الموضوع: هل تريد موضوع عن زيت القير العادي للأكورد مع النقاش والمعلومات الكاملة والنصائح والخ

يشرفني أكون أول واحد يرد عليك
اختار رقم 1 وبالتوفيق..

المشاركة الأصلية كتبت بواسطة درب الالم

يشرفني أكون أول واحد يرد عليك
اختار رقم 1 وبالتوفيق..

تسلم يالغالي ... وانا أكثر
امين وياك

هذا الرابط

http://www.mygulfexpress.com/arabic/...s/gearoil.html

وفيه معلومات بسيطه عن أهمية تغييره

هل فيه فروع قلف اكسبرس بالقصيم ؟

أخوي وووواصل بحثك وانا أدعمك
بصراحة موضوعك مهم لاني مرة سألت عند تغيير زيت القير العادي
كانت الاجابة: يتغير بس بعد فترة طويلة مقارنة باقير الاوتو بس بعد كم ؟ وهل زيت قير الهوندا في منه خاص بالعادي ونوع خاص بأوتو ؟
وشكراااا أخوي the silver accord
ودمتم سالمين

اطرح موضوعك وواصل بحثك للمهتمين بالقير العادي ولاتنسى طريقة تغيير زيت


معلومة... فكرة القير العادي بسيطة ومافيها تعقيد مثل القير الاوتو ومافيه مبرد للزيت

ولا معيار لزيت القير وطريقة المعايره من اسفل السياره...بمعنى اخر مايحتاج اهتمام بشكل

كبير مثل القير الاوتوو ....ويتغير على فترات طويله حسب المذكور في دليل المالك

السلام عليكم ورحمة الله وبركاته .
كانت عندي أكورد 2007 قير عاادي مو فل كامل السياره اقل درجه حتى بعد مافيها فتحه .المهم .
سيارتي 2007 جلست معي تقريبا ثلاث سنوات ما تمر عطله الا ونا طالع من الدمام رايح لم حائل سرعتي دايم تكون 200 بطريق السريع . خلال الثلاث سنوات ماعمري غيرت زيت القير ولا أدري ان كان فيه زيت او لا الهم اني اغيرزيت المكينه سوبرجي تي
كل بعد 2000 كيلو مع سيفون اصلي فقط . كم مره قاومت عليها كوامري وسوناتا اطلع عليهم سلام سلام
بشارع العباد بحي بترومين بالخبر .
الزبده اني لعنت والد القير لدرجه اني امشي 150 ارجعها لثالث . وقسم بالله يا شباب ان القير ماشي معي مثل العسل ولا قالت أي ههههه .
وبعتها ولا فيها اي مشاكل الهم الوجهيه رايحه فيها من الخطوط .
أسف على الاطاله . تـــحــيـاتيـ لـلـجـمــيـع :o

تبغى الصدق أخوي .
صحيح ان الناس بدو ينسون القير العادي ونها ما تمشي سوقها بس والله ثم والله ان عليها فزه مو طبيعيه قوه ونشاط .
انا سيارتي الحين اكورد 2010 يالله وبالموت لقيت قير عاادي . حتى بداخل المدينه يمديك ترجع وتقدم على طول اذا كنت بين السيارات
بعكس التماتيك تجلس ساعه وانت تقدم وترجع والتماتيك عيبها بس تمسك بريك رجلك دايم على البريك والعادي اذا تركت البانزين السياره من نفسها تهدي. اسف على الاطاله :o

المشاركة الأصلية كتبت بواسطة جاكي2

أخوي وووواصل بحثك وانا أدعمك
ابشر ... ما قصرت
بصراحة موضوعك مهم لاني مرة سألت عند تغيير زيت القير العادي
كانت الاجابة: يتغير بس بعد فترة طويلة مقارنة باقير الاوتو بس بعد كم ؟ وهل زيت قير الهوندا في منه خاص بالعادي ونوع خاص بأوتو ؟
يتغير كل 60 ألف للقيادة الشاقة
أو 120 للقيادة العادية
وظروف القيادة الشاقة تجدها بكتيب الصيانة (( جدول الصيانة ))
ونعم يوجد زيت خاص للقير العادي من شركة هوندا واسمه mtf
ولكن يمكن مو موجود عند الوكالة ,,, (واذا مو موجود) الوكالة راح تحط لك زيت مكينة < وزيت المكينة لا يحتوي على الإضافات المناسبة واستخدامه مؤقت وليس دائم ولا يتحمل مثل الزيت الخاص بالقير العادي

