مشكلة في رساوة الملكة ولكن بالتفصيل الممل

**vipabc** · 24-02-2010, 02:06 PM

أشكر كل عضو شاركني برأيه في الموضوع السابق
بس أنا حاب أعطيكم الموضوع بالتفصيل الممل هذه المره

سيارت أخوي أكورد 2008 سبشل وما شاء الله;) ما في ارسى منها بالخط كنها ألماني :d لدرجة إني ذاك اليوم متوجه الشرقيه وسرعتي من 150 إلى 160 والموتر راسي ولا كني مسرع وفجئه تغير علي الموتر كني صدمت بشيء قلت وش السالفه عسا ماشر وأقمط العافيه أثاري الموتر وصل 220

وأنا ما أدري وفصل يعني إلي صار طلع فصلة السياره :d وهذا إلي حببني في الملكه وقررت أشتريها:o
أنا:( سيارتي أكورد 2009 سبشل مجرد ما أعدي 130 أو عشان ما أكون مبالغ خلنا نقول 150 تبدا الرجه

يعني ما في رساوه:( والموتر أحس إنه خفيف مره

يعني إذا سافرت بالكامري معا خويي ألقاها أرسى وبقوه بعد هذي وهي 2007

تم إختبار السيارتين على خط الرياض الشرقيه بحكم دراستي هناك قبل ما أشتري سيارتي كنت آخذ سيارت أخوي أحياناً
وأعجبت بالأكورد من ناحية الرساوه والثقل وكشخه في نفس الوقت
فقررت أشتريها الملكه 2009 سبشل ولقيت الفرق إلي قلت لكم عليه

رحت للوكاله إلي في خريص ونشبت لهم فغيرو لي طقم كامل على الضمان لأن السياره توها ما مشت إلى 2000km
وبعد ما غيروها جربتها مع مهندس فلبيني(( يسستحق كلمه مهندس وبجداره وذوق أخلاق في نفس الوقت لدرجة إنه قدرني ومسك خط الشرقيه وما ديور إلى من مخرج النظيم غلي قبل التفتيش بمسافه )) لأنه وقف معي قدام السوداني وقال السياره تبدا فيها الرجه على 130 هذا غير إن فيه حذفه بسيطه على اليسار والسياره جديده وحرام يكون فيها عيب زي كذا

بس السوداني طلعني اقرب مخرج و يقول إنها طبيعيه الحذفه والرجه جربها على خط الشرقيه ورد لي خبر أنا مغير لك طقم كفرات كامل

مسوي متكرم علي الزول كنه دافعه من جيبه

هذا إلي صار معي أرجو إني أكون وضحت لكم الموضوع من كامل جهاته
والحين تقدرون تعطوني أرائكم بعد ما عرفتو السالفه كامله

وأنا أببدي رائي وأقول بما إن السياره 2009 وأنا ما شريتها إلى في 2010 فهذا معناه إن السياره كانت مخزنه (( وهذا سبب تغيير الكفرات لأنه بعد الفحص عد وكيل بجستون تبين إن السياره كانت واقفه لفتره طويله مما أدى إلى تلف الإطارات حسب تقريرهم ))
فممكن تكون الجلب والربلات مصلبه يعني قاسيه هذا من وجهة نظري

تكفون يالربع إحرصو على الموضوع أبي أرآكم عشان أقدر أخش بعيون السوداني

صح
وإلي مهوب مقتنع يرسلي على الخاص و مستعد أقابله ونجرب الموتر سوا ويحكم بنفسه هذا إذا كان في أحد مهوب مقتنع

وبارك الله فيكم مقدما و لكل من شاركني برأيه

**عاشق HONDA** · 24-02-2010, 02:14 PM

الله يعطيك خيرها ويكفيك شرها ...
وبنسبه للكفرات انا امس في الوكاله واسوي صيانه المعتاده واسأل احد المهندسين واقوله وش ساالفة 2009 و2010 كثير يشتكون منها. قالي كلهم من الكفرات نستبدلها لهم لان التخزينا بطريقه غير صحيحه ...

**اكورد مودي** · 24-02-2010, 02:18 PM

صراحه غريبه انا عندي السيارة ماشاء الله راسيه من احسن ما يكون امسك بيها خط ولا احس بشي ومره خليت ولد عمي يسوقها الين رابغ يقولي ماشاء الله سيارتك راسيه وهو معاه مكسيما
وبالرغم انه 2009 ارسى من 2005
بس على قول الشباب يمكن يبغالها ميزان او شي بسيط
واذا مافيها شي اذا انت موسوس
وشكرا.

