشتري من المعارض طبعا جديد اقصد
الي اعرفه يكون الفرق 1000 الى 2000 ريال وش غيره من فروقات هل الضمان يشملها مثل الوكالة وكل شيء؟

شكرا حبايبي

اقووول
دور كرسيدا96 نظيييف
سيارة تخدمك ان شاء الله ولاتفكر اني امزح اقولها وانا صادق واللي يبقى من الفلوس في جيبك.

لاوالله أبعد عن الكورولا ..
وشوفلك أكورد غيرها نظيفة ..
وإذا إنت مصمم على الكرولا ..
خذلك فوكس الجديده اطلق منها ..
رساوة على كرف على امان على عزل ممتاز وعملية ..
لكن إنتبه لاتقول تخرب ماتخرب ..
هي بس تشيك عليها بالقطع الاستهلاكية فقط ..
وسعرها مناسبة وأفضل من الكرولا ..
وأنصحك بالرضوا بالسوناتا ..
وبالتوفيـق لك

اخوي خذ لك كراون فكتوريا مستعمل 2007 نظيف بحدود الـ 55 - 57 والله افضل بواجد

والله بصراحه سعرها والله واجده فيها

نصيحه من أخ للأخ روح دور لك سياره 2008 تلقاها 55 ممشاها بحدود 60 والله اوكي
بس تنسى سالفه الكورلا حتى ولو كانت كرت

وبي التوفيق