وشكراااا أخوي the silver accord
عفوووووا
ودمتم سالمين

آمين يارب وياااااااك

المشاركة الأصلية كتبت بواسطة متصفح

اطرح موضوعك وواصل بحثك للمهتمين بالقير العادي ولاتنسى طريقة تغيير زيت
ابشر ... طريقة التغيير قد طرحت موضوع من زمان عن طريقة التغيير
وهي اصلا مو معقدة يعني كلها صرّتين ( صرة تفريغ , وصرة تعبئة )
تفرغ الزيت بالكامل ( تفك صرة التعبئة ثم صرة التفريغ علشان يطلع الزيت بالكامل تقريبا ) ثم تنظف المغناطيس الموجود في صرة التفريغ وتحط لها واشر جديد أصلي وكالة وتربطها وتبدأ تعبي الزيت الى ان يفيض من الفتحة العلويه ( صرة التعبئة )
اهم شي الزيت لازم يكون أصلي ومناسب

معلومة... فكرة القير العادي بسيطة ومافيها تعقيد مثل القير الاوتو ومافيه مبرد للزيت

ولا معيار لزيت القير وطريقة المعايره من اسفل السياره...بمعنى اخر مايحتاج اهتمام بشكل

كبير مثل القير الاوتوو ....ويتغير على فترات طويله حسب المذكور في دليل المالك

صح بسيطه طريقة عمله ... لكنها تروس وتحتك ,,, والزيت يفقد خواصه مع الوقت
والرايش يزيد مع الوقت ,,, والتغيير مهم

لكن السؤااااااااااااال !!
هل يوجد زيت mtf ( زيت القير العادي ) بالوكالة أو لا ؟
واذا ما كان موجود وش البديل !!
وايش افضل لزوجة !!
والقير لازم يكون نظيف مو مكروووف كررف وكل ما جاء يعشق يقر (ويقول ابي اغيره لأنه ممكن يخبط او تصير فيه فضاوة)

اذا الشخص يبي يستخدم زيت مكينة هذا شي راجع له : اهم شي لا تاخذ الا زيت محترم
واللزوجة هذا شي راجع لصاحب السيارة لأن صعب الواحد يجزم ايش افضل لزوجة
فيه :
زيت كاسترول ماجناتيك 10w40 (( شبه تخليقي )) <<< تحتاج علبتين ( 2 لتر تقريبا لموديلات 2006 و 2007 ) ولكن عندي مخاوف من الماجناتيك لأنه يحتوي على مادة المغناطيس اللي تلتصق بالمعادن لتوفر الحماية لها خاصة عند بداية التشغيل أو السير << وممكن انها مع مغناطيس القير تسبب مشاكل
# ولازم يكون القير نظيف ... بمعنى تغير الزيت وتحط زيت مثلا عادي وتمشي عليه مثلا 5 الآف ثم تغييره وتحط كاسترول ماجناتيك (( يعني الرايش < البرادة > راح تروح بأذن الله )) واحرص على تنظيف المغناطيس الخاص بالقير

وفيه زيوت معدنية بترولية (( غير تخليقيه )) مثل فوكس وبترومين وموبيل العادي ,,, اهم شي لا تقرب كاسترول العادي gtx ولا شل سوبر بلس

وايضا تقدر تعبي زيت قير من نوع فوكس أو الخ ... ولكن ممكن يكون غير مناسب

# وانتبه لا يخبط القير ( تجيب العيد )

ملاحظه مهمه :
احتفظ بالزيت الساااابق ( القديم ) في علبه أو علبتين < اذا ما ضبط الزيت الجديد ... ترّجع القديم ;)

