الموضوع: عندي مشكله كبيره في القير

هذا الي اسمه عين ماصلت على النبي
الله يعينك اخوي

جرب اشتري قير من التشليح

من رئى مصيبه غيره هانت عليه مصيبته

عندي 2008 وفيها تهريب صوفه قير والشركه رفضت استلامها والسياره ماشيه 85

يقولون مو على الضمان

يعطيك العافيه اخوي ذكرى الجراح على الرد ليش يقولون طالعه من الضمان والضمان حتى 100000 كلم
ادخل على المدير حقهم وتفاهم معه



اما على قولتك عين فحسبي الله على من صابها

غير قير من التشليح يكون شد بلد اضمنلك..وغير ملحقاته ( المبرد-وغيره)<<<مجرد رأي والي عنده خبره راح يفيدنا كلنا واسف على التقصير :(

i think it will be better for you if you just replace the old transmission of your car with another used one .but be-careful
and select another transmission which must be used only and never renewing ;

الله يعينك ويوفقك

اول شي / شكلها عين ما صلت على النبي او انك راعي مقاومات أو السبب من القير نفسه

نصيحة اشتر لك زيت اصلي من الوكالة وأقرأ فيه ( الرقية الشرعية ) << لا تضحك علي تقوول صاحي هذا ولا مهبول :d

لأن العين حق :( والرقية جائزة ومفيدة حتى للسيارة
وشغل قرآن فيها

مع فلتر خارجي اصلي وكالة + فلتر داخلي ( اذا بتوضب ) < اذا تقدر

و تنظيف مغناطيس القير ( موجود بـ صرّة تفريغ الزيت على ما اعتقد)

ثاني شي / لا تنسى التمرين وانا أخوك ,,, لازم تمرين بعد توضيب القير او المكينة
(( التمرين تمشي شوي شوي ,,, موب تحرق والدينه ))
وايضا المستوى الصحيح للزيت

ثالث شي / ركب مبرد خارجي قدام الراديتر وحاول ما يكون قريب او يلامس رديتر المكينة عشان ما يسحب حرارة منه + مروحة كهرب << لها فاصل وكل شي
يعني لازم الشغل يكون نظيف والكهربائي فنان والقطع مو أي كلام

وحافظ على تغيير الزيت كل 40 ألف

وانتبه لا تكون ظالم احد أو الخ ... <<< يمكن عقوبة من الله

وان شاء الله تنحل المشكلة بالكامل
ولا تنسى تدعي لي :o الله يجزاك خير

اسالني أنا عن معاناة مع القير

بس الشباب ما قصروا معي بالنصيحة
ونبهوني وبشدة اني ما اوضب القير لأنه ما راح يرجع زي اول
وراح ارجع في نفس المشكلة اللي حصلت معي

ونزقت على تشليح الحاير الله يسملك
وشريت قير مستخدم
وركبته وله الان اقل من شهر
والحمد لله زي الحلوه

على فكره : ترى اسعار القيور في التشليح موحد

من 2003 الى 2007
بـ 3500 + الرجيع + شغل اليد ( التركيب ) + الزيت = 3850

كان الله في عونك

المشاركة الأصلية كتبت بواسطة متكرود

غير قير من التشليح يكون شد بلد اضمنلك..وغير ملحقاته ( المبرد-وغيره)<<<مجرد رأي والي عنده خبره راح يفيدنا كلنا واسف على التقصير :(

يعطيك العافيه على مرورك فكرت في هالفكره بس تعبت والله وانا ادور قير حق v6 موديل 2007 نظيف ماحصلت فريت تشاليح الشرقيه والرياض بس للاسف مالقيت الا القيور اللي تجي من اليابان على قولتهم بس لما تشوف القير تقول جاي من اي عصر حالته حاله

وإذا احد يخبر لي هوندا 2007 v6 اكورد مصدومه او تشليح ياليت يفيدني

وشكراً

المشاركة الأصلية كتبت بواسطة doabil

i think it will be better for you if you just replace the old transmission of your car with another used one .but be-careful
and select another transmission which must be used only and never renewing ;

