اخوي اليوم مريت بالصدفة وشفت محل جديد و إللي لفت إنتباهي عرض بمناسبة الأفتتاح خصم 50 % على التضليل
المهم دقيت إشارة و حكرت الديورة ورحت له و تكيت على الكرسي وصب لي شاهي و إليك التفاصيل بالأسعار
عنده 3 أنواع من التضليل راح أبدى بالأقل سعر
1 / تضليل ضمان سنة ب 550 ريال قابل لتفاوض بالسعر يمكن 500 ولو تقردنة يمكن ينزل
2 / تضليل ضمان 5 سنوات ب 700 ريال طبعآ مع الزجاجة الأمامية شفاف كل الأنواع
3 / تضليل ضمان 10 سنوات ب 900 ريال
بالنسبة لحماية المقدمة ربع الكبوت وربع الرفارف مع المقدمة كاملة تقريبآ ب 2000 ريال إذا ماخاب ضني و ما تاكدت
لأني مافي أمل أسويها غالي
ولكن الشمعات مع المرايات ب 350 ريال وهذا ما علية خصم حسب كلامة الحماية غالية و تركيبها متعب
نجي للوصف مكان المحل وانت جاي على خريص وجهك شرق تجيك إشارة المعارض إللي هو شارع عبد الرحمن بن عوف
تدخل يمين يصير وجهك جنوب تجيك أول إشارة تتعدها بعدها في إشارة إللي هو شارع أحمد بن حنبل تاخذ أوتير فوق تحت يعني ديور
إرجع كأنك تبي خريص يجيك المحل على اليمين لوحته صفرا مافي أوضح من هالوصف لا تقول مافهمت
رد مع اقتباس
يهمني رايكم
ضوابط المشاركة
مواقع النشر (المفضلة)