**FiReFiGhTeR** · 24-02-2010, 07:38 PM

بإسمه تعالى نبدأ:
اخوي السلام عليكم ورحمة الله وبركاته

انا باقولكم تجريتي وانت عليك انك تحكم

انا معي اكورد 2007 واسبوعيا على خط الشرقيه الرياض المهم كنت مركب كفرات دعسه رياضيه وكانت رساوه في الموتر غير طبيعه ماشاء الله سواء في مطر او شاطف تريله والله وبدون اي مبالغه اسوق السياره بركبتي وانا داعس 160وال180 ومافيه اي مشكله الا حاجه وحده الازعاااااج وقساوة الكفر فقررت اني اغيره بكفر انعم وغيرته بكفرات فايرستون دعسه ناعمه بس للامانه كسبت الهدووووووووء وخسرت شغلتين الاول الرساوه في السرعاه العاليه وخاصة مع الهواء والثانيه ان ما اقدر اسرع واجد لان سرعة الكفر المحدده 210 كم فانت شيك لان ناس كثير يتذمرون من كفرات الوكاله الوكاد اذا طلعت المشكله عندك من الكفرات فنصيحه لوجه الله لا تشتري كفرات جديده الا من الفروع الرئيسيه لاتشتري من عند ابو يمن والا ابو هنوووووووود ( مو نصيحه اعتبرها طلب ورجاء ) o.k

وهذا الرابط لموضوعي عن تغيير الكفرات

http://www.hondaarabia.com/club/showthread.php?t=28378

**ulv** · 25-02-2010, 01:40 AM

المفروض دام غيرت الكفراات خلاص ترجع متل ماكانت راسيه لانو الكفرات يعني تنشف اما غير كذا في السياره ممكن بعد فتره انشاء الله الشباااب يفيدوك اكتر

**accordyon** · 25-02-2010, 02:31 AM

شيك ع هواء الكفرات

كنت مدخل سيارتي الوكالة في وحده من التشيكات...المهم طلعت من الوكالة ومسكت خط
راجع لديرتي ومن بعد 140 حسيت برجه السيارة صايرة كنها باخرة:d تروح يمين ويسار
واوقف عند اقرب بنشر واشيك الهوا اثاريه 45

خليته 30 ومشيت ضبظت مثل اول
ومضة: الوكالة ومحلات تغير الكفرات تخلي الهوا شوي زايد

**H.S.M** · 25-02-2010, 03:06 AM

الصراااحه ياخوي لا تسكت عن الموضوع هاذا نهاااائييين لئن الحذف الي

قاعد يصير مو مشكله بسيطه ابدن وانما مشكله كبيره جدن جدن جدن فووق

منت متخيل حركة الحذف هااذي ,واعرف ان السبب الأول بالمشكله هو

سؤ تخزينهم للسياره مما ادى الى المشكله هاذي وانا اقولك صايره معي

الحين مشكلة الكفرات وكتبت عن الموضوع هاذا وراح انشب بحلووووقهم

وانت بعد لا تخلي الموضوع هاذا يمر كذا لئن المشكله راح تطور معاك

وتسبب لك مشاكل اكبر واكبر وارجع اقولك انشب بحلوووقهم وترااك مو

اول واحد اشتكى من المشكله هاذي والله يعينك على الوكاله والمهندسين الي

بيقعدون يسون عليك افلام هنديه

وبالتوفيق لك وللجميع

**vipabc** · 25-02-2010, 11:56 AM

مشكورين يالغالين على إهتمامكم وردكم
ولكني أبي حلول
زي ما تفضلتو غير الكفررات وغيرناها جديده وعشان تكونون بالصوره كفراتي وكفرات أخوي نفس الشيئ
أما بالنسبه لهوا الكفر فهو 32psi
أمنى ألقى حلول

**الـمـسـافـر** · 25-02-2010, 01:29 PM

طيب جرب تبدل الجنوط مع الكفرات سيارتك مع سياره اخوك

* وين درست الاملاء << دعابه دعابه :d

**vipabc** · 25-02-2010, 02:10 PM

المشاركة الأصلية كتبت بواسطة الـمـسـافـر

طيب جرب تبدل الجنوط مع الكفرات سيارتك مع سياره اخوك

* وين درست الاملاء << دعابه دعابه :d

p (((( ;) من ضمن الحكم التي تعلمتها في حياتي هو أن الخطئ الاملائي بيشد إنتباه القارئ ;) ))))

بس تصدق إن الفكره هذي تدور في راسي إنشاء الله يوافق وأبدل الكفرات