معلش اخوي الانجليزي في وادي وانا في وادي



ثانكيوووووو

المشاركة الأصلية كتبت بواسطة the silver accord

الله يعينك ويوفقك

اول شي / شكلها عين ما صلت على النبي او انك راعي مقاومات أو السبب من القير نفسه

نصيحة اشتر لك زيت اصلي من الوكالة وأقرأ فيه ( الرقية الشرعية ) << لا تضحك علي تقوول صاحي هذا ولا مهبول :d

لأن العين حق :( والرقية جائزة ومفيدة حتى للسيارة
وشغل قرآن فيها

مع فلتر خارجي اصلي وكالة + فلتر داخلي ( اذا بتوضب ) < اذا تقدر

و تنظيف مغناطيس القير ( موجود بـ صرّة تفريغ الزيت على ما اعتقد)

ثاني شي / لا تنسى التمرين وانا أخوك ,,, لازم تمرين بعد توضيب القير او المكينة
(( التمرين تمشي شوي شوي ,,, موب تحرق والدينه ))
وايضا المستوى الصحيح للزيت

ثالث شي / ركب مبرد خارجي قدام الراديتر وحاول ما يكون قريب او يلامس رديتر المكينة عشان ما يسحب حرارة منه + مروحة كهرب << لها فاصل وكل شي
يعني لازم الشغل يكون نظيف والكهربائي فنان والقطع مو أي كلام

وحافظ على تغيير الزيت كل 40 ألف

وانتبه لا تكون ظالم احد أو الخ ... <<< يمكن عقوبة من الله

وان شاء الله تنحل المشكلة بالكامل
ولا تنسى تدعي لي :o الله يجزاك خير

بصراحه ردك أعجبني جداً وكل نقطه قلتها في محلها وإنشاء الله اني ماظلمت احد


ومن ناحية المبرد الخارجي اخوي فياليت تفيدي أكثر عن كيفية تركيبه ووين افضل ورشة بالدمام اذا تعرف لانو بصراحه تجي حراراه من تحت السياره لما تكون شغاله غير طبيعيه ماهي في انواع السيارات الثانيه ما ادري الاكورد كلها كذا ولا فيه عندي مشكله


وشكرا لك على ردك الجميل وجزالله الله خير

المشاركة الأصلية كتبت بواسطة العمدا

اسالني أنا عن معاناة مع القير

بس الشباب ما قصروا معي بالنصيحة
ونبهوني وبشدة اني ما اوضب القير لأنه ما راح يرجع زي اول
وراح ارجع في نفس المشكلة اللي حصلت معي

ونزقت على تشليح الحاير الله يسملك
وشريت قير مستخدم
وركبته وله الان اقل من شهر
والحمد لله زي الحلوه

على فكره : ترى اسعار القيور في التشليح موحد

من 2003 الى 2007
بـ 3500 + الرجيع + شغل اليد ( التركيب ) + الزيت = 3850

كان الله في عونك

مشكور اخوي على مشاركتك وردك


بصراحه انا اليوم توي مطلع السياره من الورشه ورح اجرب واشوف اذا رجعت المشكله نفسها شكلي بغير قير وامري لله


وذا لقيت فيها زبون بيشتريها بعتها الا اذا لقيت السبب الحقيقي في تخبيط القير

ما شاء الله عليك توضب قير ب5000 ريال شي طبيعي ما راح يرجع زي أول

القير بالتشليح سعره 4000 راكب على سيارتك

المشاركة الأصلية كتبت بواسطة malik1987

ما شاء الله عليك توضب قير ب5000 ريال شي طبيعي ما راح يرجع زي أول

القير بالتشليح سعره 4000 راكب على سيارتك

والله يا اخوي هذا اللي حصل
غلطه كبيره


وانصح اي واحد تمر عليه هذه المشكله لا يفكر يوظب نهائياَ

كان الله في عونك

حافظ على تغيير الزيت بوقته مع الفلتر الخارجي ...