المشاركة الأصلية كتبت بواسطة شمالي عاشق هنادي

السلام عليكم ورحمة الله وبركاته .
كانت عندي أكورد 2007 قير عاادي مو فل كامل السياره اقل درجه حتى بعد مافيها فتحه .المهم .
سيارتي 2007 جلست معي تقريبا ثلاث سنوات ما تمر عطله الا ونا طالع من الدمام رايح لم حائل سرعتي دايم تكون 200 بطريق السريع . خلال الثلاث سنوات ماعمري غيرت زيت القير ولا أدري ان كان فيه زيت او لا الهم اني اغيرزيت المكينه سوبرجي تي
كل بعد 2000 كيلو مع سيفون اصلي فقط . كم مره قاومت عليها كوامري وسوناتا اطلع عليهم سلام سلام
ما شاء الله عليك تغير زيت المكينة كل 2000 كيلو مع سيفون أصلي
بشارع العباد بحي بترومين بالخبر .
الزبده اني لعنت والد القير لدرجه اني امشي 150 ارجعها لثالث . وقسم بالله يا شباب ان القير ماشي معي مثل العسل ولا قالت أي ههههه .
وبعتها ولا فيها اي مشاكل الهم الوجهيه رايحه فيها من الخطوط .
أسف على الاطاله . تـــحــيـاتيـ لـلـجـمــيـع :o

خطأ كبير اسمحلي اخوي انك تمشي 150 وترد للثالث لأنها تضر القير نفسه والمكينة وحتى الكراسي والخ ...
ما شاء الله

لا عادي وش دعوى يا رجال خذ راحتك :d
شكرا على مرورك وتعليقك

المشاركة الأصلية كتبت بواسطة شمالي عاشق هنادي

تبغى الصدق أخوي .
ايه
صحيح ان الناس بدو ينسون القير العادي ونها ما تمشي سوقها بس والله ثم والله ان عليها فزه مو طبيعيه قوه ونشاط .
اي والله انك صادق وانا مجرب . اهم شي تبي سواق وتمرين بسيط ويكون القير محافظ عليه انا عن نفسي :
ما أرد نمره وانا مسرع ...و قليل جدا ازعق :d الا اذا كنت معصب جدا احطها بواحد ويا ساتر :d
لو الواحد يحافظ على القير وتغيير الزيت حسب توصية كتيب الصيانة مع الاستعمال الصحيح كان شفت التسارع الطيب
والكلتش له دووور كبير بالعزم والتسارع وأيضا زيت الكلتش والتنسيم له(فقاعات الهواء)
انا سيارتي الحين اكورد 2010 يالله وبالموت لقيت قير عاادي . حتى بداخل المدينه يمديك ترجع وتقدم على طول اذا كنت بين السيارات
بعكس التماتيك تجلس ساعه وانت تقدم وترجع والتماتيك عيبها بس تمسك بريك رجلك دايم على البريك والعادي اذا تركت البانزين السياره من نفسها تهدي. اسف على الاطاله :o

صح كلامك
لا عادي يا رجال وش دعوى

نبي نرجع لموضوعنا ونقاشنا لو سمحتم

الموضوع طرحته :d من ردي على الردود والخ ...
وراح اكمل بعض النقاط

انا بحثت عن زيت القير العادي بالخارج ( بالغرب )
ووجدت زيوووت عالية الجودة ويحبها قلبك وايضا تخليقيه
ولزوجتها على حسب ( فيه 75W90) لكنها غالية $ وممكن ما تناسب







[IMG]file:///C:/DOCUME%7E1/user/LOCALS%7E1/Temp/moz-screenshot.jpg[/IMG]





لأن هوندا الله يهديها ما ذكرت نوع زيت القير العادي وما لزوجته بكتيب الصيانة
عشان نشتري مثله من شركة ثانية اذا لم يكن موجود في الوكالة

ملاحظه :
لزوجة أقل >>>> احتكاك أعلى >>>> تآكل أكثر

ولكن الاحتكاك لا بد منه للحركة

أي شي لا يستطيع الحركة بدون احتكاك

ملخص :d :
أول خطوه / الاحتفاظ بالزيت القديم ... حسب طريقتك
ثاني خطوة / تفريغ الزيت بالكامل لآخر نقطة + تنظيف المغناطيس
ثالث خطوة / تركيب واشرات جديدة وأصلية من الوكالة
رابع خطوة / تركيب صرة التفريغ مضبوط
خامس خطوة / تعبئة الزيت إلى ان يفيض الزيت من الفتحة العلوية ثم ربط صرة التعبئة ( هوز مشبوك بمحقان أو مضخه يدوية )
سادس خطوة / التأكد ان مافيه تهريب بتاتا البتة