الحين قبل ماتغير القير ...شيك على الزيت المستخدم واسأل الورشة...اذا كان زيت اي سي دلكو

غيره بزيت هوندا وغير الفلتر الخارجي

هلا أكورد v6 .
اول شي اكييد انها عين ماصلت على النبي والعين حق وكثير من الناس ما تذكر الله . انا كانت معي أكورد 2007 قير عاادي من يوم طلعتا ولا عمري لمست زيت القير ولا أدري ان كان فيها زيت او لا جلست معي ثلاث سنوات .
ونا دايم امغط بخطوط طويله اقل شي امشي 170 . وزيت المكينه اغيره كل بعد 2000 كيلو زيت سوبر جتي . وبعتها ولا فيها شي .
حبيت اقولك الي بسيارتك اكيد عين او صديق لك نفسه فيها لان مكينتها مشاء الله 6 سلندر . والموديل 2007 مرغوب وحبوبه عند الناس ولها شعبيه .
اول ما تطلع سيارتك حاول تروح عند اقرب محل زينه واشتر ستكر مكتوب عليها ( مشاء الله تبارك الله ) وحطها بخلف السياره راح تدعيلي :o. الله يكون بعونك أخوي وتحياتي لك ..

عندك في الثقبة و الدمام فروع لتراي ستار Try Star ان مجب الشغل حقتهم 100/100

المشاركة الأصلية كتبت بواسطة متصفح

كان الله في عونك

حافظ على تغيير الزيت بوقته مع الفلتر الخارجي ...

الحين قبل ماتغير القير ...شيك على الزيت المستخدم واسأل الورشة...اذا كان زيت اي سي دلكو

غيره بزيت هوندا وغير الفلتر الخارجي

يعطيك العافيه متصفح
بالنسبة للزيت ما اغير لها الا زيت هوندا الاصلي سواء للقير او المكينه

وبيني وبينك يعني احيانا اتحمس واقاوم عند الاشارات

بس ما اعتقد انها تاثر لها الدرجه

المشاركة الأصلية كتبت بواسطة شمالي عاشق هنادي

هلا أكورد v6 .
اول شي اكييد انها عين ماصلت على النبي والعين حق وكثير من الناس ما تذكر الله . انا كانت معي أكورد 2007 قير عاادي من يوم طلعتا ولا عمري لمست زيت القير ولا أدري ان كان فيها زيت او لا جلست معي ثلاث سنوات .
ونا دايم امغط بخطوط طويله اقل شي امشي 170 . وزيت المكينه اغيره كل بعد 2000 كيلو زيت سوبر جتي . وبعتها ولا فيها شي .
حبيت اقولك الي بسيارتك اكيد عين او صديق لك نفسه فيها لان مكينتها مشاء الله 6 سلندر . والموديل 2007 مرغوب وحبوبه عند الناس ولها شعبيه .
اول ما تطلع سيارتك حاول تروح عند اقرب محل زينه واشتر ستكر مكتوب عليها ( مشاء الله تبارك الله ) وحطها بخلف السياره راح تدعيلي :o. الله يكون بعونك أخوي وتحياتي لك ..

ياهلا والله بالشمالي


نورت موضوعي

على طاري القير العادي هل استطيع ان احول القير الاوتوماتيك الى عادي وكم يمكن يكلف واين افضل ورشه

وتحياتي

المشاركة الأصلية كتبت بواسطة جسوم البحراني

عندك في الثقبة و الدمام فروع لتراي ستار try star ان مجب الشغل حقتهم 100/100

يعطيك العافيه اخ جسوم

بصراحه وانا احترم رائيك ولكن تراي ستار ما يغيرون القطع الداخليه اصلي هم يستوردون قطع معاد تصنيعها


هذا حسب كلام واحد من الشباب

هلا فيك أخوي .
بالنسبه لتغيير القير . ما أنصحك تغير القير من تماتيك للعادي راح يسير مشاكل بسيارتك وبذات المكينه . أحسن شي تجي السياره من بلادها مكينه ومعها قير عاادي .
انصحك لا تبدل القير .
تحياتي لك وللجميع :o

وكذالك العكس القير عاادي نبدله بقير تماتيك راح يكون مشاكل بالمكينه

لاحول ولاقوة الابالله
الله يكون بعونك اكيييد انها عين .. هل السيارة ع الضمان باقي؟؟