شف البرادة ( الرايش )


# والمشي على الزيت ( المسافة ) حسب نوع الزيت المستخدم
# تحتاج 2 لتر ( علبتين ) للأكورد 2006 و 2007 واذا تبي تتأكد راجع كتيب الصيانة ( سعة ناقل الحركة اليدوي : سعة التغيير : 1.9 لتر تقريبا والسعة الكلية : 2.1 لتر تقريبا

ونوع الزيت : (( القرار راجع لك وانت تحدد حسب وضعك وقناعتك وميزانيتك ))
فقط راح أذكر بعض انواع الزيوت للتذكير فقط
الخيارات:
1 ) زيت شبه تخليقي : كاسترول ماجناتيك الأصلي 10W40
2) زيت بترولي معدني غير تخليقي : فوكس سوبر جي تي <<< 20W50 اذا لم يناسب مافيه الا 10W30
3) زيت قير عادي من أي شركة أخرى : بشرط أصلي ونوع ممتاز ولزوجته مناسبه
4) زيت ثابت اللزوجة مثلا W40

شغل مخك وفكّر ;)

الزيت انا محتار فيه إلى الآن
انت شوف اللي يناسبك
وابحثوا معاي لا هنتم عشان نوصل لنتيجة طيبه
واللي غيّر يطرح تجربته عشان نستفيد كلنا
وانا أول واحد راح اعطيه شكرا + تقييم + دعوة طيبه
+ مثبت :d ( امزح )

بالتوفيق جميعا ان شاء الله ولا تنسون ادعو لي ;)

لكن السؤااااااااااااال !!
هل يوجد زيت mtf ( زيت القير العادي ) بالوكالة أو لا ؟
واذا ما كان موجود وش البديل !!
وايش افضل لزوجة !!



اكيد تلاقي زيت قير عادي في الوكالة والافضل تشتريه من الوكالة لانهم عارفين اللزوجه المناسبه.

يوجد زيت خاص بالتروس وهو يختلف عن زيت المحرك ولا انصح باستخدام

زيت المحرك للقير ...مستوى اللزوجه لزيت القير غير عن زيت المحرك

المشاركة الأصلية كتبت بواسطة متصفح

لكن السؤااااااااااااال !!
هل يوجد زيت mtf ( زيت القير العادي ) بالوكالة أو لا ؟
واذا ما كان موجود وش البديل !!
وايش افضل لزوجة !!



اكيد تلاقي زيت قير عادي في الوكالة والافضل تشتريه من الوكالة لانهم عارفين اللزوجه المناسبه.
واذا ما حصلته !! :d ... انا ان شاء الله راح اتصل على الوكالة وأسالهم اذا عندهم او لا ,,, احسن من مشوار على الفاضي
يوجد زيت خاص بالتروس وهو يختلف عن زيت المحرك ولا انصح باستخدام

زيت المحرك للقير ...مستوى اللزوجه لزيت القير غير عن زيت المحرك

عارف ... وانواع بعد فيه : Gl-4 او gl-5 الخ ... واللزوجة عالية للقير

لكن كتيب الصيانة مذكور فيه استخدم زيت المحرك 10w30 او 10w40 لفترة مؤقته وليس دائما اذا لم تجد زيت حق الوكالة mtf

يعطيك العافية اخوي وبانتظار الموضوع الرسمي

المشاركة الأصلية كتبت بواسطة المايسترو77

يعطيك العافية اخوي وبانتظار الموضوع الرسمي

الله يعافيك .. كتبت الموضوع خلاص ( ما حبيت اسوي موضوعين وكلهم عن ( نفس الموضوع ) واسوي زحمة بالمنتدى أو مضايقة للمشرفين )

# اذا ما فهمت علي ( الموضوع هذا هو )